أعتذر الرحيل

٤

الفصل الرابع
فى اليوم التالى استيقظ طارق ووجد رهف جالسه ممسكا بهاتفها 
طارق وهى يتوجه الى المطبخ / ايه دا التلاجه فاضيه كده ليه انا جعان 
رهف / بصراحه وانا كمان 
طارق / طيب ما تطلبى فطار من تحت
رهف / مطبخ الفندق لسه ماشتغلش
طارق / اه صح نسيت  ان  الفندق لسه مافتحش هو زياد دا غبى ما كان يحجز ف اى فندق تانى حبكت يعنى هنا طيب انا هرح السوبر ماركت اجيب اى حاجه وانتى تطبخيها 
رهف / مابعرفش اطبخ 
طارق/ نعم  دا ايه الخيبه اللى انتى فيها دى
رهف /بقولك ايه انت عمال تشتم فيا وانا ساكته فى ايه
طارق/ فى فيل  انا دلوقتى جعان اعمل ايه ومفيش اى اكل فى التلاجه
رهف/ ايوه لاننا كنا هنسافر على ماليزيا علطول وكنا هنقضى شهر كامل هناك
طارق  / اه صحيح هو احنا هنفضل محبوسين هنا لمده شهر وشى فى وشك
رهف / هو انت تطول
طارق / من ناحيه اطول اطول
رهف / مش وقت خناق هنعمل ايه دلوقتى
طارق / معرفش وزياد حذرنا من الطلوع بره
رهف / انا عندى حل انا عارفه مطعم بيقدم اكلات تحفه ايه رأيك نروح
طارق/ طيب لو الناس عرفتك هتقول ايه
رهف / ماتخافش انا بعرف اتنكر كويس دقيقه وجايه
ارتدت الملابس التى كانت مرتدياه بالامس
طارق بذهول / هو انتى
رهف بعدم فهم / اناا ايه
طارق/ بتاعت ال 20 يورو
رهف / هو انت الواد البارد الغلس اللى دفع الفلوس امبارح
طارق/ اه انا الواد البارد وكمان بتشتمى بدل  ما تقولى شكرا
رهف/ خلاص هعزمك انا النهارده بس يلا اجهز
ارتدى ملابسه وتوجهوا الى المطعم 
*******************************
توجهت رغد الى مكتب زياد وظلت متنظره لمده طويله 
رغد للسكرتير / انا هفضل قعده كده كتير
السكرتير / مستر زياد زمانه جاى
رغد  وهى تنهض / انا همشى وقوله انى فضلت مستنياه كتير وهو اتأخر
زياد / ليه هو اللى يقولى ما تقوليلى انتى
رغد / مفروض يكون عندك احترام للموعيد
زياد وهو يتوجه الى مكتبه  / تعالى ورايا
فى الداخل جلس زياد على مكتبه وجلست هى امامه
زياد / انا قولتلك اقعدى قومى اقفى
رغد (قليل الذوق ) / انا جيت على حسب الاتفاق هشتغل ايه
زياد / هشتغلى سكرتيرتى استاذ جلال هيعلمك كل حاجه
رغد / هستلم الشغل امتى
زياد / من دلوقتى  امسك سماعه الهاتف وبعد عده دقائق دخل جلال
جلال / نعم ي مستر زياد
زياد / الانسه رغد اللى هتمسك الشغل مكانك لو سمحت عرفها طبيعه الشغل
جلال / حاضري فندم اتفضلى معايا
زياد لنفسه / دا انا هوريكى ايام عمرك ماشوفتيها ولا هتشوفيها
**********************
كانت  رهف وطارق فى المطعم رهف بتأكل بشراسه
طارق/ ايه هو فى حد بيجرى وراكى
رهف / هموت من الجوع
طارق وهو ينظر الى رجل جالس فى الطاوله المجاوره / انتى كل لما بتيجى هنا الراجل دا بيكون موجود
رهف وهى تنظر الى الرجل / اه شكله بيبات هنا
طارق/ لا ي اختى وانتى الصادقه  دا بيراقبك
رهف / ايه بيراقبنى  ليه
طارق/ زياد اللى باعته
رهف / وانت عرفت ازاى
طارق / شوفته قبل كده فى المكتب عند زياد 
رهف بخوف  /  طيب يلا نمشى ل احسن زياد ممكن يخربها فوق راسنا
طارق/ دا على اساس انك قاعده مع صحبتك
رهف / يعنى انت ممكن تضرب زياد
طارق /ايه الهبل دا انا هضربه ليه كل ما فى الموضوع انا دلوقتى مسئول منك لحد ما اطلقك
رهف / تعرف اول مره حد يهتم بيا  حتى لو كان الاهتمام دا صورى
طارق / طيب كلى يلا علشان نمشى
رهف / صحيح قولى انت كنت بتعمل ايه هنا يوم ال 20 يورو
طارق (لو قولتلها انى ساكن هنا ممكن تعرف انى اعرف رغد ) / دى حاجه تخصنى انا  يلا علشان نمشى
دفع الحساب وتوجهوا الى الفندق   وكان زياد فى انتظارهم
زياد / كنتوا فين
رهف بلخبطه وتختبأ خلف طارق   / ااا كنا فى اا اسأله هو
طارق / كنا بنأكل بره
زياد / طيب هى وعارفين انها  مجنونه انت ايه بقى    انا مش حذرتكوا ممنوع  تخرجوا   بره افرضوا الصحفيين شافوكوا
طارق / عايزنا نعمل ايه يعنى مكنش فى اكل وسيادتك اخدت مننا الموبيلات نموت من الجوع
زياد / كنت تستنى انا جبت الاكل معايا لفيت  عليكوا الدنيا  زى مايكون فص ملح وداب على العموم الحركه دى ماتحصلش تانى
طارق / طيب ي سيدى شكرا احنا هنفضل هنا كتير
زياد / لا طبعا انا اجرتلكوا شقه صغيرة كدا ف مكان بعيد تقعدوا فيها الفتره دى 
رهف /  انا عايزة ارجع شقتى
زياد / مش بمزاجك
رهف / اومال بمزاجك
زياد / اه بمزاجى 
زياد  ل طارق  / جسار بيه عرف بجوازك
طارق ل رهف / ادخلى انتى جوة
رهف / انا  اصلا كنت داخله من غير ما تقول
طارق / عمل ايه
زياد / هيطين عيشتك  
طارق  وهو يغادر / انا طالع
زياد / رايح فين
طارق / رايح ل تارا
زياد / هو انا كنت بكلم نفسى ي ابنى 
طارق / بقولك ايه انا هشوف تارا يعنى هشوفها لو عملت ايه 
زياد / انا هجيبهالك لحد هنا
طارق /انا اللى هروح اجيبها لان فى كلام كتير عايز اقوله ل جسار  بيه
زياد / تمام هاجى معاك يلا بينا  
طارق / لا انا هروح لوحدى روح انت شوف شغلك وخد رهف وصلها للشقه اللى بتقول عليها دى وابعتى الموقع ماسج   
*****************************
كان رغد فى عملها مع الاستاذ جلال
جلال / كده انا فهمتك كل حاجه وما شاء الله انتى بتستوعبى بسرعه
رغد / دا بس علشان خضرتك بتشرح بطريقه كويسه
جلال / كده كل حاجه خاصه بالشغل قولتهالك لسه بقى بقى طريقه التعامل مع مستر زياد
رغد / ليه هو ليه كتالوج
جلال / ههههههههه بصراحه اه  علفكره انتى اول بنت يتعامل معاها بطريقه مباشره
رغد / ربنا يكون فى عونى بجد هو انسان غلس وبارد
جلال / بس قلبه طيب لما تقربى منه هتعرفى دا
رغد / انا مليش دعوه بيه انا هعمل شغلى من بعيد ل بعيد
********************
توجه طارق الى منزله
جسار/ مبروك الجواز  
طارق/ الله يبارك فى حضرتك
جسار  /  بقى ترفض وحده  زى صافى بنت شريكى فى الشغل علشان تتجوز وحده مغنيه
طارق/ مالها المغنيه على الاقل مش اختيارك
جسار  /  ماله اختيارى اخترتلك احسن  واغنى بنت فى باريس الوريثه الوحيده ل مجموعه (.....)
طارق / حضرتك مابتفكرش غير فى الفلوس وبس
جسار  / انا نفسى افهم انت طالع لمين كنت فاكر لما تصاحب زياد هتتعلم منه بس من الواضح انك غبى
طارق/ والله لو الغباء بالطريقه دى انا موافق اكون غبى
جسار  /  بكره تندم
طارق /لما يجى بكره عن اذنك   انا رايح اشوف ماما لو ماعندكش مانع
جسار / ولدتك مش موجودة مسافره
طارق / تمام انا طالع ل تارا ولما ماما تيجى  قولها انى  اخدت تارا تعيش معايا
توجه طارق الى غرفه شقيته
طارق/ يلا جهزى نفسك وتعالى علشان هتعيشى معايا
تارا بنرفزه   / هنروح نقعد فين عند المدام   بقى  تتجوز من غير ما تقولى يا طارق 
طارق/ هههه اهدى وانا هفهمك كل حاجه
تارا وهى تضع يدها على اذنيها  / مش عايزة اسمع حاجه 
طارق/ يا بت اتهدى بقى هفهمك كل حاجه بصى يا ستى ..........
***********************
بعد ذهاب طارق خرجت رهف
رهف / طارق راح فين
زياد /  راح مشوار وزمانه جاى
رهف / من غير ما يقولى
زياد / انتى صدقتى نفسك انك مراته ولا ايه
رهف / لا ماصدقتش بس انا مش لعبه فى ايدك انت هو تحكم عليا انى اتجوز الاخ دا وتحبسنى فى المكان دا  فهمنى انتوا عملتوا كده ليه
زياد / لمصلحتك
رهف بأستهزاء  / هههه انت مبتعملش حاجه غير لما تطلعلك مصلحها منها
زياد / بطلى تفكير فى الموضوع دا يلا اجهزى عشان اوصلك للبيت  
……………………….
وصل  زياد الى المكتب ووجد رغد تمارس عملها
زياد ل رغد / هاتى مفكره و  تعالى ورايا
رغد وهى تنهض من مكانها / حاضر
زياد / النهارده هنعمل جوله على محلات الاحذيه ومحلات لعب  الاطفال والملابس ولما نخلص الجوله هترجعى هنا تراجعى الملفات اللى على مكتبك وترجعيها الارشيف تانى   وبكره  عندنا جوله على المنتجعات والمطاعم واجتماع مع اعضاء مجلس الاداره  وهنروح الفندق الجديد علشان نشوف امور التحضيرات وصلت لحد فين ونتكلم مع مصممه الاحتفالات علشان نجهز حفله الافتتاح بتاعت الفندق
رغد / اسفه بس ممكن تعيد تانى  لان حضرتك بتتكلم بسرعه جدا
زياد / انا بقول الكلمه مره وحده بس وانتى مطلوب منك تسجلى كل اللى انا بقوله
رغد وهى تحاول تكبح غضبها  / حاضر اى اوامر تانيه
زياد / تعالى ورايا
توجهوا الى محلات الاحذيه واعجبت  رغد بتصميم المركز وروعته
رغد بأنبهار   / واو انا مكنتش متوقعه انه  بالروعه دى
زياد / لازم يكون بالروعه دى لانه ملكى
رغد / متواضع
زياد / بتقولى حاجه
رغد / لا ابدااااا
بعد ان انهت العمل توجهت الى المنزل وهى فى غايه التعب  

يتبع