الطبخ له العديد من القصص و الروايات جميعنا نحب الطعام و لكن لكل طبق سر دائما ناس يسألوني ما سر هذا الطعم بإختصار أضع حبي فيه و أبدع بما أحب هنا سيتم تعلم كل فنون طبخ راح أحط كل الأكل إلي سويته .
وا بوووم تفضلوا أهم أشي شاركوني تعليقتاكم عن الطعام و...
مرحبا بكم يا طلاب (خلاص بدي غير طلاب طبعا أنتو خلص لازم تصيروا شيفز) . نعيد مرحبا شيفز كيف حالكم اليوم راح نعمل وصفة كتير طيبة اسمها المكرونة بالبشاميل وصفة منيحة للغدا و طعما كتير طيب 😃 المهم نبدأ الحصة : بسم الله الرحمن الرحيم .
المكونات: ركزوا عشان تفهموا هي طويلة شوي .
كيس مكرونة مسلوقة 500 غرام كيس لحم مفروم أو 400 غ كفتة حسب الرغبة 3 ملاعق كبيرة زيت نباتي 2 بصل متوسط مفروم 3 فص ثوم مفروم(مو إجباري) 4 ملاعق كبيرة صوص طماطم أو يلي ما عندو يحط نصف علبة طماطم مبشرة مطحونة خفيف"يعني مو كثير تطحنوها" 1 كوب جبنة موزايرلا رشة جبنة شيدر "يلي ما عندو جبنة مو مشكلة" . مكونات صلصة البشاميل مكعبين زبدة أو ملعقتين كبار زبدة نصف كوب طحين 4 كوب حليب مكعب مرق ماجي ربع ملعقة صغيرة قرفة رشة فلفل أسود . طريقة التحضير : لعمل اللحمة.
1. نسخن المقلاة ندهنها بالزيت ،نضيف البصل حتى يدبل نحط عليه رشة فلفل أسود و نحط اللحمة و نحرك 2. أول ما تنضج اللحمة نضيف عليها الثوم و صوص الطماطم و نقلب 3. نحط التوابل زي ملعقة صغيرة من الكركم و الكزبرة المطحونة و نصف ملعقة صغيرة من زنجبيل. أول ما نحس لحمة صارت طلع صوت نحركها و نصيب عليها ربع كوب ماء . لعمل صلصة البشاميل في طنجرة صغيرة طبعا نحط الزبدة و الطحين و نحرك أول ما يتغير لون الطحين نضيف عليهم الحليب بس بهدوء عشان ما ننحرق و ما ننسى المرق " عشان أسهل عليكم جيبوا ربع كوب ماء ساخن وحطوا فيه مكعب المرق يذوب و بعدين حطوه على الحليب" و ما ننسى القرفة و رشة الفلفل و نحرك على النار حتى يتكاثف . بالنهاية نجيب صينية مدهونة"بايركس" و نحط فيها مكرونة و فوقها اللحمة و بعدين طبقة أخيرة المكرونة نحط شوية من شيدر عليها و بعدين نحط البشاميل و فوقه الموزاريلا نحطها في الفرن حتى تتحول الطبقة إلي فوق للون الذهبي . و بالنهاية صارت معانا أحلى غدا و بالهنا و الشفا شكرا شيفز تقدروا تطلعوا . ومع السلامة 😄😄😄😄
ओह! यह छवि हमारे सामग्री दिशानिर्देशों का पालन नहीं करती है। प्रकाशन जारी रखने के लिए, कृपया इसे हटा दें या कोई भिन्न छवि अपलोड करें।
