ذكريات لا تموت 💔

الجزء 11

نادية كات تمشي او تجي او عروقاتها خارجين او مشات كات دق فالباب و كات غوت
نادية:والله زامل بوكم او توقع ليها شي حتا حتى نريب هاد الحبس (درت دخلات لبيت او مشات عند رجاء) تصحاب ليك غان قتلك لا احبيبة ماغان ديرهاش غان عذبك تولي تطلبي لموت او ماتلقايهاش نخليك تقتلي راسك بيدك كل مرة ندير ليك عملية فشكل لوالدة ديالك نجبدها او نحطها ليك قدامك تشوفي غير صبري عليا
دازت ليلا كحلة على الجميع نادية باية محيحة فالحبس سيف شرب حتا داخ دخل لدار سكران هي وصل تلاح اكرام نعسات او قلبها محروق على ختها
اصبحنا و اصبح الملك لله نضت دخلت توضيت او خرجت صليت صلاتي بقيت كان قرا شوية القران او كان دعي مع ختي ساليت خرجت لقيت كولشي جالس فالطبلة
إكرام :صباح الخير
الكل:صباح نور
خالتي عائشة :كي صبحتي ا بنتي
إكرام :(كاتبكي) كي بغيتيني نكون ختي مليوحة فالسبيطار كي غادي نكون فنظرك
سيف خبط يدوا مع الطبلة او ناض معصب اكرام مافهمات والو شوية سمعو دقان كان عدنان لي جا
عدنان:صباح الخير
الكل :صباح نور
اكرام:ياك قلت ماتجيش انا ماغداش واش ماكات فهمش
عدنان:اكرام راه غاي جريو عليك واش ماكات فهميش ولا شنو
اكرام:(بالغوات) ماغداش واش ماكاتفهمش الا وقعات شي حاجة لختي لقراية باش غا تنفعني دوي نفعاتني نحمي ختي من هاد الحالة لي وصلات ليها اونفعاتني نخلي بابا معايا ولا حتى....  
قاطعني عدنان بصوت عالي كاي زلزل الدار
عدنان:دابا هانتي مشيتي اش غادي ديري لختك غادي ضربي ليها الشوكة راه ناعسة هاهوما غادين الا وقعات شي حاجة نخرجك من وسط الحصة
عمي محمد :عندو الحق ابنتي سيري انا كانواعدك لي وقع زوين ولا خايب غان عيط ليك ماكات تيقيش فيها
هزيت راسي بواخة او دموعي شلال هزيت ساكي او خرجت تمينا هابطين فالدروج
تمينا هابطين او هو ايبان ليا واحد الراجل خارج من دارنا هو او ولادو جوج بنات او ولد هو لخر خارج عرفتهم سكنوا بلاصتنا رجعات ذاكرتي لور لسينين قديمة ايام زوينة
بابا:ملاك عنداك ختك طيح
ملاك:لا ابابا هانتا راني شادها مزيان
اكرام:ماتخافش ابابا انا شربت لحليب كامل او وليت قوية هانتا قيس الصحة 💪
بابا:اوه بنتي الغزالة ولات قوية
ملاك:اوا فين هادا
بابا :ماعرفهاش ديما هاكا
اكرام:حشومة ماتهضروش فشي واحد قالتها لينا المعلمة واخا ايكون خوك
ملاك:عارفاك ماكاتبغي حد اهضر ليك ف......
قاطع تفكيري عدنان
عدنان:غان بقاو واقفين فالدروج 
إكرام:لا غادي نمشيو لدار لول نبدل او نهز كتوبتي
عدنان:واخا ا لالة
خرجنا عدنان ليوم جاب الطونوبيل على ودي ركبنا مسافة الطريق او وصلنا
اكرام:نزلني غير هنا
عدنان:ولكن... .(قاطعتوا)
إكرام :عفاك ماغان تعطلش
عدنان:صافي واخا
هبطت من الطونوبيل تحركت لدار حتا وقفني العساس
العساس:بنتي فين كنتي قلبات عليك واحد المرا لبارح
اكرام:اه فراسي راني نعسة عندها
العساس:ماعجبنيش وجهك مالك
اكرام:ختي فالميريكان دارت كسيدة خطيرة او انا عقلي معاها
العساس:ربي ادير لي فيها الخير مايكون باس
اكرام:لهلا اوريك باس
يالله درت غان طلع جاتني الدوخة او شديت فالعساس
العساس:بنتي ياك لباس نعاونك طلعي
هزيت راسي باه دوخة مابغاتش تفوتني فهاد الوقت مهدي هابط
مهدي:اكرام مالك ياك لاباس
لاجواب
العساس:فيها الدوخة هزها ا ولدي طلعها
هزني مهدي طلعني لدار دخلت مشيت غسلت وجهي مزيان شربت الما او بدلت عليا درت مكياج  خفيف ندرق بيه الزروقة لي فوجهي هزيت كتوبتي او خرجت هبطت لقيت العساس فالباب
العساس:بنتي فين غادا راك عيانة