«لأنـك تشبـهـه.»✔

«الحلقـة الثانيـة عشـر..»

رأيكوا في القصة لحد دلوقتي..؟

بدلة أيمن..👆♥

نبدأ بسم الله..♥🌸

__________________

~Ghofran's Pov~

•تاني يوم..•

صحيت الصبح الساعة ١٠ اتوضيت وصليت..

نزلت تحت المطبخ لقيت ماما واقفة بتعمل الفطار..

أنا وأنا بآخد بطاطسية من الطبق:
_صباح النور يا ست الكُـل..😘

وبوستها من خدها..دي عادتي أصلاً..

ماما ببسمة:
_صباح الفُـل يا فوفو..روحي صحي أمينة يالا وأشرقت عشان هانفطر ونروح لملاك نسأل عليها ونزورها..

أنا وأنا بأشرب:
_هي مالها صحيح..؟..وهيثم رجع امتى امبارح؟

ماما حطت البيض في الطبق وقالت:
_هيثم رجع الساعة ٥ بعد ما صليتوا ونمتوا وملاك قال لي رجلها مكسورة وكلها شهر ويروح يخطبها..

أنا:
_أُمال أيمن ووليد فين؟

ماما عطتني طبق البيض والبطاطس وقالت:
_بطلي أسئلة وروحي ودي دول عالسفرة..أيمن صحي ونزل التمرين من ساعة..وهايعدي وهو جاي يجيب خطيبته عشان هايخرجوا..ووليد نزل الشركة من الصبح..أخوكِ واخد أجازة عشان يروح القسم بالليل يحقق مع حاتم..خلاص كده ارتحتي..روحي جهزي السفرة بقى..😑

أنا ماشدنيش في الحوار كله غير إن أيمن هايخرج مع مُـنى..

أصلاً عادي..😔💔

خرجت حطيت الحاجة عالسفرة وطلعت صحيت أمينة وأشرقت..اتوضوا وصلوا ولبسوا..

قعدنا فطرنا..وأمنية قالت لمامتها عالعريس اللي متقدم لها وإنه تبع وليد ومامتها وافقت واتفقوا عالعريس ييجي النهارده بالليل ويحددوا معاد الخطوبة معاه بس بدري عشان الجامعة..

خلصنا وشيلنا الأكل وطلعنا لبسنا عشان نخرج..

أنا..

أمينة..

أشرقت..

ركبنا مع أدهم عربيتنا سبعة راكب..✌

ماما ركبت جمبه قُـدام ومامة أمينة ومامة أشرقت جمب بعض ورا..

وأنا والبنات آخدنا الكرسي اللي ورا..

عدينا على محل شوكولاتة جيبنا دي..♥👌

ماما ماعرفتش هيثم ولا قالت له عشان هايقولها بالمرة تبقى قراية فاتحة..😂💔

أخويا وأنا عارفاه ومش هايصبر..!💔😂

وصلنا تحت البيت أدهم مشي هو وطلعنا إحنا فوق..

خبطنا ومامتها استقبلتنا أحسن مقابلة..