اسير العشق

البارت الخامس والعشرون

علي . جمانة
جمانة . ها شكو خوفتني
علي . سجاد محرك ايدة اليوم ابوي شايفة اكو امل
جمانة . الحمدلله يعني راح يكعد ويكول مكان زيد ويرجعلي زيد جنت احچي بحماس ولهفة ما انتبهت على علي الي چان يبتسم بحزن
علي . تحچي مكيفة واني فرحان وضايج وبين الاثنين اكو خوف من فقد او هجر راح يصير بگلبي ميخالف المهم تكون سعيدة يلة اني انتظر عمو يجي بدالي واني اروح اشوف سجاد واحتمال اخذة للدكتور
جمانة . شفت بعيونة خوف وحزن علي اسفة مو بيدي اعذرني
علي . لا عادي تعودت وطلعت برة المهم اخواني يرجعون الي ويكونون بخير اجي عمي وطلعت للبيت وكلي امل بالحياة الي مكتوبتلي وصلت شفت امي وحوراء يبچن من الفرح حتة ابوي مبين باچي دخلت لغرفة سجاد جان نايم بس عيونة تتحرك مثل الي يتألم وهوة نايم اتقربت منة تنفسة اعتيادي رحت حاچيت ابوي يابة شلون كعد
حوراء.  علي جنت انظف بالغرفة وكعدت احچي وية سجاد اتمنيتة البارحة وياي ولزمت ايدة وفجأة شد على قبضة ايدي اني عبالي اتخيل صحت لبابا حاچى وحرك ايدة بس ما فتح عينة
ام علي . يمة فدوة گلبي خلص شوف حل لاخوك بلكي يكعد ويريحنة
علي . اي يمة راح نرجع للمستشفى بلكي يكدرون يعالجوا  اخذت سجاد وابوي وياي لشوي لحكني مسلم وكاظم حتة يساعدوني لان بقوا كلساع يدخلوا بجهاز ويسولة تحاليل اني تعبت مو جسديا لا نفسيا احس بشعور غريب اريد اقوي نفسي احس اطرافي خدرانة وگلبي يم جمانة وعقلي يم زيد وسجاد وعيني على اهلي
يمر على الانسان حين يشعر بالتعب
ليس بسبب الحركة بل بسبب
التفكير والتفكير والمسؤولية
يشعر بأن كل من حوله يعتمد عليه
يقاوم يسقط وينهض يقاتل ويحمي ويوفر الامان لمن حوله لكن هو من يوفر له الامان من يحميهة يقف مع الجميع لكن لا احد يقف معه غير الله
يمده بالقوة والصبر والحلم هكذا هو الانسان المنهك يتعب من جميع البشر ويلچأ الى ربه سبحانك يارب العالمين نحن منك واليك اجمل مافي الانسان ان يكون شخص مسؤول ويقدر مشاعر الاخرين حتى لو جرحت منهم ويأست كون فخور انك تملك الحاسة السادسة وهي الاحساس
ياقوتة❤️💕
جمانة . عيني على عمي وعقلي وگلبي يفكرون بعلي والي كاعد يصير دكيت علية مارد هذا الي خلاني اقلق اكثر سئلت عمو محمود كال مشغول بالتحاليل ومن يفرغ يحاچيچ بقيت انتظر لليل مابين حاچيت حوراء وافتهمت منهة بقيت اتعذر منهة بيوم الخطبة لان چنة ناوين نحتفل بطريقتنة وسئلتهة على علي
حوراء.  والله ما اچذب عليچ بس شكلة مو زين
جمانة . من تعرفين شي انطيني خبر عفية
حوراء.  ان شاء الله
جمانة.  ختمت وية حوراء ورحت يم ابوي مثل الي مستحية منة كانوا اول مرة اكعد ويا ونسولف اشوية خفف عني
حاتم . بنيتي اعذريني ضميت عليچ بس ما ردت اكشف الحقيقة ولو هذا غلط لان كان هذا الشي الوحيد الصحيح بحياتي هو اني عرفت امچ بس ردت استر على عرض اخوي وماكو غير طريقة واني مستعد لأي شي تسوي بس لا تحرمين شوفتچ الي مصبرتني على الحياة نزلت دمعتي ابريني الذمة
جمانة . لا بابا انت ما غلطت انت احسن واجمل واحن اب بالدنية المهم انت عايش وكدرت اشوفك وما انحرمت منك الله يطول بعمرك بقيت ابچي صدك بابا
حاتم . تخبل بحلكچ
جمانة . سجاد اخو علي اتحرك يعني اكو امل يكعد ونعرف مكان زيد
حاتم . ان شاء الله باباتي
جمانة . ها يابة
حاتم . وعلي شنو وضعة
جمانة . شبي وضعة
حاتم . تطلكين منة
جمانة . اي يابة اني غير يرجع زيد ونزوج
حاتم . ترة علي يحبچ ما كدرتي خلال هاي الفترة تحبي
جمانة . ادري بي يحبني بس اني احب زيد ومنتظرتة يرجع ما اچذب ما حسيت بشي تجاه علي بالعكس هو الشخص الوحيد الي وكف وياي طول هاي المدة وكان بمثابة الامان والملجأ الي بس كل ما احاول اتقرب الة اكثر يصير كدام عيني زيد احس نفسي خاينة من اسوي هذا الشي
حاتم . واذا ما رجع زيد شلون راح تحليهة
جمانة . اسم الله بابا ليش ميرجع لا يرجع لا تخاف
حاتم . اذا ما رجع فكري بكل الاحتمالات
جمانة . ردت اجاوب وقاطعني دخول الدكتور
الدكتور . شلونك اليوم عم حاتم
حاتم . الحمدلله ابني
الدكتور . الحمدلله نكدر نكول اتعديت مرحلة الخطر الحمدلله واذا تريد اليوم تكدر تطلع بس يراد راحة وتغذية وهدوء حتة تستقر حالتك
حاتم . ان شاء الله شكرا دكتور
الدكتور . ولو واجبنة الشكر لله اختي تجين تسوين ورقة الخروج زوجچ وين
جمانة . نسيت عمو راح يجيب علا وعمة وعلي ماكو دقايق يجي ونجي نسويهة
الدكتور . ان شاء الله يلة اني اترخص
جمانة . شكرا الك طلع الدكتور وشوي اجي عمو ويا علا وعمة احس عمتي سهى مثل الطفل الي مسوي مشكلة وخايف من العقاب كاعد يم بابا وتبوس بيدة وتبچي غمضت عيني واذكرت من زيد تمرض حسيت بالخوف والالم نزلت دمعتي مسحتهة ودرت وجهي عمي وعلا راحو يسون اوراق الخروج كعدت برة دكيت على علي ما جاوب عفت الفون راسي يوجعني مو تعب حركة تعب تفكير لشوي دك فوني باوعت علي رديت بسرعة الو ها علي بشر
علي . كلت خلي اطمن عليهة رغم اني الي يراد احد يطمن علية وكالعادة اخذت الرد المخيب منهة الحمدلله زين وانتي شلونچ
جمانة.  ثول بگلبي نسيت اسفة شلونك والله ميتة قلق اعذرني
علي . ما اعرف زين لو لا تعبان جمانة ما اكدر بعد تعبت
جمانة . صوتة تعبان ومبين رجفة خوف بصوتة الله موجود لا تيأس انت سبب املي لا تسوي هيچ ترة انت مصدر قوتي لا تعوفني بقلق عليك هم
علي . انتي كلشي الي مو بس قوتي انتي ضعفي وخوفي وتعبي وراحتي فهميني انتي شنو ساعة نار ساعة جنة خبلتيني تدرين بنفسچ لو لا
جمانة . بچيت ما بيدي شي اكولة ادري بي يتعذب بسببي بس ما اكدر اكذب علية واحبة وزيد بالي اسفة اني السبب بكلشي
علي . عوفيني اني طبني مرض ان شاء الله اموت واخلص عمو شلونة
جمانة . زدت بالبچي ليش هيچ تكول ها حرام عليك لاتسوي بية هيچ
علي . خلص اني ميت واني على الحياة عمو محمود اجة
جمانة . ذبيت حسرة اي كاعد يسوي ورقة الخروج لبابة وانتي شسويت سجاد شراح يسوون
علي . سجاد عاجبتة النومة وعذابنة يكول الدكتور هوة عقلة الباطن يشتغل يعني يحس ويسمع بس عقلة الخارجي بعدة متأثر بالحادث انطو علاج لحالتة  واذا ما كعد يسون الة علاج كهربائي مثل الصدمات بلكي يرجع من ينصدم يشتغل
جمانة . ان شاء الله علي
علي . عيونة
جمانة . تسلم عيونك الله يوفقك ويرزقك ويحميك ما اعرف لو ما انتة چان صار بية
علي . دعائج يريحني يا امي الثانية ووطني الام امين يالغالية
جمانة . بگلبي اني ما استاهل كل هذا علي يستاهل كل خير واني شر الة بلكي يخلص مني شوكت تجي
علي . ننتظر للعصر اذا ما فاد العلاج نسوي الصدمات عسى ولعل يكعد
جمانة . يعني ما اشوفك اليوم
علي . اووف يعني كاعد تصعبين علية الامور لا تخليني اجي هسة واني محتاج لامانچ
جمانة . هههه خوش روح وطمني عليك دير بالك على نفسك
علي . ان شاء الله وانتي هم
جمانة.  ختمت وية علي ورحت طلع عمي من المستشفى ورحنة للبيت بس عندي خوف من شنو ما اعرف بقيت اقرة ايات صار الليل وعلي ماكو خابرت ما رد لشوي اندك الباب فتحتة عمة ودخل علي شفتة مبين علية التعب وعيونة ذبلانة سلم وكعد بقة يسولف وية ابوي وعيونة علية
علا . وچ جمانة راح ياكلچ بعيونة
جمانة . لچ فضحنة عمو محمود هم كاعد
علي . اريد اشبع منهة ياريت اوكف الزمن وابقة اني وياهة بس
جمانة . ابو حسن متعشي
علي . ضاجت من شنو ما اعرف لا والله
جمانة . كمت احضر عشة اني هم جوعانة لان جنت ما اشتهي مساعة اجة يمي بالمطبخ ها شسويت
علي . ان شاء الله باجر تبين النتائج سوينة الي علينة والباقي على الله
جمانة . ونعم بالله يلة
علي . ليش لهسة ما متعشية
جمانة . جنت ما اشتهي
علي . لهدرجة افتح النفس اني
جمانة . ابتسمت وكعدت ياكل ويسولف وساعة يسكت ويباوع علية ما اعرف شلون اكلت من ورة عيونة
محمود . رحت احاچي علي واشوف ابن اخوي بغير عالم سارح وغير شخص عكس علي الي چان كوة يحچي وية الناس وخاصة البنات كام للحمام رحت اكول ام حسن شسويتي لابن اخوي
جمانة . اني عمو شمسوية
محمود . تدرين حتة وية امة ميحچي هيچ غيرتي ترة ديري بالچ علية وهسة تكولين كلهة تكول هيچ حقچ لان هوة وية الناس كلهة شكل وياچ شكل اذكري هذا الشي
جمانة . ادري عمو واني سارح بطولة واكف يغسل كدامي
محمود . يابة ام حسن مو بس ابو حسن مفضوح هههه
جمانة . هههه لا عمو اجة علي علينة
علي . ضحكة خير ان شاء الله
محمود . ان شاء الله
علا . مجمعين وناسيني
محمود . اكو نجمات تجمع اذا مو قمر يمهة
علا . هههه فدوة لكلماتك حمودي
محمود . فدوة الج حمودي واهل حمودي عمي اليوم سوة النة فضل من تمرض خلانة نشبع عسل
الكل . ههههه
علي . جمانة تعبان اريد انام عفية
جمانة . تبات هنا اتعجبت
علي . يي لو متردين ابقة عادي اروح
جمانة . لا والله مو قصدي استغربت يلة احضرلك افراش
علي . انام بغرفتچ قبل لا اجواب سئلت علا هاي غرفة جمانة
علا . اي
علي . دخلت للغرفة بسيطة كلش چنهة مالت لعابة هم صدك الي عايشة بيهة لعابة رحت على الچرباية وحطيت راسي على المخدة افكر بالي راح يصير
جمانة . استحيت منة خاف ميرتاح بالغرفة علا بقت يم عمو محمود شوي ويروح رحت على بابا شفت عمتي كاعدة يمة اتفرك راسة عفتهم على راحتهم خلصت المطبخ ودخلت للغرفة شفتة مدد على الچرباية وصافن اخذت ملابس من القديمات كلهن ثياب قصيرات عزة شلون راح البسهن كدامة رحت بدلت بالحمام بسرعة وطلعت ركض للغرفة
علي . كم مرة كايلچ ديري بالچ عمي مو برة بلة اذا شافچ شسوي ابقة ارزل اني هيچ يلة تفهمين
جمانة . عزة شلون شافني مو ما حاچيتة شكد متسلط ها اجيت بسرعة ما شافني
علي . عدلت كعدتي وشفتهة چنهة حلقومة الرجلين والثوب وردي استغفر الله هسة شلونة بية اليوم يومية بالاتراك ولعابة باعصابي الة مو هذا بقيت صافن عليهة لشوي دارت وجهة عرفت ضاجت لان رزلتهة
جمانة . راح انام يم علا حتة ترتاح
علي . جمانة تعرفين وين راحتي
جمانة . لا
علي . كمت وسحبتهة علية بحركة سريعة التمت بحضني هذا راحتي هنا جنتي خلي ارتاح تعبان لا تعبين بالزايد
جمانة . يهمس قريب علية اني انتهيت صارت رجفة بجسمي وخرت من يمة جرني اطفي الاضوية واجي طفيت الاضوية وقفلت الباب ورجعت لمكاني بقة كاعد يباوع علية شلون اتحرك لميت شعري وتمددت غمضت عيني فتحتهة وشفتة بعدة كاعد يباوع ويفكر صحت علي ماتنام اليوم چان ضوة خافت بالغرفة اندار علية اتقرب مني لحد ماصار راسة بحضني لميتة بين ادية بقة يسولف وياي على سجاد وزيد وسوالف هواي قديمة ذكرتني بزيد بقيت اني اسولف على مستقبلي وية زيد وشلون راح نعيش وكتلة اظل اجيكم صح ينجرح من هذا الكلام بس هاي نهايتنة
علي . تمنيت مستقبلچ وياي بس الله ما كاتب هيچ الله يوفقچ يا بت گلبي حسيت هاي اخر ليلة الي بهذا الحضن باجر تنام بحضن زيد دفنت راسي بركبتهة وبقيت اتنفس بعمق اريد اشبع من العطر واملي ريتي بي اليوم الوداع
لا ما اضن نرجع بعد الليل احسچ رايحة
اشتم هجر بسوالفچ
ريحة وداعچ فايحة
ابچي على روحي وانقهر
مو اني الانذل وانكسر
ما اقرة لعيونچ شعر
لحساسچ اقرة الفاتحة
كلتيلي وحدك بالگلب
وطلعتي غيري موالفة
عفتيني بحلوك البشر
مضحكة وونسة وسالفة
تالي رجعت من الصفر
من امداه لهل العمر
لنفسي اباوع واحتقر
ومن عيني كلش طايحة
اشتم هجر بسوالفچ ريحة وداعچ فايحة
مرتاح واضحك مختلي
عايش جنت وبراحتي
وگلبي على گلبي ينكسر
هسة من اباوع حالتي
شحچي بعتب يالقاسية
فرحانة هسة وناسية
لا بطلن عيوني البچي
ولانامن من البارحة
اشتم هجر بسوالفچ ريحة وداعچ فايحة
متغيرة مو انتي واحس چن غيري صايرلچ ولف
احچي ولا تسمعين ابد سديتي بيبان الزلف
تضحك الوادم من صدك
واني الوحيد المحترك
كل كلمة قصدچ نفترك
يسمعهة الاطرش واضحة
اشتم هجر بسوالفچ ريحة وداعچ فايحة
للشاعر سرمد السبتي
…… .
صبااح الخير ياحلوين شلونكم شخباركم ان شاء الله بخير اسفة على التأخير ان شاء الله ينال اعجابكم البارت حبايب ليش المشاهدات هواي والتصويت قليل اذا عجبكم البارت صوتوا حتة اعرف القصة كاعد تحبوهة لو لا لان هيچ تهبط معنوياتي اتمنى تتفهمون احبكم دمتم في حفظ الرحمن🌼🌼
ياقوتة❤️💕