اسير العشق

البارت الرابع والعشرون

حاتم . شنو قصدچ بنتي
جمانة . عمو او بابا منو انتة فهمني
حاتم . اني عمچ بعتبار ابوچ
علي . عمي احنة سمعنة حچي غير هذا واجينة نفهم منو ابو جمانة
حاتم . منو كلك غير هذا الحچي
علي . ام مسلم
حاتم .ومنو كللهة هذا الحچي
علي . منعرف كالت سئلو ابو علا
حاتم . ماكو غيرهة سهى وينچ تعاي سهى
سهى . خير شبيك
علا . اخابر بمحمود وسمعت عياط ختمت ويا وكمت شفت علي وجمانة موجودين عدنة
حاتم . انتي كايلة لام مسلم عن اهل جمانة
سهى . ها لا شمدريني اني ماحاچية
حاتم . منو غيرچ يعرف بهذا الموضوع فهميني ترة اذا نكرتي راح تتأذين احچي من الاول
سهى . اي اني حچيت شكو بيهة لو خايفة على مشاعر الخانم
حاتم . احترمي نفسچ ولاتغلطين بالحچي وياهة فاهمة
سهى . اي عيني مثل امهم الكل يدافع عنهة واني الغلطانة
حاتم . سهى لزمي لسانچ
علي . سمو بالرحمن ماجينة نتعارك احنة جينة نفهم
حاتم . ماكو شي هوة سوء تفاهم بس
سهى . احچي ليش خايف تذكر غلطتك وتخاف مو لو خاف تحس بالعار مو
حاتم . ضربتهة راشدي سهى لا تخربطين بالحچي
جمانة . صافنة مافاهمة شي من الي كاعد يصير
يابة بغلاتي احچي لاتخاف ما اسوي شي بس اريد افهم بغلاتي احچي
حاتم . باباتي ماكو شي
جمانة . بابا احچي كمت ابچي الله يخليك
حاتم . اول تالي لازم تعرفين اني جنت مثابة ابوچ بس الحقيقة اني ابوچ الحقيقي
جمانة . شلون هيچ مو مرتك عمة سهى يعني امي هية
حاتم . لا اني ابوچ امچ الله يرحمهة جانت بت عم سهى خطبنة اني واخوي سهى وامچ اني خطبت امچ اني واتزوجنة بس وكتهة جينة بغير منطقة بس كان زواج على الورق اتفقنة نسوي العرس نفس اليوم اني جنت احب امچ الله يرحمهة وهية هم وچان اخوي الله يرحمة خاطب بس مايكدر يزوج فلوس ماعندة انتظرنة لحد مايكون نفسة بس عمتچ سهى ما جانت تريد اخوي وافقت عبالهة اني الي خطبتهة وبعد انجبرت كدام الناس عيب عليهة ورة فترة راح اخوي اجا شغل زين وهناك من راح سوة حادث ادة الى وفاتة وراها انجبرت ازوج سهى وامچ بس الي يعرفة الناس من انتقلنة ان سهى زوجتي وامچ مرت المرحوم اخوي واتحملت حچي ياما حچي وزعلت علية لان ازوجت عليهة كلنة فترة واطلكهة حبلت امچ بيچ بقت مشاكل وية سهى اخر شي عزلت كل وحدة بغرفة حتة اخلص مرت فترت حمل امچ على سلامة بس من ولدتچ مكتوب علية افاركهة وفاركت روحي بيومهة وخلتچ انتي من ريحتهة الي عرفت القصة هسة اني ابوچ ابوچ فهمتي
جمانة . اسمع وابجي يعني انت ابوي واني اخاف اكون ثكل عليك واستحي منك واريد احچي وياك وافضفض حسيت بيك ابوي بس اخاف اكون عال عليك ما رايدة شي منك بس ردت احس الي ريحة من طفولتي الي ما اعرف عنهة شي بقيت سنين عايشة بذل يعني هسة اني بت حرام لو شنو فهمني
حاتم . لا مو بت حرام ولا غلط انت اكبر صح سويتة بحياتي انتي بنتي وبت امچ فهمتي
سهى . انتي اكبر غلط انت سبب دماري اكرهچ اتخيلچ امچ الحقيرة من اخذت ابوچ مني واخذت حتة فرحتي بعرسي الله لايوفقچ
حاتم . سهى كافي انتي السبب بكلشي لو من البداية جان قبلتي بحالة اخوي الفقيرة جان ماصار الي صار فهمتي لاتحچين عليهة اخر مرة احذرچ فهمتي عطت بيهة
سهى.  ذنبي حبيتگ وماردت غيرك يملكني ضيعت عمري اشريك وانت تبيعني كل ما اشوف جمانة تمشي كدامك واشوفك تباوع عليهة حتة تتذكر امهة شنو الي يصير بية مرة شكبرني الشيب ترس راسي واني الغيرة ماكلتني بعدك تحبهة لهاي اللحظة ضيعتني وضيعت نفسك
حاتم . كافي كافي اسكتي حسيت بزة بگلبي بس قوية كل مرة مو هيچ رجعت ليورة وكعدت اريد اتنفس ما اكدر
علي . واكف اني بس ما اعرف شنو اسوي بس عيني على جمانة وجهة اصفر ودموعهة مانشفت اباوع على عمتهة الشيب تارس راسهة وشرارة صارت من سمعت بحب زوجهة لغيرهة عرفت ان الحب ميعرف لاعمر ولا وكت بقيت ساكت مالي حق احچي شفت ابو جمانة لزم گلبة ركضت علة ها عمي شبيك
حاتم . گلبي ابني يوجعني
علي . كوم اوديك للدكتور
حاتم . اي ابني تعبتك
علي . كومتة اسند بي واباوع جمانة حايرة بمكانهة واكفة وعمتهة جامدة ودموعهة تجري اتقربت علينة
سهى . ح اا تم شبيك ليش هيچ تسوي بروحك ياعيني تعذب بية انت تحب تأذيني ها شنو الي كاعد تحس بي يمة علي خلي اجي وياك
علي . خالة والبنات منو يبقة يمهن
جمانة .اني اجي وياك ما ابقة اجي وية بابا ركضت علة
علا . اسمع وابجي يعني جمانة اختي واني جنت اعاملهة كعدوة وعرفت ليش امي تكرهة محمود راح يجي لا تقلق علي
علي . يلة جمانة فتحي الباب خلي نروح بسرعة
سهى . اروح وياكم اني عفية لاتخلوني
حاتم . سهى
سهى . عيونهة وگلبهة وروحهة
حاتم . ابقي هنا مو زين عليچ جو المستشفى يهبط ضغطچ لاتخافين متخلصين مني
سهى . يانور عيني ابقة بس عليكم الله لاتخلوني بقلق عفية
علي . مساعة يتعاركون وهسة يرجفون على بعض شبيهم اي خالة لاتخافين اجة محمود وطلعنة للدكتور حولنة للطوارئ حالتة خطرة لان اكثر من مرة صارت والطريق كلة نايم بحضن جمانة وهية تبچي فوك راسة بقيت حايرة شنو الي بيدي اخذنا دخلوا للطوارئ وجمانة تفتر وتبچي اهدي ياعيني ان شاء الله سلامات
جمانة . علي شلون بية بعدني ما شابعة منة اريد ابقة يمة الله يخليك شسوي راح يصير زين مو
علي . ان شاء الله لاتخافين بس يكوم بالسلامة اوديچ شهر يمة شتكولين
جمانة . كول والله
علي .وغلاتچ بعد اكو اغلى منچ
جمانة . طلع الدكتور ها دكتور بشر
الدكتور . شتقربون للمريض
علي . اني نسيبة وهاي بنتة شنو حالتة دكتور
الدكتور . سهلة ان شاء الله يرتاح شوي ويرجع يوكف على حيلة بس تعال انطيك جيب العلاج
علي . ابقي هنا لا تتحركين اوكي
جمانة . هزيت راسي وكعدت بلكي يكعد واشوفة
علي . رحت ورة الدكتور حتة اشوف العلاج
الدكتور . اسف بس ماردت احچي كدام زوجتگ مبينة تعبانة
علي . اي دكتور بس حسيت ان راح يصير شي مو زين
الدكتور . ترة المريض حالتة خطرة لان اكثر من مرة صار ويا هاي النغزة الي سببهة انسداد بالشرايين وهذا خطر وحالتة حتة عملية متفيدة احنة سوينة الي علينة والباقي على الله
علي . عرفت هذا الشي يارب رحمتك شكرا دكتور رحت على جمانة صافنة حطيت ايدي على ايدهة حبيبي لاتخافين الله يرجعة بالسلامة اني يمچ
جمانة . علي خايفة
علي . لاتخافين اني يمچ بقت مدنكة وتبچي واني حاير شسوي عمي حالتة خطرة وجمانة حالتهة اخطر من عمي اتصلت بعمي محمود فهمتة على صار وكتلة لاينطي خبر لعمتي وعلا بس يچيبهن يشوفنة انتظرنة عمي يصحة ونكدر ندخل نشوفة واجة عمي محمود وانتظرنة الدكتور فاتوا همة جمانة بقت برة ما اعرف ليش ماقبلت تفوت ليش مانفوت
جمانة . علي خايفة اني السبب خاف أذي بابا
علي . لا متأذي بالعكس راح يفرح من يشوفچ لا تحسين نفسچ عار علية انتي بنتة وبالحلال لاتخافين من هذا الشي
جمانة . لزمت ايدة لاتعوفني
علي . وياچ للموت يلة خلي ندخل نشوفة دخلنة وركضت على ابوهة تبچي وتبوس بي وهوة حاضنهة ويبچي وياهة علا يم عمي محمود واما الغريب خالة سهى حتة متبچي بس ترجف وين صوتهة وعنادتهة ليش هيچ ضعفت الحب هيچ يسوي بالانسان يي واكثر اباوع على دموع جمانة احس بألم مجرد اشوفهة الة ما اتحمل اشوفهة وية غيري شسوي بقوا يم عمي اني وعمي محمود طلعنة برة فهمتة على الي صار وبقينة ننتظر برة لحد مااجة الدكتور كال لازم اليوم يبقة هنا حتة يستقر وضعة اتفقت وية عمي ياخذ علا وامهة للبيت واني ابقة وية جمانة واتصلت بأهلي وفهمتهم على الي صار راحوا بقت بس جمانة يم ابوهة تسولف ويا واشوفهة تبتسم بتعب وهوة هم طلعت بالحديقة خلي يرتاحون احسن بس اني بداخلي ما اكدر اشوفهة كاعدة بحظنة وهيچ قريبة منة يالله ابوهة هذا ابوهة شبية اني زلم على فراش الموت واني اغار منة مرت ساعة ودخلت لكيتة نايم وهية منتظرة بالباب بس شافتني ركضت علية وين جنت
علي . برة بالحديقة شبيچ خايفة
جمانة . عبالي عفتني وحدي 
علي . كتلچ ما اعوفچ راح نبقة اني وياچ وية عمو لحد ما تستقر حالتة ونخرجة ان شاء الله
جمانة . الله يوفقك ما اعرف شلون اشكرك وكفاتك هواي ما اعرف شلون اجازيك
علي . بگلبي لعيونچ كلشي اسوي ولو هذا واجبي انتي زوجتي ومن مسؤولياتي
جمانة . ندخل ارتاح اشوي صار فترة هواي واكف انت
علي . خاف عمي يتضايق ابقة هنا وانتي دخلي يمة
جمانة . لاتخاف انطوا مسكن سودة علية وهسة نايم ميحس يلة ندخل
علي . ماشي دخلنة جانت الغرفة لشخصين بس خليت عمي بيهة الثانية اتفقت وية الدكتور يخلهة فارغة لان عرفت جمانة راح تظل دخلت اتوضيت وصليتي رحت جبت عشة تعشينة نزعت شالهة وجان الجو حار لمت شعرهة ما منتبه صاير هيچ طويل يخبل لايكلهة لاتكصي
جمانة . ها شنو
علي . شعرچ لاتكصي مفهوم
جمانة . رجع للاوامر بس حارة ردت اكصة البارحة وية حوراء بس ما كدرت اروح
علي . احسن ميخالف تحملي الحر ممنوع ينكص مفهوم بدون نقاش فهمتي
جمانة . افف ماشي
علي . وجع اكلي
جمانة .شبعت ما اريد
علي . جمانة لاتعصبيني ابوچ نايم
جمانة . كمت اكل وافكر ضحكت علي يعني اني مو يتيمة مو يعني عمو حاتم قصدي بابا عايش مو
علي . فرحت لان فرحان وضجت لان اعرف ما راح دوم هاي الفرحة كتلهة انتي مو يتيمة انتي عندچ اهل الحمدلله وابوچ طلع عايش الحمدلله وتكعدين بحظنة وتسولفين ويا
جمانة . عزة هذا شبي معقولة يغار حتة من ابوي كتلة يي حلو الانسان من يتعب يرتاح بحضن الي يحبة
علي . الله يساعد گلبي لعد
جمانة . طنشت ما جاوبتة
علي . ههههه عرفت قصدي كملنة وكامت تريد تنام على القنفة بالغرفة هاي وين مو ذاك سرير فارغ
جمانة.  انت نام علية تعبان اليوم اني عادي انام هنا
علي . قربت منهة كتلهة اي تعبان وانتي كلتي حلو الانسان يرتاح بحضن الي يحبة موو
جمانة . خربطني صوت همسة وقربة مني ها اي وشنو الربط
علي . الصبر ياربي اني تعبان واريد ارتاح يمچ طبقي كلامچ
جمانة . ما مجبورة اطبق
علي . قربتهة الي لا مجبورة اليوم ماكو مفر سرير واحد يجمعنة
جمانة . علي الله يخليك عوفني على راحتي لا تسوي هيچ وياي
علي . على راحتچ دائما الكة الرد البارد منهة الى متى ابقة هيچ صار سنة من تعرفت عليهة وهية نفس اصرارهة
جمانة . عفتة راح نام على السرير واني بقيت اتكلب الى ان نمت صار فترة ما اتحلم بزيد بس مرات اتحلم بعلي لان افكر بي هواي من سافر شفت چن زيد واكف وية بابا وعلي وياهم يحچون ويا وهوة يباوع علية رحت يمهم فرحت موجودين اثنينهم لشوي اخذ زيد بابا وراح رحت اصيح وراهم ما يسمعون وعلي بقة واكف لازم ايدي كلي تعاي وياي ورحت ويا بس بقيت ابچي كمت شفت بابا نايم لا مستحيل يعوفني مثل زيد باوعت علي داير وجهة للجهة الثانية يمكن نايم رحت للحمام غسلت وجهي وحسيت الباب انفتح باوعت علي
علي . ما كدرت انام لان مغير مكاني اني بدوامي كوة انام الة موهنا لشوي حسيت جمانة كامت وكفت يم ابوهة وراحت للحمام بس تأخرت كمت وراهة فتحت الباب شفتهة عيونهة مورمة باچية شبيچ
جمانة . مابية تعبانة
علي . ليش مانمتي
جمانة..  بچيت زي د
علي . شبي
جمانة . اتحلمت ماخذ بابا وراح ويا
علي . لاتخافين هذا حلم امشي نامي يلة اني يمچ
جمانة . هزيت راسي ومشيت اجيت اكعد بمكاني سحب ايدي واخذني للسرير
علي . نامي هنا احسن ومشيت
جمانة . جريت ايدة لا تعوفني بوحدي
علي . صعدت يمهة كان السرير بس شخص واحد يصير علية وجان بصف الحايط خليتهة من يم الحايط وصار ظهري للباب خاف يكعد ابوهة ويشوفهة نايمة وهية مفضوحة من تنام لمت نفسهة بحظني وبقيت امشي ايدي على ظهرهة واحس بيهة تتنفس بصعوبة اوخر خاف مضايقچ
جمانة . لا ابقة هيچ مرتاحة
علي . ماشي بگلبي تريدني ما احبهة واني بهاي حركاتهة جننتني ماخلت عندي عقل احبهة واتمنهة الي لوحدي واعيشهة احلى عيشة اتقرب تصدني ابعد ترجعلي لا اني التحبة ولا الي تريدة هية بالي بس يم زيد اني ورطت روحي وحبيتهة عقلهة يم زيد وگلبهة احسة يمي وتكابر متريدن تبين بس عيونهة فاضحتهة احب خوفهة مني وخوفهة بدوني يارب اذا هية نصيبي وقسمتي اهديهة علية واذا لا خليني انساها حسيتهة هدت ونامت اني على دفو ايدهة نمت
احيانا يكون عناق من تحب في وقت
انت بأمس الحاجة اليهة
اجمل شعور في الحياة
فيه قصص وحكايا كثيرة
تفهم ولكن لا تقرأ ولا تكتب
وانما تشعر بها
الحضن مدينة لا يعرف جمالها
الا العاشقون
ياقوتة❤️💕
جمانة فتحت عيني وشفت علي محاوطني بأيدة مثل الطفل باوعت علية شلون راح اجازي شكد انانية اني ما لازم ابقة ويا حتة ما اظل حمل علية ورة ما يطيب ابوي اطلب الطلاك وابقة انتظر زيد عند اهلي لان شو حبيبي عجبة فراكي وحرام اظلم علي وياي بس اكدر اعوفة وما اشوفة ولا اسمع صوتة ولا اشتاق لعيونة وحنانة وهذا الحضن الي لكيت بي الامان وبقة حاميني من الكل لشوي فتح عيونة
علي . صباح الخير
جمانة . صباح النور ابو حسن
علي . شو ابو حسن ضايجة شبيچ
جمانة . ههههه يعني الة ضايجة يلة اكول ابو حسن
علي . والله هذا الي اعرفة
جمانة . اممم لا بس هيچ عجبني اكولك هيچ حتة يجي حسن بسرعة
علي . اذا مو انتي ام حسن ما اريد حسن
جمانة . ماجاوبت كمت من يمة اكوم اشوف بابا لزم ايدي
علي . لشوكت ناوية تعذبيني
جمانة . ماكو احد متعذب كدي اني ونزلت من السرير ورحت على ابوي
علي . دك علية ابوي ها يابة صدك شلون وشوكت متأكد اي هسة جاي بس خلي عمي محمود يجي بدالي
جمانة . شكو شبيك علي شصار
علي… ..
يتبع 💭💭💭
مسائكم عسل ياحلوين شخباركم اتمنى البارت يعجبكم عندي ملاحظة بسيطة الرواية جنت مخليتهة 25 بارت كل بارت 4000 كلمة بس ما اكدر اكتب لان وكتي قليل لهذا راح اكتب كل بارت 2000 وراح يصير اكثر من 25 اتمنى هذا الشي ميزعجكم حتة اذا تردوهة اقل احاول قدر الامكان اختصر واكتب البارت الاخير من جزئين لان الاحداث هواي شكرا لمشاهدكم لا تنسون التصويت والمشاركة لاستمتاع الجميع تعليقكم يهمني ،❤️❤️❤️❤️
دمتم في حفظ الرحمن🌼🌼
اختكم ياقوتة😚😚
❣️❣️❣️❣️❣️❣️