أعتذر الرحيل

١٦

الفصل السادس عشر
يوم جديد وبدايه جديده على ابطالنا
كانت فى الاسبطل 
رهف /ف حد هنا
احد العمال / نعم
رهف / ممكن تطلعلى حصان لو سمحت
العامل / حاضر  اخرج لها احد الاحصنه  قامت بامتطاءه وقامت بجوله خارج المزرعه كانت تحاول السيطرة عليه ولكن اللجام اتقطع
رهف / عااااا حد يساعدنى  اروجوكوا  حد يساعدنى
جاان وكان قريب منها على حصانه / رهف تمسكى لحظه بس  هاتى ايدك  يلا
رهف بخوف / مش عارفه اسيطر عليه وخايفه اسيب ايدى اقع
جان / ثقى فيا يلا    اعطته يدها بعد فتره كانوا امام الباب
طارق بخوف / ف ايه ؟
جان / مفيش حاجه حادث بسيط
طارق ل رهف / انتى كويسه
رهف هزت رأسها بأه
طارق / طيب الحمد لله اطلع ارتاحى  وانا متشكر جدا ليك ي جان مش عارف من غيرك كان ايه اللى ممكن يحصل
جان / انا معملتش حاجه حمد لله على سلامتها
...................
الطرف الاول /غبىىىى دى خطه مايحطهاش طفل
الطرف التانى / اعمل ايه انا كنت مجهز كل حاجه هو الواد اللى ظهر دا السبب لو ماكنتش موجود كان زمانها انتهت
الطرف التانى  / انت مالكش لازم
الطرف الاول / اخر مره وهى القاضيه دا وعد منى
الطرف الاول / اما نشوووف
…………………………….
تارا / حمد لله على سلامتك ي هوفه انا خوفت عليكى جدا
رهف / شكرا على قلقك و مفيش داعى للخوف عدت على خير
طارق وهو يضع يده على جبينها  /  انتى سخنه ولا حاجه   اول مره تردى عليها بهدوء كدا  او فى سبب تانى
رهف / ممكن تبطل غلاسه بقى
طارق / مش قادر لما بغلس عليكى بحس ان نفسيتى بتتحسن
تارا / احم احم  عمى الرومانسى  نحن هنا
طا رق/ اطلعى بره
تارا / لا انا مش هطلع من هنا ألا لو رهف قالتلى اطلع
رهف / لا خليكى
طارق / بقى كدا ؟ ماشى انا اللى هطلع 
تارا / مع السلامه 
رهف / تارا عايزة اسألك على حاجه
تارا / اكيد اتفضلى
رهف / فى حاجه بينك وبين جان
تارا / امممم هو طارق قالك حاجه
رهف / اناا بسألك انتى بتحبيه ؟
تارا / اهاا بس هو ..
رهف وهى تكمل  / متعرفيش اذا كان بيحبك ولا لا ساعات بتحسى انه منجذب ليكى وساعات بتحسى انك مش ف دماغه اصلا
تارا / بالظبط بس ممكن يكون دا بسبب حببيبته االاولى
رهف / مفيش حاجه اسمها حبيبته الاولى لو كان حبك كان هينسى الاولى ف مقوله بتقول اذا احببت شخصين قم بأختيار الثانى لانك ان كنت حقا تحب الاول لما وقعت فى حب الثانى  ف بالتالى هو لسه بيحب الاولى ف ماتعلقيش نفسك بييه وكدا كدا انتى لسه ف الاول يعنى تقدرى تبعدى
تارا / بس هو وعدنى انه يحاول
رهف / مفيش حاجه اسمها يحاول الحب مش بأدينا لو كان بأدينا مكنش دا بقا حالنا
تارا / وانتى اختارتى طارق
رهف / ههههه دا على اساس انى حبيت طارق
تارا / عليا برضو اومال مين اللى لما كانت مفكره انى حبيبه طارق ماكنتش بتتكلم معايا كلمه واحدة  وبعد ما عرفت الحقيقه  بقت بتتكلم وبتهتم بأمرى ماتضحكيش على نفسك
رهف / صدقينى انتى مش فاهمه حاجه اخوكى بيحب واحده تانيه وانا .......
تارا باستغراب / عرفتى ازاى ؟
رهف / بشوفها ف عينه  انا ماعرفش هى مين بس هى   فضحااه
تارا / بس انتى ممكن تنسيهاله
رهف / دا لو انا عايزة بس انا مابحبهوش كلها كام يوم وننهى علاقتنا وكل واحد فينا هيروح ل حاله
تارا / انتى متأكده من دا
رهف/ خلاص بقى احنا كنا بتكلم ف موضوع  وانتى غيرتيه  فكرى ف اللى قولتلك عليه
تارا بعند / لما تفكرى انتى ف كلامى هفكر فى كلامك
رهف / الحااجات دى مافيهاش عند ي تارا انتى اللى هتخسرى ف الاخر
تارا / لحظه انتى عرفتى منين انه بيحب واحده تانيه
رهف  /هو قال كدا ف لعبه امبارح انتى نسيتى ولا ايه  انا همشى بقى انتى رغايه قوى
تارا / انا عند كلامى برضو
كان زياد جالس وامامه اللاب الخاص به يباشر بعض اعماله
رغد / احم احم
زياد من دون ان يرفع عيناه من الجهاز / خيييير
رغد / انا عايز ارجع المدينه
زيااد / ليييه
رغد / مفيش شغل هنا وانا مابعملش حاجه يبقى اعقد هنا اعمل اييه
زياد / ماتعمليش حاجه مكان ما اكون موجود تكونى موجودة
رغد / مين اللى قال كدا مفيش حد بيعمل كدا حضرتك اخدت اجازة انا مالى زياد / هو فى حد بيكره الاجازات
رغد / اه لما تكون مفروضه عليه ومع ناس مش طيقاه
زياد وهو يرفع احد حاجبيه  / وانتى مش طيقانه  انتى تطولى انتى مع صفوة المجتمع
رغد / تواضع شويه الغرور اخرته وحشه
زياد /غرور؟ بلاش انتى اللى تتكلمى عن الغرور
رغد / انا مش مغرورة ولو مغروره زى ما بتقول خلاص خلينى ارجع للمدينه وارتاح منى
زياد / انتى عايزة ترجعى لييه فى حد معين عايزة تشوفيه
رغد /  حد زى مين
زياد / زى احمد مثلا
رغد / وفيها اييه دى حياتى وانا  حره فييها
زياد  بعصبيه / لا مش حره فيها لما تلفى على واحد من صحابى تبقى مش حره
رغد / ألف؟ انت مفكر انى زى اللى حضرتك تعرفهم وماشيه معاهم
زياد بعصبيه / كلكوا زى بعض ماتفرقوش عند بعض ف حاجه
رغد / لييه ان شاء الله كنت فشتنى مع واحد ف وضع غير مناسب ولا حاجه
زياد وهو يمسكها من زراعها ويضغط عليه / دا انا كنت قتلتك فيها
رغد بتحدى   / لييه  كنت مين انتى علشان يكون ليك انك تعمل حاجه زى دى
زياد وهو يسند ظهرها الى الحائط وبقترب منها اكثر وقام تقبيلها
زياد وهو يبتعد / عرفتى انا مين  ثم تركها وذهب ظلت وافقه مكانها لم تستطع الحراك من مكانها مشاعر مضطربه بداخلها لم تستطع تفسيرها
خرجت رهف من المنزل للتنزه والتمتع بالخضره والنباتات وهروب من الجو اللى حاصرها قابلت بعض الاطفال ظلت واقفه تراقب ضحاكتهم وفرحتهم مع بعض والدفئ اللى حست بيه اتت احدى الفتايات وامسكت بيدها وبأبتسامه طفوليه/ انتى رهف صح 
رهف  بأبتسامه وهى تهبط لمستواها  /  صح
البنت بطريقه طفوليه / انا بحبك قوووى
رهف /  وانا كمان بحبك قوووى  ممكن حضن
الفتاه وهى تحتضنها / انتى جميله قوى
رهف / والله انتى اللى جميله وعامله زى الملاك  اسمك اييه
الفتاه / زيك
رهف وهى تحتضنها  / ي خراشى بجد كدا كتيير
الفتاه / انتى عايشه هنا 
رهف / للاسف لا بس بعد ما شوفتك شكلى هعيش هنا
الفتاه / ممكن نتصور بموبيل بابا
رهف  / لا
الفتاه بحزن  / لييه
رهف بأبتسامه / لانننا هنتصور بموبيلى انا علشان اخلى الصورة معايا
ألتقطت كام صورة مع الاطفال  وأتى والد الفتاه اخذ صورة لرهف والفتاه لتحتفظت الفتاه بالصورة وكان فى اواخر العقد الثالث
والد الفتاه / الجو هنا  عجبك 
رهف / جداا الجو هنا جميل بعيد عن المدينه والدوشه بجد بهنيكوا على الجو دا
والد الفتاه / انتوا بتحسدونا واحنا بنحسدكوا مفيش حد عاجبه حاله
رهف / فعلا معاك حق بس المنظر اللى شوفته من شويه دا  لعب الاطفال مع بعض ألعاب تنمى الذكاءو يلعبوا مع بعض العاب جماعيه  اللى بتخليهم يضوروا على بعض علشان يتحدوا مع بعض اللى مينفعش واحد يلعبها لوحده اللى تخلى للشخص اصحاب بجد اللى لو غاب يوم عن اللعب ببيروحوا عنده الببت يسأله عليه  دى كفيله انه يقوم وينسى تعبه علشان صحابه مش قادرين يلعبوا من غيره لانه جزء مهم منهم مش يبعتوا رساله تافه يسألوا عليه  والامان اللى الست بتحس بيه هنا لو خرجت لوحدها من بيتها الكل عارف دى مرات او بنت مين فبالتالى مفيش واحد هيقدر يرفع عينه فيها او يكلمها لو  لاقدر الله    حصل حاجه وحشه فى بيت حد فيكوا الكل هيجرى يساعده  عرفت بقى احنا بنحسدكم ليه علشان ماعندناش دا الاسره الواحده اللى عايشه فى نفس البيت متفرقه وميعرفوش حاجه عن بعض
والد الفتاه / امممم دا احنا طلع عندنا مميزات
رهف / بالظبط كدا حافظوا عليها بقى
والد الفتاه / رهف الصغيره حبتك جدا
رهف / وانا كمان حبيتها جدا ربنا يحفظها ليك ول مامتها
والد الفتاه / ي رب  ربنا يخليكى
رهف / امممم لا بلاش ربنا يخليكى دى خليها يحفظك لانى ربنا يخليكى معناها ربنا يبعد عنك  والواحد بيتمنى ان ربنا يرضى عنه
والد الفتاه بأستغراب / مكنتش اعرف كدا بس غريبه
رهف / اييه الغريب ف دا
والد الفتاه / يعنى فنانه وكدا يعنى انا اسف يعنى بس اللى احنا نعرفه عنكوا انكوا مش مقربين من ربنا قوى كدا
رهف / لييه هو احنا مش من عباد الله ولا اييه احنا زينا زيكوا مفيش فرق انا الحمد لله بأدى واجبى اتجاه ربنا و  دينى  واتمنى ان ربنا يتقبل دا منى كلنا زى بعض ومجتمعنا زيه زى غيره في الكويس وفى الوحش
والد الفتاه / والله حضرتك انا معجب بتفكيرك بطريقه غير عاديه
رهف / شكرا من ذوق حضرتك
اتى صوت من خلفها / لا وفى فى حاجات تانيه هتعجب بس تتعرفوا على بعض اكتر
رهف / طارق ؟ انت هنا من امتى
طارق / مش شويه لاقيتك اتأخرتى قولت اجى اشوفك  بس شكل البشمهندس مهتم بيكى
والد الفتاه / امم طيب عن اذنكم انا بقى   ذهب من امامهم نظر طارق اليها نظره طويله ثم تركها وذهب
رهف / ماله دا
..............................
كان الجميع  ملتف حول طاوله العشاء
زياد / انا ورغد راجعين بكره المدينه علشان عندنا شغل
كوثر / ي بنى فاضل يومين قضيهم وابقى روح   الشغل مش هيطير
زياد / معلش ي كوكى الاجازات جايه كتير
رهف / احم وانا كمان لازم ارجع لانهم كلمونى علشان التصوير
كوثر  / اوماله وانت ي جسار مش وراك حاجه انت كمان وتارا ماوركيش حاجه انتى كمان بقا دى الاجازة اللى قولنا هنتجمع فيها كلنا ونتيسط فيها
جسار / ف ايه ي كوثر  دا يومين اللى فاضلين مش حاجه يعنى وان كان عليا ي ستى انا وتارا وابنك قعدين
كوثر / لا وعلى ايه كلنا هنرجع بكره 
طارق / ي ماما سيبك منهم هم اللى خسرانين انا هوصل رهف بكرة وهاجيلك ونخرب الدنيا كلنا وهنقضى وقت احسن من الخمسه ايام اللى فاتوا
كوثر / لا حبيبى خلاص والدك عنده حق احنا قضينا خمس ايام حلوين انا هروح اجهز الشنط
طارق ل زياد / اتبسط ي اخويا
زياد / وانا مالى انا 
حضر اللجميع شنطهم للاستعداد بالعوده الى المدنيه ليعود كل شخص الى عمله
يتبع