#حنين_حاتم
#وانت_الذي_قد_جئت_مختلفا...#بارت19
#غير_محلل_نشر_القصة_بدون_ذكر_اسمي
وصلت يمهة جريتهة من ايدهة
ليان وين رايحة
نداريت علية وعيونهة مغرغرات
صدك جذب ليان ليش هيج تسوين
بس اشوف ماما الله يخليك
ليان ليش تخليني هسة ارجعج وحتة الحفلة مااحضرهة
جرت ايدهة مني وراحت كعدت علطبلة
ردت الحكهة سمعت المنضم مال لحفلة صاح اسمائنة علمود الدخولية لأن عدد لطلاب اكتمل طلعنة كلنة برة بلحديقة مال لقاعة وبدة يصيح اسمائنة واحد ورة الثاني واي واحد يدخل يتلكو اهلة واصدقائة واقاربة
واني واكف دك علية رائد
ها رئود
اكلك نطيني عنوان القاعة بلضبط
ليش
نطينيا ومعليك
نطيتة العنوان وسديت التلفون
دخلو معضم الطلاب
جاي اسولف وية يزن علة جهالة جان اشوف امي ورائد
ها شجابكم
غير ردنة نسويلك مفاجئة ونفرحك
سلمت عليهم وعرفتهم على اصدقائي ودخلو كدامي
وصل السرة الية بلدخولية يزن طب كدامي دخلت وبيدي ورد اول ماطبيت عتلكت اغنية
واجو يزن ورائد يركصون
رائد شالني وامي تهوس بعبايتهة
اخذت وردة من لباقة ضميتهة بسترتي
بست راس امي وايدهة ونطيتهة لورد
ويزن رجع برة طلع علمود الدخولية مالتة
وديت امي يم ليان كعدتهة واخذت رائد وكعدنة باطبلة الي بصفهم كاعدين بيهة عبد الله ومنذر اعاين عليهة مدنكة مارفعت راسهة ابد
عرفتهة جاي تبجي
شوية ودخل يزن لدخولية مالتة جانت كلش حلوة تلكو امة وزوجتة واطفالة وولد عمامة ثنين هم جاين همة وزوجاتهم ركصو وهوسو بلقاعة وليان عينهة عليهم
دزيتلهة رسالة كتبتلهة
تعالي برة
يزن بحرف الياء وجان اخر طالب يدخل
مشيت وهية اجت وراي برة بحديقة القاعة
ليش هلدموع حبيبي
شلون ماابجي مبين اباوع عليهم مكاني وياهم اريد اكون ضمن عائلتي وافرح لأخوي
لعد واني مااستاهل تفرحيلي
سكتت
طلعت الوردة من سترتي ونطيتهة الهة
حبيبي هاي الج
شمتهة وضحكت
طببتهة وطبيت وراهة اكو طبلات صايرات اخر شي بنهاية القاعة يم الباب اشرتلهة عليهن كعدت هية علة طبلة واني كعدت بلي بصفهة
واحجي وياهة ونسولف
بدو يصيحون بأسماء الطلاب حتة يسلموهم الشهادة ودرع زغير ووردة
صاحو اسمي وكمت استلمت لشهادة ونزلت بسبت امي ونطيتهة الوردة
ورجعت كعدت يمهة
شوية ودك علية رائد يكلي انتة وينك شو ختفيت
اكو هوسة مال ولد جاي يسولفون ويركصون من غير شعبة كتلة اني يمهم
صاحو اسم يزن وكام ستلم النتيجة ونطة الوردة لأمة وباس راسهة
ماحس الة ليان وكفت علة حيلهة
واجت بصفي جان تكلي
مبين ابوي وين
ماادري
روح اسأل يزن علي
رحت حجيت وية يزن وسلمت علة امة وزوجتة ورجعتلهة كتلهة يكول ماجاي عدة شغل
ابوي مستحيل بفوت هيج مناسبة
عدة شغل شبيج
يزن روحة من الدنية مستحيل يفوت حفلة تخرجة علمود الشغل تعلمني ببابا بيوم حفلة تخرجي جان عدة سفرة شغل مهمة واجلهة
علمود يزن ماياجل الشغل
مشت تريد تروح عليهم
ركضت جريت ايدهة
ليان شجاي تسوين تخبلتي
اي تخبلت مبين بابا مستحيل ميحضر حفلة تخرج واحد من عدنة مستحيل اصدكك
عتت ايدهة مني حييل وركض عليهم
امشي وراهة علسريع مااكدر اركض المكان هوسة ومكتض بلناس تاهت مني
ضليت اندار من كل الجهات اريد الكاهة ماكو وعلة حضي طفو الضوة وشغلو اغنية سعد المجرد وكلهة كامت تكمز وتغني
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
