اول ما وصلت لدار رفدت تعيط لامير ( صديق تاعها طبيب ساكن في مريكان )
: الو امير
امير : وي باربي وااش وصلتي !
لينا : واش قلنا على هذا الاسم 😒
امير : ههههههه خلاااص ما قلنا والواا .. وصلتو بخيير ؟
لينا : وي حمد الله هذا وين وصلنا و انت وقتاش جي
امير : غدوة صبااح بربي نكون عندكم
لينا : ما تكريش تبقى معانااا كيما تفاهمنا
امير : ههه غدوة ربي يعمللها تاويل اي صحا خلينا نريڨلي اوموري كي نوصل نعيطلك
لينا : اوكي باي 😘
كوبات عليه و بقات تشوف في الدار بعينيها حاجة ما تبدلت كلش بقات في بلاصتها جات طالعة لبيتها دخلت خالتها
لينا : اوووه خالتو عمبالي راكي مطولة
قحرتلها لاميا : هذي منبعد نتفاهمو عليه .. قوليلي قبل واش تفاهمتي مع مرااد
لينا : اممم تفاهمنا عليك
بلعت ريقها : علياا
راحت لينا عنقتها تضحك : نڨسر خالتو غدوة تشوفي على وااش تفاهمنا
و طلعت لييتها لاميا ستغفرت مورها فاهمة لينا وين حابة توصل و راهي معارضة هذي الحاجة
___________
مور ما وصل مراد لاميا راح لشركة تاعهم باش يتفاهم مع باباه طبطب و دخل : بابا راك فارغ
حازم : اه مراد وين راك من صباح و انا نحوس عليك ...
مراد : غير الخير
حازم : ريح ... الخدمة راهي مخلطة شوية
قعد مراد : لقيت الحل
حازم : الي هو !
مراد : تعرف لمشروع لي شركناه مع عمي محمد و راهو حاكمو مروان
حازم : تاع الانشاء !
مراد : ايوه لقيت شركة تاع هندسة ديكور كيما حبيناها سواسوة نتشاركو معاها
حازم : ايه كنت راح نقلك بصح كيفاش هذي هنا
مراد : شركة اجنبية... و خدمتها مليحة مش راح نندمو و هذي احسن اختيار
حازم : دير لي يساعدك انا نوثق في الاختيار تاعك
مراد : خلاص مالا نوجد لاجتماع غدوة انشالله و نتفاهمو معاهم على كلش
حازم : اوكي اهدر مع خوك و سلوى و وجدو كلش
مراد : انا نمشي مالا نتلقاو عشية في الدار
حازم نشالله ربي يسهل
____________________
دخل مراد عن مروان صابو غارق في الخدمة كي العادة طلع راسو شاف فيه : خو سڤا ؟
مراد : سڨا جبتلك خبر ملييح
تبسم مروان بستهزاء : ههههه خبر ملييح !!!... روح برك واااش هو ؟
مراد : كاين شركة من المريكان عرضت تشاركنا في مشروعنا
مروان : حاجة مليحة هذي
مراد : اذا موافق خلينا نوجد اجتماع لغدوة و نحكو في كلش
مروان : ما نقدر نقول والوا حتى نشوف
مراد : معليش غدوة نشوفو كلش .. سلوى راهي هنا ؟
مروان : لالا ما قدرتش جي ليوم
مراد : ايا صحا قولها على الاجتماع تاع غدوة على 9
ناض خرج و هو عاود غطس في الخدمة
.........
█████████#
VOUS LISEZ
اليتيمة😍
Romanceالسلام عليكم 😘😘 جيتكم بكرونيك جديدة ليست من اختراعي (منقولة) 😌اقراوها شابة بزاف و طويلة نوعا ما فيها 70 partie 😆 و كي تقراو مادابيكم جام و كومونتاغ. 😍 بليييز
