أعتذر الرحيل

2

الفصل الثانى
قابل طارق رغد اثناء عوده من عمله
رغد/ حمد لله على السلامه
طارق / الله يسلمك اخبارك ايه
-  تمام الحمد لله وانت
-  تمام
-  صحيح انت اهلك فين
-  وانتى عايزة اهلى ليه
- يعنى من يوم ما جيت هنا وانت لوحدك ولا حد بيزورك ولا بتزور حد
- من يوم ما جيت ايه انا مبقليش اسبوعين هنا بس على العموم سيبى كل حاجه لوقتها هتعرفى  كل حاجه  صحيح انتى كنتى واقفه كده ليه
- مفيش كنت بشم شويه هواء
- اممممم مش مصاحبه
- لا بصراحه مابحبش موضوع الصحوبيه والكلام دا
- احسن برضو احسن حاجه ان الواحد يشيل قلبه لشريك حياته
- طيب وانت مصاحب
- لا بس شكلى كدا قريب هيحصل بس هى توافق
- ان شاء الله توافق
- طيب يلا ادخلى الوقت اتاخر تصبحى على خير
- وانت من اهله
*********************
عادت رهف الى المنزل وكان زياد هناك
زياد / كنتى فين
رهف بخضه / حرام عليكى رعبتنى
-  كنتى فين لحد دلوقتى وازاى تخرجى باالبس الزباله دا
-  ما انا لبسه اللبس دا علشان محدش يعرفنى
-  برضو ماجوبتنيش كنتى فيييييين
-  كنت فى السوبر ماركت
-  فين الحاجات اللى جبتيها من السوبر ماركت
-  يووووووه فى ايه ي زياد هو انت بتعامل طفله
- ايوه طفله لما تكدبى عليا وتروحى اماكن زى دى تبقى طفله
- انت بتراقبنى ي زياد
-  رهف انتى بكره  هتكونى مراتى يعنى النفس هيكون محسوب عليكى فاهمه ولا لا
-  لا مش فاهمه انت عارف ان مفيش حد يقدر يمشى كلامه عليا  ونت اكتر واحد عارف الموضوع دا
-  عارف  بس انا هبقى جوزك  
- حتى لو كنت جوزى
- ماشى هناقش الموضوع دا بعدين كنتى بتعملى ايه هناك
- دى حاجه تخصنى انا
- يعنى ايه تخصك انا لازم اعرف
- لا مش لازم اعمل حسابك متتدخلش فى اللى يخصنى زى ما انا مابدخلش فى اللى يخصك 
-  ماتدخليش معايا ف موضوع عند علشان انتى عارفه انى مابحبش حد يهزمنى بس ماشى هسيبك النهارده وبمزاجى  انا همشى دلوقتى ونامى كويس علشان تكونى رايقه بكره سلام ي قلبى 
رهف لنفسها (كل كلامه اوامر وزعيق وكأنه بيعامل بنت اخته ايه دا  انا ازاى اوافق اتجوز البنى ادم دا عمرى ما منت اتوقع انى اتجوز حد انا وهو مش متفاهمين شخصيه مختلفه تماما  عن ......) 
*بكرهك ي رهف
+انا كمان بكرهك نفس درجه كرهك
*ههههههه اييه مفيش مره اضحك عليكى بالكلام
+لا ي بنى انا فاهمه كل حركه انت بتعملها دا انا اتولدت على ايدك وعرفت الحب بيك
*ايه الرومنسيه دى
+اومال ايه انا اعجبك قوى
*انتى عجبانى من زمان
+ميرسى
*ميرسى  طيب قومى قومى علشان متتاخريش على كليتك  بحبك
+مى تووو
                                                   
************************
فى اليوم التالى استيقظت رغد  وادت فريضتها وجهزت نفسها للذهاب الى مكان حفل الزفاف عند خروجها قابلت طارق
طارق/ صباح الخير
رغد / صباح النور   ايه الشياقه دى  رايح فين كده
طارق / رايح فرح صديقى وانتى 
رغد / انا كمان رايحه فرح ......ا ا
طارق/ ايه ؟؟
رغد وهى تغادر  / ماتخدش فى بالك عن اذنك 
طارق / رغد بخصوص الموضوع اللى اتكلمنا فيه امبارح انا كنت....
رغد وهى تقاطع حديثه / معلش ي طارق مستعجله و مى مستنيانى ومش عايزة اتاخر عليها نتكلم  لماا ارجع اوك
طارق بخيبه امل / اوك  
توجه كل واحد منهم الى طريقه
****************
توجه طارق الى مكتب زياد
زياد / بقولك ايه انا عايزك تشوفلى سكرتير بدل الاستاذ جلال
طارق/ ليه هو الاستاذ جلال هيسيب الشغل
زياد / اه هو خلاص كبر ومبقاش حمل الشغل انا عايز واحد شباب
طارق/ ليه مش واحده
زياد / ي عم انا مابحبش شغل الستات هتعرف ولا اشوف حد غيرك
طارق/ خلاص هشوفلك حد
زياد / تمام عايزك تتولى امور التحضيرات انا مشغول جدا ومش عايز الفرح يكون فيه ولا  غلطه
طارق / هو انا الخدامه اللى جابتهالك امك
زياد / احترم نفسك ياض
طارق / ماشى ي سيدى  بص انا عندى مشوار هعمله وهاجى يلا بااى