امير :دخلت الجامعه كل عاده رحت للكافتريه شربت قهوه واكلت شوي وطلعت للمحاضره خلصتها وشفت فرح الابنيه الي احبها طبعآ احبها من اول سنه جامعه وهيه وياي بس بغير قسم ماتدري احبها بس اظل اباوعلها وبس اتخرج اخطبها احبها هوووواي بي مااعترف طبعي ثگيل وماانطي مجال حاد وعصبي وجدي بكلشي بس فرح سافره وماتلبس حجاب وملابسها ضيگه عدهم عادي يعني غير عنه اني واهل بس الحب مايعرف هل شي مناسب حبيتها وبس
نور :هل يوم كلش عادي رحت للجامعه جان عندي محاضرتين وگعدت ويا صديقاتي منار وريم ورجعت للبيت تعبانه نمت بسرعه
امير :طلعت من الجامعه ورحت ل بابا
ابو امير :ابني ليش تأخرت
امير :بابا طريق زدحام كلش
ابو امير :وليدي هاي الاوراق مال مكاتبه السياره هسه يجي زبون يوقع ويشتري
امير :اوك بابا
ابو امير :يلا ابني مع السلامه رايحه لعمك وراها ارجع للبيت
امير :تمام بابا روح ارتاح اني موجود الله وياك
بيت ابو احمد
ام احمد :دخلت للغرفه لگيت نور نايمه
ام احمد :نور نور ماما گعدي تغدي ويانه هسه يجون خوانج وابوج وگعد نضف وسوي حلويات ونسوي دولمه اخوج احمد باجر يجينه يتغده يمنه هوه ومرام والجهال
نور :ايي ماما گعدت صار يدللون احمدد ومرام والجهال
ام احمد :راح انزل وتعالي وراي مو ترجعين تنامين
نور :بنعس صار ماما
نور :گعدت غسلت ونزلت تغدينه وشربنه جاي وگعدت اسوي حلويات
امير :خلصت شغلي وتغديت العامل جابلي غده وطلعت العصر للبيت ارتاح شوي
ابو امير :ابني خلصت شغلك
امير :اي بابا خلصته وجيت ارتاح وارجع للشغل
ابو امير :ارتاح ابني اخذ راحتك
ابو احمد :دگ تلفونه الووو هلا ابو اموري الحمدلله وانته
ابو امير :ها خويه الحمدلله دگت عليك ع مود نطلع اليوم صارلنه هواي ماطالعين
ابو احمد :اي تدلل نطلع
ابو امير :مايدلل عليك ظالم نروح للقهوه مالتنه الي نگعد بيها دائمآ
ابو احمد :ان شاءالله مع السلامه
ابو امير :مع السلامه
التقو ابو امير وابو احمد
ابو احمد :هلا خويه شلونك
ابو امير :الحمدلله خويه وانته
ابو احمد :الحمدلله
ابو امير :والله خويه اني سمعت عندك بنيه حلوه وعروس
ابو احمد :ههههه اي نور بنتي ووحيدتي ماصر عندي بنات بس هيه
ابو امير :الله يحفظها الك
ابو احمد :ويحفظلك اولادك
ابو امير :والله خويه جيت اخذ رئيك بموضوع
ياترى شنو الموضوع 🙊😕
انتظروني بالبارت الجاي وانطوني رئيكم حبابين واستقبل منكم اي رد وگلولي اذا اكو لاخطأ
بارت 3👇
