#وانت_الذي_قد_جئت_مختلفا
#بارت29
#لااحلل_الاقتباس_دون_ذكر_اسمي
#بيج_قصص_عراقية_من_واقعنا
#حنين_حاتم
الي جاي علي ماكو
ليان ماتت مبين مااااااتتتت
شنو انتة شتحجي شنو ماتت شلون شوكت
ليان: من طببتني نجاة للغرفة لكيت ماما ممددة علجرباية بس موذيج ماما الي عفتهة قبل 5 سنين كبرانة ومتغيرة وضعفانة حييل
شعرهة خفيف كلش ووجهة كلة تجاعيد
صح هية جبيرة بلعمر بس جانت حيل معتنية بنفسهة ميبين عليهة لعمر
بس هسة جنهة عجوز
تقربت يمهة ماكعدتهة
حطيت راسي علة صدرهة اشم بيهة وابجي
افييييش يريحة الجنة
والله مومصدكة اني يمهة يتراوالي هاذ واحد من احلامي
الي ماغمضت عيني بيوم وماحلمت بيهة
على شهكاتي وثكل راسي حست علية وفزت رغعت راسي شافتني جفلت بمكانهة
ل ل ل ل ل ليان
اي ماما ليان
ليان الي مانامت يوم اذا مودموعهة بخدهة
عليج
على حنيتج ودلالج الي
وين جنتي يبعد امج
هية تبجي واني ابجي
اوووووووف ماما شحجيلج عشت ايام تصعب علكافر دخلت لسجن مضلومة وشفت الويل هناك
جنت افز من نومي ابجي عليج وعلة صوتج
جنت بين فترة وفترة ادك علة رقمج اسمع صوتج بلة مااحجي واسدة
سنين صارلي ابجي علة شوفتج والله ماما
مثل حنيتج ماشافت عيني ابد
تقربت علية حضنتني
اي ماما حضنيني محتاجة حضنج حيييل
محد وفة الي كلهة خانتني وغدرت بية
ماعدي حض لابلحب ولابلزواج
تعبانة ماما والله ميتة وبكلبي نارر جبيرة
ماحجت شي اكتفت بلأستماع الي واني نفجرت حجيت كلشي جنت كاتمتة كل الي شفتة وعشتة من اغتصاب ذاك النذل الي لطبتي للسجن لزواج مبين علية
لحد خيانتة الي
احجي وابجي مخنوكة خنكة بس الله العالم بيهة ولكيت حضن دافي احتواني
وطن حتصني من بعد ماعشت سنين غربة
غربة روح وجسد
مثل حضنهة ماكو
هيج احس حتة عضام جسمي رتاحت بحضنهة احس وجعي سكن ماريد اكوم منهة بس هية تعبانة
اجت نجاة كلتلي كومي سبحي وبدلي وتعاي اكليلج لكمة
ساعة راح تصير بل1 بليل هسة يزن على جية
بعدهة تحاجيني طبو جهالهة
يباعون علية مستغربيني
تقربت يمهم احضن وابوس
ولكم اني عمة
عمة ليان الي جان منا عينهة تشوفكم
رحت وية نجاة اباوع علبيت وابجي
وين جان بيتنة قبل شكبرة وشنو من اثاث بي ووين صار
بيت زغير ميجي بكد الصالة الي جانت ببيتنة
نداريت علة نجاة كتلهة هاي غرفة المكتب مال بابا موووو
ركضت اريد افتحهة لان ادري بي يسهر علكتب والمراجع
أنت تقرأ
وانت الذي قد جئت مختلفا
Non-Fictionحين يكون لك الف سببا للرحيل ....خذلان...خيبة بعد اخرى .....موت على قيد الحياة ....ولكنك لاترحل فقط لأنك تؤمن بأن الله لو اراد ان يجمع بين قلبين سيجمع لو كان بينهما مداد السماوات والأرض
