نور:دخلت للغرفه واني منصدمه من الي صار گعدت وحدي شوي وصعدن البنات گعدن يمي وظلن يحجن ع جرئة مهيمن وشلون عصب امير ضلينه نسولف لحد ما عمتي گالت تعالو تعشو جنت مالي نفس اتعشه گلت للبنات يگلولهم اني نايمه نزلن هنه واني ضليت گاعده درست شويه مر يومين نفس الروتين نگعد الصبح نتريگ واني انظف غرفة امير واغسل ملابسه واطلع منها اسبح وابدل ومن يجي امير اصعد بعد ماانزل بليل انزل اتعشه اني والبنات وحدنه مر هل يومين نفس الروتين بليل البنات گالو راح يبدي فلم كوميدي حلو نضل گاعدين نسهر نشوفه سوه تحظرنه للفلم وبده واحنه ضلينه بس نتمضحك وجان يدخل امير
امير : من راح مهيمن صعدت للغرفه عصبت مااعرف شنو داحس نمت گعدت الصبح طلعت للشغل اجيت ماشفت نور ومرتبتلي غرفتي طبعآ مااگللكم ع الترتيب ونزاكه الي عدها صاحولنه تعشينه هم ماشفتها بابا گال وين البنات ضل يحس بيه اني ونور بس امي دائمآ طلع اعذار تگله تتعب تعشيت وصعدت نمت مر يوم ثاني نفس الشي بليل ساعه بالوحده جنت بالغرفه واسمع صوت ضحك عالي دگيت الباب ع الخفيف ودخلت لگيتهن ملتمات تلاثتهن وميتات ضحك گتلهم خبيثات ماتعزموني 😒گالن ماندري تريد تسهر ويانه عبالنه ماشرفنه 😕 گتلهن لا اشرف طبعآ گتلهم بس اكو واحد مايسئل ولا يسلم مادري شبي وياي نور گالت عفوآ تقصدني 😕گتلها كلمن يعرف نفسه 😉گالت شلونك امير گتلها بعد وكت باوعتلي بهاي النظره 😒گالت مو صوجك صوجي گتلها بخير انتي شلونج مدام 😐گالت تمام وگعدنه نسولف ونشاقه حتى الفلم نسينه صارت ب٣ونص گالن يلااا اطلع نريد انام شعندك اليوم 😑گتلهن اوك اوك عمي راح اطلع بدون مطرود تصبحون ع عسل واصلآ اجيت اگلكم باجر اني اوصلكم للجامعه گالو تمام ورحت نمت
نور :دخل امير وضلينه نسولف ونشاقه حبيت اسلوبه وشقه ماتوقعت هذه الوحش الشرير الي دائمآ معصب ومتكبر هجي مرح ويسولف گال اوصلكم للجامعه گناله تمام راح واحنه هم بسرعه نمنه لان تأخر الوقت واحنه مانايمين ورانه گعده گعدنه الصبح گوه بدلنه ونزلنه لگينه امير گاعد يتريگ تريگنه وگال يلاا اوصلكم عمتي وعمي گالو ومهيمن گلهم امير لا اني اوصلهم بعد مو مهيمن طلعنه ركب امير سيارته ومريم ركبة وره اني ضليت واگفه ركبة وره يم مريم ندار علينه امير گال شنو اني الشوفير مالتكم وحده منكم تجي تگعد گدام اني غلست مريم تباوعلي گلتلي انتي روحي گرصتها نزلت راحت گعدت يمه حرك السيارة وصلني وبعدين وصل مريم خلصت محاضرات
بارت ١٥👇
