Mati ta Tawa Ala Manado ~Humor Manado

Kisah om Alo Putar bale

Ngoni so tau itu om Alo....?
Masa ada yang blom tau...itu dang, om pe ganteng rupa bintang felem asia di tivi...maar...itu om Alo pam putar bale...pang palas...pang ba dusta dang.

Banya de pe cirita...
Ngoni mo dengar?

Jang ngoni bosan neh...
Maar pasang tu Watty wattpad.
Buka tu profil Stefasan kong follow jo pa dia.

Maar jang so klar baca kong ngoni lari...
Adoh eeh cirita mati leh...
Vote banya-banya kong koment joh
Okee...??

Kisah Alo putar bale

Alo ba cirita deng setang

Suatu pagi....Alo bangun. Sebenarnya so siang, maar Alo kalo bangun stel alarm jam tujuh lewat tiga puluh menit. Salalu jam bagitu Alo bangun.

Ni pagi...Alo so mandi capat....buru-buru mo pigi acara dia.
Alo ba stel satu jam di muka cermin...

"Rupa ada yang kurang kang....?" tanya Alo pa depe diri di muka kaca.

"Adooh...apa kang?" gumam Alo,
"Kurang makan....ah nyanda mungkin, kita pe badang bagus skali bagini..."
"Kurang ganteng...ohooo...kita pe muka kalah tu bintang felem..."

"Kurang...doi...oho oho....doi riki so nyanda da tampa mo teru dimana leh!"

"Kong....kurang apa dang?" tanya Alo...masih badiam di muka kaca.

Blom dia mo lanjut bicara...eh itu cermin so ba asap...kaluar jin!
Itu jin pe gagah...kalah Alo! Jin laki-laki...ba lia Alo kong mati-mati ta tawa...sambil pegang puru!

"Huehehehehehe...ehehehehehe...pa Alo dang!" sapa jin mengejek Alo.

Alo nae darah...
Dia so teke pinggang kong menantang itu jin!
"Heh....jin... besae leh ngana pe muka...ba beking diri leh!" tegur Alo, tantang jin.

Memang Alo so gila. Hele setang leh dia pangge bakalae!

"Alo...Alo...ngana banya kekurangan...kiapa..., ngana nintau sow?" ejek jin so tatawa ulang.

"Kurang apa dang?" tanya Alo heran,
"Kurang pede ngana..."
"Kurang cewe...ngana so umur tiga puluh nyanda ada cewe kasiang joh!"
"Kurang stan...ngana pe baju, kurang itu-itu jo...!"
"Kiapa...ngana mandi cuci pake sow itu baju...hari ini dengan dua tiga hari lalu sama trus joh!?"
"Kurang otot...ngana pe bodi sama deng tu lidi dang...angin tiop sadiki langsung jatoh kwa!!"
"Maar ngana lia kita pe bodi...mantap toh!"

Semua itu kata kaluar dari mulu jin...Alo pe muka so merah...nae jin Alo!( bukan Alo so nae pa Jin pe blakang...maar Alo so nae darah..teke pinggang marah-marah)
"Apa ngana bilang....!!"

Jin tatawa trus lia Alo marah-marah. Barapa lama, karna so pastiu lia itu jin tatawa plo puru.

Alo ka dapur ambe tumbu-tumbu rica kong....
PRANGG...!!!
Alo se pica itu kaca! Ancor samua...

"Ancor ngana jin gila!"
"Cuma ngana leh...nga kira sto kita tako ngana...kasiang jo!"

PRANG!! Alo baku prang deng lemari, ancor lemari pica abis samua..
Lima belas menit Alo kage balia itu kaca so picah?

"Adoooh....kita so rugi ini!" kata Alo baru sadar diri.
"Itu jin so tipu pa kita...putar bale kwa dia!"
"Berarti so betul yang dia jin bilang tadi...ada yang kurang pa kita pe diri...!"

"Kurang pande kita....!"

Sekian,

Salam Manado,
Mati ta tawa, cirita lucu Manado~

Autor