Babe I Love You

PART 10

"apa yang riuh butul ne? " tiba tiba ada satu suara lain becakap...teberenti turus si Ros ketawa...😂

" ehh...daddy..mari sini bah..." sambil tarik ne saturang lelaki sebaya daddy si Ros...

' aik? Takan ne bapa anti Bella? Dakat sama jak umur durang ne? Ber daddy lagi? Yaii..😓' barabis bah sudah si Ros buat andaian sendiri ne...takan bapa anti Bella kawin muda ne? Ereeiiii....mo tamuntah pulak...

Nasib dapat tahan...

" Ros..ko kanapa? Pucat muka ko ne tiba tiba...." tanya si anti Bella..sambil tangan melingkar di lengan daddy dia...euww...

"teda anti...err...hai..tok..." sa cuba sapa daddy anti Bella...hormat lah sikit...kan?😉

Tiba tiba...PAKK!! Amaaa...sakit teii kana tempiling sa punya bahu...nasib nda kuat...huhu...

" Ros..! Apa ko merepek ne...ne husband anti bah...jangan panggil tok...bapa si Ary ne..." jelas si anti...ouh..baru sa tau...aiya si anti lain kali panggil dengan panggilan lain bah...tingu, sa salah anggap sudah...😂

"eh..heh....arr..siou angkol...sa silap panggil..." kunu sambil garu garu kapala sa mintak maaf...tesengih jahat plus mangijik sudah tu saturang kusai nampak keadaan sa bagini...kada koti...tumbuk ma ijik ijik sia...😤..😂

" nda apa bah...oh..jadi kau lah yg nama dia si Ros tu?" tanya si angkol...angguk angguk kunu sa...anti Bella sudah peluk tangan kanan sa...eh eeiii? Atukkk...si anti macam lesbian pulak gaya kami ne...😂

" dy..kalo buat minantu ne...buli buli juga kan? Sa berkenaan sudah ne..." bilang si anti bella lagi...MINANTU?? Yaaiiiii.....palis...😝...nda sa kapingin teiii...ehh!? Tapi kawin sama sepa? Ne kusai? Yang miring miring ne? Yang bilang kuih sa bau taik? Hah? Puuiii lahhh....palis palis....jauh jauh...

" myy....sa nda mau...not my test!! " tiba tiba tu kusai menjawab...not my test ko bilang ?? Santik gini ne....silaka ko....ingat ko laku sangat lah? Harap muka hinsom tapi gaya macam gobuk, bagus nda payah bah...sudalah kasar sama perempuan...sumbung lagi...tabiat...kalo ko jadi laki sa....herm...sonooo...lubang jamban sa kasi sumbat ko kalo telampau tabiat...kotoh nogi...😂

" yuii...sepa bilang untuk kau? Parasan...nda laku bah ko ne Ary...telampau pamilih....tingu tu si Butod yg muka kaca pecah pun sudah kawin...ko yg macam kuria tu muka pun masih bujang...mami sudah kasi kenal banyak sumandak suda tapi pamilih butull....nda lama sa kasi kanal ko sama tu timur siring jalan kalapa sawit...baru ko tau...galap galap lagi tu...paduli anak kamurang sabalah putih sabalah itam...unik lagi bah...kan dy...? " punya panjang si anti ceramah plus sindir plus mangijik anak dia....adui...sangsara juga munung si anti ne...nasib santik...😂😂

"eii..yang..nda sa mau minantu timur...abis cucu kita rambut kariting macam kana karan setiap hari...😂...biarlah si Ary pilih sandiri teman hidup dia ne...cukup cukup lah ko pigi kasi kanal dia dengan tu anak keling, banggali, tator, bugis samua...nda sa sanggup sudah....mo tamuntah suda sa bila durang berabis mo tackle anak ko ne...adidi..." balas si angkol....😂

Haduiii...baru sa tau oh...apa tidak ne kusai nda mau kawin kawin....semua calon dia PTI....atukkk atukkk...😂😂bayang bah ne muka hinsom tapi isteri dia tu timur....sudah rambut kambang...kariting lagi...amaaaa...😂....bukan mo mangijik lah, tapi kenyataan bah kan? Apa buli buat...😂

Berabis bah kami tiga katawa katawa...tu kusai punya muka macam tu jaruk sudah...duii gimaaa...cian...😂

" my..dy...ok stop...! Now sa mo pinjam sikijap geng karas ko my...ada sa mo cakap sama dia....kijap jak..." sambil tarik tangan sa...aiya...urang tengah siok siok katawa sini...nda sangka oh parents si Ary ne funny...sekepala dengan sa...ouh...yeah...😍😂...