طبعا عرفنا انو حماده شال وصف الداخليه من سندس بعد حكه ليها قصتو الوهميه ديك 🐸 ، رجع حماده بيت ناس جوجو ...
حماده : انا حاسي انو حتكون عند صحبته ف الداخليه لانو ماعندها مكان غيرو
جوجو : طيب حنتاكد كيف 💔
حماده : تمشي وحده منكم تسال في الداخليه بس لازم ماتعرف رهام عشان امكن لو عرفت تغير مكانه ولا حاجه
هدى : تغير مكانه شنو دي حركات منها ساي 😏 مصيره ترجع هنا وراسه فوق رقبتها
هيام : هوي هوي ي جماعه نحنا مادايرن شوشره وانتو عارفين رهام زوله اتجاه واحد تقوم تبلغ عننا ولا حاجه ونروح ف ستين دهيه ، انا بشوف نكسر حنكه ونخليها في داخليته دي
جوجو : انتي جنيتي يا هيام ولا شنو كيف نكسر حنكه 😡 دي مهما كانت بتي ولازم اطمن عليها
هدى : كدي اهدو وخلونا نفكر بي رواقه 😑✋🏼
حماده : عاينو ي هوانم الموضوع دا بسيط اسمعوني كويس زي م قلت ليكم تمشي وحده تتاكد انو رهام هناك بعد داك نشوف نعمل شنو
فعلا ما اتاخرو طوالي لبسه هدى واتجهت على الداخليه بي طريقه دبلوماسيه كدا اتاكدت من المشرفه انو رهام معاهم وقاعده مع صحبته ورجعت البيت كلمت حمادن واخواته .
*في الداخليه*
رهام : غدوش انا قررته عايزه اشتغل في المكتبه بتاعت الجامعه بعد اخلص محاضرات ، عرفته من عمو بتاع المكتبه انو عايز وحده زياده تشتغل معاهم
غيداء : تصدقي ي رهام زعلتيني منك😒
رهام : ماكدا حبيبتي وماقصدي بس بلجد لازم اشتغل على الاقل اصرف على روحي
غيداء : رهام ممكن تحكي لي الحاصل معاك وصدقيني حترتاحي
رهام حست انو غيداء بقت ليها كل حاجه ❤ على الاقل اكتر وحده صادقه معاها اكتر من امها زاتو ،، فحكت لي غيداء من طق للسلام عليكم ✋🏼💔
غيداء : ماقادره اصدق ي رهومه بلجد مصدومه 💔 دا كلو يحصل ليك بلجد دا امتحان صعب وربنا يقدرك عليهو 💔
رهام : الحمد لله على كل حال
غيداء : طيب ما فكرتي حتعملي ليهم شنو او حتتصرفي كيف ؟
رهام : كنت ف البدايه عقلي واقف وبلجد بحاول استوعب البحصل لي بس لما رجعت الشريط لوراء اتاكده انو ناس امي وخالاتي ديل امورهم دي من ززمان ما من هسي ، اتذكرته لما كنت ف المدرسه بسالوني من اهلي واذكر اسم امي واشوف الناس بتهامسو واتذكرته لما اساتذه مدرستي بعاينو لي عين غريبه وشهوانيه ( مفتكرين البت زي امها ) بس كنت ما بخت في بالي والله حاجه بلشكل دا ،، وزياره عمو محمد الكتيره لينا وعلاقه اهل ابوي بي اموي وسبب كرههم ليها الما كنت لاقيه ليهو مبرر 💔 سفرنا المفاجئ للخرطوم 💔 بس لما ربطه الاحداث اتاكدته انو انا كنت مخدوعه من اقرب الناس لي الناس ديل الكنت بسعى اني احقق ليهم ولو جزء بسيط من القدمو لي ، طلع كلو حرام في حرام ي غيداء اكلي شرابي لبسي مابعيد انا زاتي اكون .... ( واتفقعت بلبكاء 😭😭 يحليلا )
