Suatu pagi...pinsil ada manangis di atas meja...
Pinsil: Huuu....huuuu....
*Dorang anak skolah pe kasar skali. Kita dorang kase patah, kong kase biar bagini!
Pulpen: Adoh eeh...kasiang jo ngana. Maar ngana blom parah, masih bisa di pake. Kalo kita lebeh soe, kita pe tinta macet sadiki dorang *lego pa kita di tampa sampah. Nih anak skolah jaman now kurang ajar!!
Stip datang menimbrung.
Stip: Kita dang apa...!!
Dorang kalo lia pa kita so patah dua, dorang teru jo di *lante kong dorang inja-inja pa kita beking permainan. Saki skali...!
Stip so manangis...
Spidol datang ba dekat kong bilang: lebe soe kita! Kalo so abis sama skali tuh tinta, kita pe tampa langsung di got!!
*****
*Lante: lantai
*lego: di buang asal
*Dorang: mereka(orang-orang)
Vote en komen,
KAMU SEDANG MEMBACA
Mati ta Tawa Ala Manado ~Humor Manado
HumorBuku berisi cerita pendek yang bakal bikin perutmu sakit. Humor orang Manado...bahasa dan logat Manado asli. Mari ta tawa 21+ humor orang Sulut.
