امير :گعدت بالحديقه ارتاحيت وجان اشوف سياره اجت يم الباب عرفت عمتي وصلت دخلتها ودخلت گعدنه نسولف وبعدين گالت وين زوجتك اريد اشوفها اني گتلها هسه اشوفها اذا گاعده اصيحها سلم عليج صعدت للغرفه لگيت مريم وحنين يمها وهيه نايمه ستوني دخلت وتلگني رزايل وحجي ليش سويت بيها هجي گتلهم عمتي تريدها گالو روح گلهم نايمه والبنات هم نايمات نزلت گتلها عمه نور نايمه ظلت تحجي غير مره هاي تترك زوجها وتنام وبعدهم عرسان اني گلت بگلبي لو تدرين شسويت بيها جان ماحجيتي هل حجي بعدين گالت اني تعبانه اريد انام اخذتها امي للغرفه وراحت ابوي دخلي ينام اني ظليت گاعد بالصاله شوي وصعدت لگيت البنات رايحات لغرفتهن ونور نايمه فرشتلي ع الارض ونمت
نور :اني اخذت المسكن ونمت گعدت بالخمسه الفجر لگيته فارش ع الارض ونايم شربت ماي ورجعت نمت بس جسمي متكسر همزين ماصارت اثر ضرب ع وجهي بس جسمي كله ازرگ نمت گعدت الصبح بعده نايم دخلت سبحت ومااعندي هدوم بس ملات نوم لان بغرفت البنات هدومي ظلت طلعت لافه الخاولي ع جسمي بسرعه اخذت روب نوم شوي طويل لبسته گلت ع مايشحن فوني واتصل ع البنات يجيبولي هدوم ظليت امشط شعر هوه گعد ماباوعتله اني رحت اريد اعلگ روب الحمام وجان يجي هوه صار وراي يريد ياخذ روب حمام يريد يسبح بس اني تكرفست من الخوف خليت ايدي عبالي يريد يضربني هوه گلي بهدوء وصوت حاد وجديه لاتخافين مااضربج اني وخرت بسرعه ورحت گعدت ع الجربايه وتغطيت
امير:نمت مااگعدت اله الصبح شفت نور تمشط شعرها گامت تريد تعلگ الروب اني اخذت روبي وهيه خافت عبالها راح اضربها او اسويلها شي گتلها لاتخافين مااضربج هيه راح ع الجربايه واني دخلت للحمام سبحت وطلعت لگيتها بعدها گاعده نزعت الروب بدلت وسويت شعري احب اعتني بشعري شفتها لابسه روب نوم ردت اخبث عليها واضوجه اكثر رحت يمها حجيت بصوت حاد گتلها غرفتي وهدومي انتي مسؤله عنهم بس وجهج مااريد اشوفه ابد بالوكت الي طالع بي سويهن فهمتي
نور : طلع من الحمام نزع الروب وبدله وگعد يسوي شعره ع المريه اباوعله هيبته وشخصيته وجسمه وشعره وعيونه كلهن حلوات شوي گلت الروحي اني جاي افكر امس ضربني موتني واني هسه هجي افكر بي ظليت گاعده واحجي بگلبي مااشوف اله واگف فوگ راسي گلي غرفتي وهدومي انتي مسؤله عنهن بس مااريد اشوف وجهج من اطلع سويهن گلي فهمتي اني تنرفزت من حجيه شنو خدامه هجي يعاملني گتله لا مااسوي الي تريده اني مو خدامه ماتريدني طلگني وخلصني
امير :هوه اني اگدر اطلقج ومااطلقت بس شسوي الابوي جابج ع حظي بعصبيه گتلها سوين الي گتلج عليه وسكتين گالت مااسوي وبكيفي نرفزتني وعصبتني احس عيوني صارن نار وحمر اعصرهن ينگطن دم خليتها وضربتها وطلعت وقبل لا اطلع گتلها سوين الي گتلج عليه وتنزلين هسه ضحكين وسولفين ولا عبالك صاير شي اذا بينتي شي اكسرج والله
نور :طلع واني جسمي نار من الضرب گمت اخذت الجهاز وتصلت ع مريم گتلها تعالي اجت بسرعه گالت هاي شبيج هم ضربج مااحجي بس هزيت راسي بمعنى اي گالت ااااخ لو اگدر اگل الابوي صاير وحش مو امير الي اعرفه گتلها حبابه مو وكت هل حجي بس الله يخليج جيبي هدوم من الغرفه انزل بيهن لان عمتج جوه گالت ثواني راح جابتلي بدله طويله لون بصلي لبستها مكيجت شوي ونزلت سلمت عليها بوستها وتباركتلي وامير گاعد يمي گالت لايگي الله يحفظكم ويحرسكم بتسمتلها بقهر گتلها اشكرج عمه امير يضحك ويسولف ولا عبالك الي صار بينه وضربني ظلينه گاعدين وخلصنه ريوگ گالت عمته اني راح ارجع اليوم العصر لان مااگدر اظل هواي احس نفسي طايره من الفرح لان مااراح انجبر انام بنفس الغرفه اني وبلوتي گلولها لا ظلي وماايصير گلتلهم لا مااگدر اجيت اتبارك الامير ونور ورجع
امير :نزلت لگيت عمتي وامي وابوي گاعدين يسولفون ظليت گاعد يمهم نص ساعه ونزلت نور سولفنه وتريگنه عمتي گالت اريد اروح العصر اني فرحت بس ظليت اگلها لا ظلي ومدري شنو هيه اصرت تروح خلصنه حجي گمت رحت ع شغلي وبابا راح للشركه
نور :طلع امير وعمي هم طلع عمتي وعمته راحن گعدن بالصاله اني ذكرت سوه بيه شلون مااخذت حجيه گلت راح اظل اعاند مو عباله اخذ حجي رحت يمهم بالصاله سوالف اجن البنات گعدن يمي سولفنه ع الي صار بصوت ناصي گتلهم لاتسمعكم عمتكم سكتو ظلن ساكتات
امير :رحت للمعرض گعدت اشتغل شوي ودخل مهيمن ابن عمي وصديقي من الطفوله كلشي احجيله مااظم عنه شي جان يدري بيه مااريد نور شافني ضايج ومعصب گلي شبيك سولفتله ع الي صار ضل يضحك حجينه شوي ومشه الوكت صار وكت رحعتي للبيت هوه گاعد يمي گتله تعال وياي نتغده هناك بالبيت گال اوك رحنه للبيت دخل سلم ع عمتي وامي وسوالف وضحك نور جانت ماموجوده لا هيه ولا البنات بغرفتهن يمكن دخلت بدلت ونزلت گاعدين نسولف ونزلن البنات
نور :مر الوكت ساعدنه ام علي بالغده صعدنه فوگ بالغرفه خلص الوقت نزلنه صار وكت الغده شفت امير ويمه ولد گلت للبنات هذه منو گالو مهيمن ابن عمنه مريم گالت اني ويا نفس الكليه بس هوه غير قسم ومرحله رابعه ودائمآ موجود عدنه صديق امير من الطفوله هاي كله حجو الي واحنه نازلين من
الدرج بعد نسوان مايلحگ ع لسانه 😜 سلمنه وگعدنه مهيمن ظل يباوعلي اني دنگت وظليت اسولف ويا البنات
امير:دخلن سلمن وگعدن مهيمن نگزني گلي ولك هاي زوجتك الي متريدها گتله اي گلي شسويلك اسبك هسه اكو احد عنده هجي جمال وميريده ظليت اضحك لان احنه بيناتنه هجي شقه گلي اذا ماتريدها طلگها واني ازوجها ضجت من كلامه بس عادي تركته واجه بابا صبو غده وتغدينه
اعتذر منكم ع التأخير بس ضروف ومرات الانسان يصير ماله واهس يكتب بس الخاطر عيونكم 😘🙈احبكم كوووومه وان شاءالله تعجبكم والجاي احله انتظروني
بارت ١٢
