خرجو من صال دو سبور
اياد : ايااا يا خو و الله ما نبطاو
مروان : واش داك لبلاصة كيما هذي 😏
اياد : قتلك كانت تخدم عندنا هي رباتني نحبها يا خو نقضولها شوية مرا كبيرة نحطولها دقيقة و نخرجو
مروان : اوكي امشي.. لازم ندخل لدار بكري نسكت بابا شوية
اياد : حكايتها ساعة برك
مشاوى قضاو من كلش و وصلو للحي لي تسكن فيه العجوزة هذيك
مروان : واش هذ لبلاصة يا صحبي كي تحبها شريلها دار في بلاصة مسڨمة 😒
اياد : واش حسبالك الناس كامل كيف كيف ما قبلتش ما تحبش تقبل حاجات هكا حتى و لو من عندي
مروان : اممم 😏
يمشيو حتى سمعو عياط طفلة
اياد : راك تسمع واش راني نسمع !
مروان : طفلة تعيط من هذي الجيهة ... اياا نشوووفوو
راحو يجروو صابو طفلة ما بانش وجها كانت مغطياتو بيديها مركزش مروان معاها و رجال فوقها يحاول يتعدا عليها راح يجري حكمو من كتافو و بدا يضرب فيه اياد عاون لينا تنوض من الارض : راكي مليحة
عملتلو براسها ايه و هي تبكي من الصدمة شافت في الراجل صابت فوقو و يضرب فيه : تحڨر طفلة يا ***** تتعدا عليه و تستقوى ياا ***** 👊👊👊 مروان هذا وسعت عينيها
اياد : متموزال راكي هنا .. تحبي تروحي للبوليس تشتكي بيه
شافت فيه لينا تفكرت رحاب لوكان تفيقلها بلي تخدم و واش جابها من طريق هذي عملتلو لالا براسها و راحت تجري بعدت عليهم
اياد : اصبري يا طفلة
دار لصحابو صابو مزال يضرب فيه راح يقتلو خلاص راح جبدو عليه : خلااص يا مروان راح تقتل الراجل
مروان : هذا راجل ! هذا ***** 😡😡
اياد : خلاص خلي ندوه للپوليس يعرفو شغلهم معااه
مروان : وين راهي طفلة لازم تشتكي بيه
اياد : بلاك خافت من دارهم هربت
رفدوه هكاك دايخ داوه لطوموبيل و طارو لپوليس
______________________
تجري حاطة يدها على قلبها محبتتش تتلفت موراها وصلت للميتم دخلت لشومبرة و تكات على الباب
ناضت خلود تجري ليه : وينك بطيتي مت بالخوف اذا فقولك
راحت تجري تلاحت لحضنها تبكي
خلود : لينا واش بيك
لينا : تشفاي راجل لي حكيتلك عليه
خلود : هذاك الهامل الشيب و العيب واش خصو ثاني
لينا : حاول يتعدا عليا
ساغت و حطت يدها على فمها
لينا : اشششت تسمعك بلاكي
خلود : ك..كيفاش
لينا : سلكوني منو ستر ربي ما درلي والو
خلود : الحمد الله ( قعدت شوية تسكت فيها ) ... شكون سلك
تقلب وجه لينا مسحت دموعها جريا و رجعت تتبسم
خلود : واش بيك يا طفلة هبلتي
لينا : مرواان هو لي سلكني
خلود : شكون مروان
لينا : شحال نعرفو من مروان
خلود : مروان هذاك تاع لمجلات
لينا : اووف
خلود : حكيلي كيفاش ! دقيقة ! 😍😍 هدرتي معاه !
لينا : ما عرفتش كيفاش جا تلاح على هذاك ضربو وقيلا ما شفنيش كامل
خلود : و ما هدرش معاك
لينا : لالا هدرت مع صاحبو ... هربت خفت يوصل لخبر رحاب
خلود : مالفا يجي وين تخدمي انا حابا نشوفو قدامي
لينا : نوضي من قدامي خليني نريح ... مزالت الخلعة في قلبي
خلود : ههههه كيشغول جامي صراتلك
لينا : خلووود 😢
خلود : خلاص نضت ريحي سمحيلي
خرجت و خلاتها تعشاو و كملو و حكمو بلايصهم عستهم رقدو هي جبدت صندوق من تحت السرير فتحاتو طاما فيه تصاور مروان كيما تقطعهم من الجرنان و المجلات بقات تشوف في صورة منهم حكمتها بين يديه : ليوم سلكتني بلا ما تعرفني مراكش كيما يقولو عليك ... علبالي جامي تشوف فيا بصح انا راح نبقى نحبك لأخر لحظة في عمري .. تكفيني ديك نص ساعة لي نشوفك فيها كي جي للمطعم تبسمت مع صورة عنقتها و باستها و رجعتها لبلاصتها و رقدت
_______________________
دخل لدار ميت بلعيا قاطعو صوت باباه كانوا مجموعين كامل على طابلة لعشا : هذا وين ؟
مريم : ارواح تاكل وليدي
مروان : كانو عندي شغلات بابا ... ما نكولش ندوش و نرقد راني عيان بصحتكم
مشا و خلاهم دخل لبيتو دوش و رما روحو على سرير رقد
مريم : واش بيه هكذا
مراد ؛ قالك راني عيان يما
___________________________
طلع النهار خرج فؤاد ( الراجل لي ضربو مروان ) من عند الشرطة انسان مرفه و واصل ما قدرو يديرولو والوا خرج يتوعد بلي ينتقم سقسى و ين تخدم و عرفها عايش في الميتم
___________________
من الجيهة الاخرى مراد دخل على مروان فتح الستاىر و نحالوا لغطى : نووض هيا
فتح عينيه بلعقل : صباح الخير ليك ثاني خويا لعزيز
مراد : مش وقت هبالك نووض
مروان : و هكا نوض وقت الاستعمار و مكانوش ينوضهم هكا 😒
رمالو لجرنان على وجهو : ايا قولي بابا كي يشوف هذي واش يدير .... واش دارلهم وقت الاستعمار و ما يديرهولكش
رفد الجرنان شاف و نفخ : هذو ما عندهومش خدمة غير يتبعوني 😑
مراد : هذي هي خدمتهم ... شكون هذا لي ضاربت معاه ؟ راك خارج من مركز شرطة
مروان : واحد ******
مراد : قول هذي الهدرة لبابا ثاني ... بسيف باش خبيتو عليه
ناض من بلاصتو : كمل مزيتك و خبيه
مراد : هذي هي خدمتهم ... شكون هذا لي ضاربت معاه ؟ راك خارج من مركز شرطة
مروان : واحد ******
مراد : قول هذي الهدرة لبابا ثاني ... بسيف باش خبيتو عليه
ناض من بلاصتو : كمل مزيتك و خبيه
دخل لدوش و خلاه 😳😳
فوت + كومونتاغ 😍
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
