حبيبي مافيوزي الجزء التاني

144

خرج نضال من البيت كيشوف شحال فالساعة لقاها12h دليل وخلا صابر مع المسؤول على السخرة جا وكيسول فيه، اما نضال فراسو بأن وحدة فيهم مور هادشي و كل وحدة عندها اسبابها الخاصة باش تعدب مروى ومابغاش يبين لحتى وحدة فيهم وجاتو مع السفر و مابغاش يزيد يبحت فالقضية حيت المشكلة شاك فختو تاهيا وخايف تكون هيا نور هادشي حيت غاينحيها الى طلعات هيا. من جهة اخرى بغا يجلس مع مروى ويطمن عليها تا توللي شوية لاباس ويبالي بالتلاتة اللي كايضورو ليه فراسو.دخل عندها لقاها نااعسة وحداها فرمليات مقابليهنا ، حيدو ليها الاكسجين و عطاهم كراميل حوايج النعاس فاش كتنعس ولبسوها شوميز دو نوي فالاسود كيوت و هيا ناعسة مافاقتش ومسح لبها كراميل وجهة من الماكياج خلاه ليها طبيعي و دتر ليها كريم مرطب وخلا ليها شعرها هاكاك بوكلي جات وخرج مشا لبيتو وخلاهم معاها جات زوينة بالشوميز كحلة خير خويطات من الكتاف و السوتيانات باينين شوية مشبكين تا هما فالاسود والشعر كحل مطلوق عليها. دخل نضال و خرجو هما ، قرب منها وكيتأمل ملامحها و حجبانو عاقدهم وهيا ناعسة وصبعو كايدوز على وجها وكتافها وصدرها بإعجاب ، طووول الشوفة فيها بزااااف تا ناض كيتنهد ويتحصر على ما جرى فيها ، حيد حوايجو و لبس الشورط فوق الركبة قصير كحل بالسيور و بانطوفة كحلة و جلس على واحد الكرسي قريب منها وحداه كاس كيشرب فهودوووء والضو طافي ، من غير ضوء خفيف ديال الفايوز، كلس حداها وكيشوف فيها مدة طويلة تا بانت ليه كتحرك شوية بشوية وكتصدر انين خفيف. مروى: انننن. ءه...اننن (كتحرك) ناض عندها وطلع على الناموسية حداها و كيدوز صبعانو على حناكها.. نضال: رتاحي الحبيبة ديالي ، خليك بلا ماتحركي.. (باس ليها يدها) #مروى بديت كنحس براسي فشلانة و ماقادراش نتحرك وكنحاول نحل عيني شوية بشوية وكنسمع صوت نضال فودني وماقدراش نجاوبو، بقيت كنحاول نفتح عيني شوية تا بديت كنحلهم تدريجيا وكيبان ليا غير الضلام وضوء خفييف ، بديت كنحقق مزيان تا وضاحت ليا الصورة وانا كنشوف فالسقف شفت فالمرايا عرفت راسي فالبيت د نضال و الليل و هوا متكي حدايا كيلعب ليا فشعري.. مروى: اننن... اايي نضال: مييميي... (دور ليا وجهي عندو ) كضرك شي حاجة قيطة ديالي؟ مروى: فش...ف.. ااننن... فشلانة...شنو...و.وقع؟ نضال: والو (ابتسامة) عييتي ودختي (طبع قبلة على فمي) مروى: (هزيت يدي بزز حطيتها على كرشي )و..الب.. نضال: باقي تما ههه ، ماتخافيش مزال البيبي فلكريشة ههه مروى: (كنضحك بزز) ههه ب..بصح😦 نضال: ههه بصح القيطة ، فخبارك انا كنتسطاااا عليك، زوينة حتى ونتي مريضة (باسني فمي) مروى: 😋 نضال: هاهما حمارو عوتاني ههه مروى: ههه 😋 (حسيت بيدي كتجر شي حاجة) شنو هادشي؟🙁 نضال: غير السيروم ،ماتخافيش ... حيت ماكليتي والو من داكشي علاش داروه ليك . مروى:هاا؟ غير حيدو وعطيني ناكل😯 نضال: هههههه وييينووو (كيقلدني) غييير حيدووو وعطييينيي ناااكل ههه راه غاناكلك ههه (باسني فحنكي بوسة حارة تا ضرني) شكون للي بغا ياكل؟ نتي ولا البيبي ههه مروى: 😋ههه نضال: بجوج؟ (حط يدو على كرشي و كيحركها) فوقاش غتكبر هههه مروى: (تزنكت) نضال: بغيت نشوف لقطيطة ديالي دبدوبة هههه مروى: هههه وياك ماكنيش باغي ل.. (قاطعني) نضال: هههههه لا باغي، ولاكن غير نشوفك دبدوبة وصافي من بعد غتحبسي حيت باقة صغيرة وعندك جوج وليدات والتالت جاي فالطريق ، والصحيحة ديالك غاتمشي مروى: الصمت😋 (كيعجبني فاش كيكون كيهضر ويعبر بملامحو و يديه ، و فيه بلية كيهضر و يغمز) نضال: شنو باغا تاكلي دابا؟ (ابتسامة) مروى: ههههه واحد الحلوى بيضاء كليتها فالجردة (سهيت كنتبنن و لساني كيلحس شفايفي) حلوة وبنيييينة هههه 😍 واااعرة ههه وفيها السكر ورطبااااا... امممم فنة