Hai... 👋👋
Lama nda timbul 😅
Siou kio baru author timbul...
Apa apapun... Keep votes and comment.. 😉
❤❤❤❤❤
Awal lagi sa bangun... Terus sa call uber. Harine memang sa bertekad mo cari tu kusai! haha...
Sampai jak di tempat kami camping hari tu, sa turus daftar nama and pigi tapak perkhemahan...Adada.... Sa bilang... 😂 festime oh sa masuk utan saturang..
Siap jak bikin khemah, sia tingu jam, baru pukul 10am.. Kalau gitu bagus sia raund raund lu....kumpul kayu api....
"fuhhh...." sambil sia kasi regang regang tu semua urat urat belirat 😂dalam badan... Manatau gaut( iya kah tu ejaan dia? Antam.. 😅)... Bunyi air sungai... Bunyi burung.. Semua bikin tenang gila geng... 😂 butul ne.. Damai btul ne tampat...
Lepas sa rasa banyak sudah tu kayu api yg sa pungut, mo balik lah kunu... Tapi time sia sibuk sibuk susun tu kayu api sekalian, tiba2 rasa macam ada sesuatu di kaki kanan sa....first sia kasi biar jak... Kali rumput bah tu... Kan?😁... Tapi pelik ne sebab makin lama makin kuat tu 'benda' di kaki sa. Capat capat sa silik...
TUBBB!!😵😵😨
Kazen c Ros pulak tu.... Muhehehe.... 😂😪
Ular teiii... Yang begila di kaki sa....🐍🐍 silaka! Ular sawa kali ne... Betumpuk tumpuk cukulat... 😂
Sa? Apalagi.... 1.....2...........3.............
"AMAAAAAAAAAA!!! ularrrrrr!!" sia nda taulah betapa kuatnya suara sia time training jadi tarzan tu... Silap sikit itu tarzan pun jatuh dari pukuk sabab telampau takazut! Muahahahaha... #author begila seketika... 😵😪
Sudahlah sia gali ne Ular...menari tiang pulak di kaki sia....😂...silaka butul... Makin pono kuat dia melilit! TULUNGLAH... Sia mo tekancing!!, mo tebirak, terpingsan pun ada ouh.... Tenangis sudah ne... Staga.... Nasib sa saturang jak oh... 😅😂
"Budu punya Ular!!Basug!! ko turun bah dari kaki sia!!" barabis suda sa memaki maki ne Ular...! Nda lama tu pandai tu ular mo naik pigi atas... Paha sia!!😨...ASTAGA!! Bukan lagi teduduk sa ne... Tetiarap suda... 😂... Vavi ko ular!! 😭😭
"argh!! Bud...." bulum abis sia teriak macam opera dusun (ada kah opera dusun? 😂).... Sonoo... Sudah tu ular tarabang di pukuk.... Temanyangkut ne....terus terautomatik sa bediri...
#bab ne banyak TER...TER... Ya..✌😂
Seorang kusai... Siapa ne? 😂 dia yg tulung menyelamatkan nyawa sia... Cia3...😉😂
"are you ok?" dia tanya tapi tidak pandang sia ne...dia tingu arah tu ular jak... (dia tanya sia kah tu ular tu? Abis dia ampas tu ular Kan... Manatau mo mintak maaf.. 😂) jadi sia diam jak lah....(macam budu plk😜)
"uii...! Ko dangar kah?" sakali sa kana siku, automatik sa tejatuh balik ne...ntah kenapa.. bikin malu jak. Astaga.... Tu kusai bilang.. Then tulung kasi bediri sa balik...😂 time tu lah sa tingu muka tu kusai...
ZUPP!!...in...ini...Si kusai misteri!! 😱astaga negara...!! 😂
"kau lagi?!" dia bilang arrr...dia kanal muka sia oh...😅 ni Kali lah....
"arr....arr...yaa...sa lah ne...😅..ko kanal kah?"sa bilang.. Pura Pura sa kasi lap2 muka sia...😂
"Ros.." sakali dia sebut nama sia, trus sa tetunduk ne...abis ne kusai tingu jak sia.. MAMIII!!😭
"what are you doing here?" dia tanya... Sa nda tau apa mo jawab...takkan sia mo cakap yg sia pigi sini Sebab cari dia...begila nanti dia di sini.. 😂😂
"err...saja... Mo release tension.." sa bilang. Kunun lah... 😂
"ouhhh..." gitu jak dia balas. Then dia mo jalan sudah...Haiya... Tapi yg pelik nya dia pigi pungut sia punya kayu api..!
"ehh..tu kayu api sia !" sa bilang.( bediri suda sa di dapan dia.) sekilas jak dia tinguk sia pastu sambung balik pungut tu kayu api... 😡
"teda nama ko pun malakat sini kayu...." dia balas. Suda tu dia angkat semua, pastu suruh sa jalan balik khemah.??
"kayu api sia...??" sa bilang lagi😂. Iya Ros..dia jawab.. Haha..surrender (?) suda kali..
....
"how did you know my name?" sa tanya sambil kami jalan. Ne kusai tulung sa angkat kayu rupanya.....
"adalah... Mo jua tau.." dia bilang.. Aduii... Kin panas oh...
Sampai jak di khemah sa, dia ampas jak tu kayu...😂...aik geng.. Main kasar nampak... Sa bilang dalam ati jak lah...😆nanti sa pun kana ampasss... 😅
"berani oh camping saturang..." Kunun dia bilang. Tapi stail menyindir tu...😤
"bukan macam kau..." sia bilang.. Turus dia tingu sia ne...😅
"ko Ingat sa penakut cam kau kah?pliss...." Kunu dia cakap. Sa senyum miring jak...
Tiba tiba dia pusing balik pigi hutan.. Macam mo balik jak...takan mo balik sudah?
"ko mo balik sudah?" kunu sa tanya... Walau nampak sudah bah... 😂...turus dia tingu sia sambil silik jam tangan...
"abis? Why?" sambil 2 tangan masuk dalam poket seluar, dia tingu sia...automatik dup dap dup dap zantung pisang sia ne... 😂
"Er....Er..." apa sia mo cakap arr? 😓
"apa? Err.. Err..lagi! " marah si angkol.. 😅😂
"sebab sia mo pinjam power bank bah...handphone sia lowbet( kamurang paham2 jak lah 😂) buli kah bus?" sambil buat muka gobuk minta pisang....😂😂
" pinjam powerbank...? Ingat apalah tadi... Itu pulak... Ingatkan sebab..."
" sebab ko Ingat sa mo bilang yang sa begila sudah sama ko? Gitu? "capat capat sia cantas dia punya ayat. Turus dia buat roll eye.. 😑..😂
"yuii... Parasan juga?" pastu dia mo jalan. EH!!
" uii.. Powerbank? Pinjam bah... " sambil sia bubut dia. Kurang asam! Laju lagi tu dia jalan!! Telari lari bah sia bubut.
"uii....slow sikit bah ko jalan... Teda jua bakas bubut ko ne...sia saja sini balakang.." sia bilang. Trus automatik dia stop.
BUKK!! Aduiii... Sakit teii.. Kapala sia teantuk balakang dia...
"Aish!! Ko ne Len Kali bagi signal bah...tingu kapala sa teantuk sudah..." marah si anti... 😂
"eh dia ni... Sepatutnya sia yg patut marah ko.. Ko tau kah? Ko tu Di belakang sia... Patut ko nmpak.... Sa di dapan mana labah nampak ko...." balas si angkol...
Aik... Berangkol anti pulak kita ini...😂
"pi lah ko balik khemah... Nanti sia bagi ko... Sana rumah tu..." dia bilang. Hah? Jadi dia akan datang balik laitu Kan author? 😍😂
Author 👉 iya bah Ros... Begila sudah ko ne... 😂
"ok... Capat sikit arr.." kunu si Ros bilang... Dengan senyuman bahagia dia tu.... 😂...
Jadi durang pun balik lah kunu.... Si kusai misteri pigi 👈 ..... Si Ros pigi 👉....😂
Tapi.... Bila sampai saja di tampat dia be kem....
"OH MY!! Apa sudah Jadi ne???!!!"
TBC
😉😉😉😉😉😉😉😍😍😍😍😍
Alamak.... Apa pulak tu?
Stay tune.. ✌
YOU ARE READING
Babe I Love You
General Fiction🥀🥀 Rosmery, gadis biasa...jenis suka ingin tahu. Tapi sikap ingin tahu dia yang melampau tu memakan diri sendiri sampai dia terjebak dengan si jejaka misteri~ Cuba untuk lepaskan diri? Mustahil! Senang masuk tapi untuk keluar, tiada... *** "Peli...
