اسر مكملا طريقه قائل ببرود : مسافر عندى شغل.
الفتاه بحزن : هتسافر تانى يا بابا؟انت لحقت؟
قال أسر قبل ان يغلق الباب خلفه: شغل با نادين شغل.
دحل أسر بسرعه لينطلق بسيارته مره اخرى عائدا الى شركته ليستقل الطائره الخاصة التى يمتلكها غير مهتم بالحزن الذى طل من وجه بنته.
المرآه واست نادين : معلش يا نادين هو مضطر والا ماكنش سافر فجاة .
نادين وهى على وشك البكاء: مش كل مره كدا يا نانا انا مالحقتش اشوفه خالص.
ضمتها المرآه الى صدرها قائله: والله ما عارفه ايه اللى قالب حاله 180 درجة من ساعت موت مامتك وهو على الحال دا.
نادين بعصبية:وانا ذنبى ايه يا نانا!مامى ماتت من12 سنة وانا عايشه من 12 سنه كأنى يتيمة الأب وآلام.
نهرتها الجده بهدوء: ماتقوليش كدا يا بنتى ربنا يحميه.
قاطع كلامها قدوم الخادمة مرتدية زى الخدم الرسمى الذى يرتديه كل من يعمل بتلك الفيلا التى تشبه قصور الملوك : تليفون عشانك يا كوثر هانم ...احلام هانم.
كوثر : حاضر جايه.
التفتت كوثر الى نادين مره اخرى لتجدها تثعد درجها منكسره لتتجه الى حجرتها التى تغلق فيها على احزانها والمها فى هذا المكان فتنهدت كوثر متجهه الى الهاتف راسمه ابتسامة زائفة لتجيب قائله: احلام هانم وحشتينى موووت.
على الجانب الاخر.
بينما تتناول ايلين الطعام مع جدها ويتبادلان الحديث والمزاح سمعا طرقا على الباب فاتجه الجد ليرى من الطارق فسمعته ايلين يقول ببرود: عادل؟! اه أهلا.
عادل بتوتر : ازيك ياعم مصطفى ؟
مصطفى بنفس البرود:الحمد لله خير
فى حاجة.
عادل:ابدا حبيت اشكر ايلين على اللى عملته مع امى النهارده.
ظهرت ايلين من خلف جدها لتقول بابتسامة مشرفه :اهلا يا عادل اتفضل كل معانا .
عادل بخجل : لا شكرا يا ايلين انا جيت اشكرك بس.
ايلين بنفس الابتسامة:لا شكرعلى واجب ما هى غاليه عليا زى ما غاليه عليك بالظبط.
عادل :طيب استاذن انا بقى.
ايلين : ما تقعد تاكل الأول طب.
عادل منصرفا :معلش مرة تانيه ان شاء الله
غادر عادل ليقول جدها بصوت هامس ساخرا: يا حنين.
ضحكت ايلين قائله: ههههههههه نفسى اعرف مش بتحبه ليه.
الجد بغل: عشان النحنحه اللى هو فيها دى ياختى.
ايلين : هههههههه ماسى يا ابو النحانيح مش هناكل بقى.
وبعد ان جلسا مره اخرى على الطاوله نظر اليها جدها قائلا: مش قولتلك بلاش تروحى تساعديها انا عارف انه هي لا فيها حجة بقى عشان يجى هنا.
ايلين مستغربة:ويتحجج يجى هنا ليه.
الجد بغيظ: عشان يشوفك و يتكلم معاكى.
ايلين محاولة اخفاء ضحكتها :طب ما هو ممكن يجى من غير ما يتحجج احنا من امته بنقفل بابنا فى وش حد.
الجد بجدية:عشان انا موجود فمش ع يعرف يجى من غير سبب.
ايلين غامزة جدا:ايوا طبعا من ساعة آخر مرة قوات له انت جاى من غير سبب انت هتنطلى كل شوية ولا ايه ههههههههههه.
الجد بحق:طب مانتى عارفه
