اليتيمة😍

part5

جازو يومين لينا تقريبا نسات لحكاية متعود على حجات كيما هذو ناضت توجد روحها باش تروح تقرا
سامية : اسمعي انت مدام رحاب تسحقك
لينا : انا
سامية : ايه انت خفي ليها
راحت ليها قلبها يخبط من الخوف دقدقت في الباب سمعت صوتها تقولها ادخل زاد الخوف تاعها دخلت محبطة راسها تحكي بصوت هادي يرجف : عيطتيلي مدام
رحاب : ايه عيطتلك كاين عايلة حابة تتبناك دوك نوجد كلش اليوم في الليل يجو يدوك
لينا : ليوم ! 😳
رحاب : ايه ليوم عندهم يومين ملي طلبوني ايا خفي وجدي شوالق تاعك باش طيري منا
خرجت لينا من عندها غصة في قلبها حاسة حاجة ماشي مليحة راح تصرا طلعت وين ترقد تبكي
خلود : واش كاين علاش عيطتلك هذيك الشيطانة
لينا : كاين عايلة تبناتني
خلود : هذا خبر مليح نورمالمون تفرحي راح تتهناي من هذا الحبس
لينا : خلود فهميني ... هذا الحبس مهما يكون ماشي مليح والفتو ...وين نعرف هذو الناس شكون و لا كيفاش عايشين
خلود : تفائلي انت دايمن تشوفي فكل حاجة خير .. بلاك ناس ملاح تقدري تقراي مليح تلبسي .. ترقدي كيما انت كيما كامل لبنات
لينا : معلباليش قلبي مراهش مريحني
خلود : وقتاش تروحي
لينا : ليوم في الليل ( طرطقت بالبكا )
عنقتها خلود : خلاص ختيتو ما تبكيش بلاك ناس ملاح راح تبكيني مام انا معاك دوكا كاش نوالف بلا بيك حتى طفلة ما نتفاهم معاها من غيرك
لينا : نبقى نجي ليك ما تخميش
بقاو يبكو في زوج منبعد ناضت لينا طمت شوية حوايج لي عندها دارتهم في الكابة

___________________________
لحق الليل و وصلت لجماعة لي تدي لينا ودعت كامل صحابتها تاع الميتم بالبكى دارو حالة كانت حنينة كثر منهم كامل ڤاع يحبوها كانت تحرم روحها و تعطيهم و دايمن تعاونهم جامي قصرت معاهم
سامية : ايا حبسو من النديب هي تهنات .. مدام رحاب و الراجل يسناو خفي روحك
ودعتهم رفدت كابتها و حبطت دخلت للبيرو تاع مدام رحاب وين كانو يسناو فيها مع دخلت حكمتها صدمة و الدموع تجمعو في عينها : لالا مستحيل ماشي هو .. لالا
قابلها راسم ابتسامة عريضة ماكرة : ارواحي بنتي ما تخافيش
رحاب : دخلي .. من اليوم هذا هو عايلتك الجديدة سي فؤاد تقدمي سلمي عليه
لينا بقات تعمل براسها لالا و تبكي : م..محال نروح معاه 😢😢
شافت فيه رحاب ترطب في الحالة : ما تتقلقش مسيو راهي والفت هنا و جاها صعيب لفراق
فؤاد : هدري معاها و فهميها راني برا نسنى لورق كلهم وجدو
رحاب : ما يكون لخاطرك
خرج يشوف في لينا من لفوق للتحت و هو يتبسم
رحاب نقلب وجها : واااش بي *** هبلتي
طاحت على ركيبها تبوس في يد مدام رحاب : تعيشي يا مدام ما تخلينيش نرووح معاه ... ماشي مليح 😢😢😢
طبعتها طاحت : ماشي مليح صحلك يخرجك من المزيرية ... شوفي سڨمي روحك و خرجي عليا ما نسحقكش سيد راه برا خلاص و القانون عطيه وصاية عليك ... ايااا 😡😡
لينا : تعيشيي..مدام.. ما نقدرش نروح معاااه 😢😢😢
رحاب ( بالعياط ) : مارنيش نشاور فيك راني نقلك ايا نوضي و حبسي لبكى دقيقة زوج دمعي عليا 😡😡
فهمت لينا بلي مش راح تخليها تقعد خرجت من عندها
سامية : خلاص تفاهمتو خفي سيد راه برا
لينا : نسيت كتابي نروح نجيبو و نجي
طلعت لبيتها راحت خلود تجري ليها : ما رحتيش ؟
لينا تبكي : هذاك الكلب لي حاول يتعدى عليا... خلود غطي عليا نهرب من الباب لي من اللور
خلود : بصح ..
لينا : تعيشي ما نقدرش نروح معاه 😢😢😢
خلود : خلاص خفي
جات رايحة عاودت رجعت
خلود : واش راكي ديري دوك يجو
حلت كابتها و جبدت الصندوق و خرجت عاونتها خلود هربت و رجعت للبيت كيشغول مكان والوا جات سامية : لينا وين راااهي ؟
خلود : مش انت ديتيها معاااك
حكمتها من شعرها : خلووود جاوبي نعرفك كي تكوني تكذبي
خلود : ما علبالييش 😢😢
جبدت سبتا و بدات تضرب فيها جات مدام رحاب و فؤاد تقلق خلود ما قدرتش بدات تعيط : خلااص نقلك حبسي
سامية : هربت من الباب لي من لور راحو يجرو يحوسو عليها بصح الاثر تاعها ما بانش فؤاد قالب الدنيا حالف يصيبها
سامية : علاش راكي مقلقة مدام دوك راهي تحت وصيتو
رحاب : دفع دراهم كبار عليها يالحمار دوك يباصيني 😨😡😡
سامية تستشفى من التحت للتحت
____________________
خرجت من الميتم تجري ما حبتش تتلفت من موراها تجري و تبكي مشات لقبر يماها و باباها كانت الظلمة لعساس تخلع فيها واش جاب طفلة صغيرة في هذا الوقت للمقبرة دخلت و طاحت في وسطهم تبكي : علاااااش ... علاش رحتو و خليتوني وحدي نتعذب علااااش 😭😭😭😭😭 حرااام عليكم 😭😭😭 نكرهكم في زوووج 😭😭😭 نكرهكم 😭😭😭😭😭 بكات بكات منبعد ناضت بلعقل 😢😢 انا ثاني نموت كيما نتوما 😢😢 ما نقدرش نعيش كثر تعبت خلااااص 😢😢😢
سمعت حس عرفتهم عرفو بلاصتها ناضت تجري مع طريق ظلمة و تشوف اذا كاش واحد يتبع فيها لي يارميلها كلمة و لي يقولها ارواحي معايا * غير ولاد لحرام براا ما حستش حتى دخلت فيها طوموبيل و فقدت الوعي

فوت +كومونت. 😍