غيداء : يابت يابت ( بصوت واطي ) انا خاته شنطتي ساي ماحاجزه لزول شايفاك عايزه تقعدي اتفضلي لو حابه تقعدي 😊
رهام : تسلمي فعلا افتكرتو محجوز بس الحمد لله مافي زول قاعد لانو بحب اقعد قدام 😊😊
هاجر : يلا وصلنا ي رهومه ودي قاعتك لما تخلصي اديني تلفون بنجي ناخدك لغايه ماتتعودي على الطريق تاني تجي بلمواصلات
رهام : طيب ي امي يلا دعواتك لي مع السلامه 😊
حماده : وانا مافي مع السلامه لي ☹ ( بي استهبال )
رهام : مع السلامه ، ومشت ولا انتظرت ردو لانو سلفا عرفنا نظرته لي حماده وانها مابتحبو (عمرو احساسك ماخانك ي رهومه في زول ربنا يحفظك ياخ ❤ )
دخلت رهام القاعه بين خوف وتوتر وفرح احساس برالمه ياخ كلنا حسيناهو خصوصا لو جاي بلد ما بلدك😔💔 ولا صحاب بتعرفو ،، رهام كانت بتتمني تلقى البينشات الاولى فاضيه ( حركات حفارين الثانوي دي 😹 ) بس لقتهم كلهم مليانين وفي وحده شكلها حاجزه لبت لانو خاته شنطتها ( ياها غيداء ياخوانا )
نجي نتعرف علي غدوش الحتكون صحبت رهومه وزولته شديد
غيداء شهاده عربيه كرت كرتونه من الامارات 😍 ( احييييي انا ) النوع المحنكش حنكشه لذيذه كدا بعيدا عن عولاق الايام دي 😹 وضعهم الاجتماعي حلو شديد اهلها جابوها تقراء هنا ،، غدوش في الملامح قرييييبه لي رهومه بس تقول فوله واتقسمت نصين بس غدوش عندها وجنه وبتلبس نظارات ، بت راقيه كدا وانيقه وعينه مليييييييييانه وحنينه ، نزلت داخليه وتعبانه من الوضع الجديد عليها
غيداء : اسمك منو انتي ؟ 😊
رهام : اسمي رهام وانتي منو ؟
غيداء : غدوش انا اتشرفنا ي ريري ☺ ( ماقلت ليكم عسوله )
قعدو يتونسو واندمجو ف الونسه واتعرفو ع بعض وشبه ارتاح لبعض
الليدر : يا جماعه محاضره مافي قالو فا العايز يمشي يمشي 😍
غيداء : الحمممد لله ياخ والله نعسانه براي وجعانه ارح ناكل 😋 ي رهام ونمشي البيت من هناك ..
رهام : ( وهي زهجانه ) يعني جابونا الليله تلتله بس 😒 ارح يازوله
يلا ركزو معاي ااتنين مزز قاطعات برلومات طالعين من القاعه اي زول يشوفهم لازم يقهي فيهم 😍😯 ( ربنا يحفظهم )
يلا اتجهو ع الكافتريا واليشاغل واليبتسم لغايه ما وصلو الكافتريا اكلو ، وهم طالعين
رهام : غيداء معليش ممكن نغشى المكتبه عايزه اشتري دفاتر ، عشان بكره الصباح الوقت مايضايقني
غيداء : قدااااااام ي صحبتي 😂 ضحكو الاتنين واتجهو على المكتبه كانت مسافه شويه من الكافتريا
