«لأنـك تشبـهـه.»✔

«الحلقـة التاسعـة عشـر..»

ما قبل الأخيرة..😞💔

نبدأ بسم الله..♥🌸

_______

~Ayman's Pov~

لوهلة حسيت الأرض بتلف بيا  واتخنقت وحسيت إن روحي بتتسحب مني..

بنت قلبي وحياتي كلها..تحت رحمة أوسخ واحد شافته عينيا..

حسيت إني عاوز أصرخ مش عارف أحميها..خايف أضحي بيها وبلدي تعيش..يا أضحي ببلدي وهي تعيش..

والاتنين أهم من بعض..!!

بصيت ورا حاتم لاقيت هيثم واقف ومصدر طبنجته في ضهره لأي لحظة غدر..

ساعتها بس عرفت هأنقذ الاتنين إزاي..

بصيت لهيثم بعيني وهو فهم أنا عاوز أعمل إيه..

عمل كده لقواته..✊وأول ما أومأت له بعيني..عمل كده ✋..

وضرب حاتم على رأسه بالطبنجة وقواته سيطروا على رجالة حاتم..

آخدت تلفون حاتم من عالأرض بسرعة وهو فاقد الوعي قدامي..

وفتحت الـ GPS ورنيت على رقم إسلام واللي كان آخر حاجة موجودة في الـ List اللي رنّ عليهم..

(أنا ماعرفش الـ GPS بيشتغل إزاي فعدوها كانت صح ولا غلط..!!!)

رد عليا وسيبته يتكلم لحد ما قفل السكة..

وطلعت برا وركبت عربيتي ومشيت لحد ما وصلت للمكان بعد ربع ساعة تقريباً..

طلعت بسرعة لحد ما وصلت للشقة..وخبطت جامد..كتير..لحد ما فتح لي..

مامسكتش نفسي ومسكته ضربته في وشه بعزمي كله..مليت وشه وجسمه كدمات..لحد ما فقد الوعي تماماً..

قفلت باب الشقة جامد عشان مايخرجش لو صحي ولا حاجة..لسه حسابه معايا تقيل..

دخلت بسرعة عالأوضة اللي بابها مفتوح دي..

بصيت لها بوجع وحُـزن الدنيا كله..

نايمة عالسرير وهدومها شبه متقطعة لكنه مالحقش يعمل حاجة..

حجابها اتفك وهدومها متبهدلة وهي في حالة مُـزرية..

قعدت جمبها عالسرير ولاقيت دموعي بتنزل لا إرادياً على وشي..

أنا مش مسامح نفسي إني فرطت في حمايتها وخليت كلب زي ده يقرب لها ويحاول يتعرض لها بطريقة بشعة زي دي..

يعني لولا إني وصلت بدري شوية كان عمل اللي هو عاوزه..

دمي محروق عليها أوي..حاسس إني مخنوق ومش قادر..

بس والله العظيم لأجيب لك حقك..

ليا لي عندك تارين يابن محمود..اتنين وهآخدهم دلوقتي..

غطيتها وقلعت چاكيت بدلتي وداريتها بيه..

وسيبتها وخرجت للحيوان اللي برا ده..