ذكريات لا تموت 💔

الجزء 21

*اصبحنا و اصبح الملك لله
ريان:صباح الخير
احمد:صباح النور
ندى:عمي لاباس
احمد:الحمد لله كي وصلتوا بعدا بخير
ريان:بخير اجي ليث باقي ناعس
ليلى:ليث ختار عاشيقتوا او سمح فينا
احمد:سكتي ا ليلى
ريان:شرحوا ليا
احمد:اجي معايا او نعاود ليك
احمد مشا هو او ريان لصالون تما عاود ليه داك شي لي طرا بالحرف كيفما عاود ليه ناصر
ريان:ماما او مشاكليها مع ليث بغيت نفهم لاش جايبة معاها سلمى
احمد:اوا هانتا كاتشوف
ريان:فين ليث دابا
احمد:فالشقة ديال ناصر
ريان:صافي انا غنمشي عندوا
احمد:جيبوا معاك
ريان:كون هاني
ريان خرج مشا عند ليث اما ندى فطلعات ولادها ايرتاحوا او احمد دار لمراتو
احمد:هادشي ليبغيتي لعذاب لولدك باقي هاد جا من السفر
ليلى:كبرتوها لديك لبرهوشة
احمد:سدي فمك حسن ليك او بعدي من البنت
*عند اكرام كنت كان وجد الطبلة مع رحمة حتا سمعت الدقان مشيت كان جري نحل لقيت واحد الولد
اكرام:سمح ليا كاتقلب على شي واحد
ريان:اكرام ياك
اكرام:شكون نتا
ريان:عاشق لدرجة الجنون
اكرام:عرفتي الا خرج ليك خطيبي غاي رد ليك ظهرك رطب من كرشك
ريان:خرجيه نشوفوا ا لالة انا ماغانمشي حتا نديك معايا
عصبني بزااااف او انا نزدح ليه لباب فوجهو ساعة ولد لحرام كسر لباب بالصونيط او دقان ناري او ليث جاي
ليث:اكرام شكون
اكرام:ماعرفت واحد الحمق كايدخل او يخرج فالهضرة
ليث:حيدي نشوف شكون
ليث حل لباب او بدا كايضحك بجهد
ريان:اكرام هادا خاطيبك ههههه
ليث:ماباغيش تكبر
ريان:هههه سمحي ليا ا اكرام غا كنت ضاحك راه تسمعني مراتي تحيد ليا الحلاقم
عنقني اويلي مال هاد او ليث كايشوف فيه او انا مصدومة
ريان:نعرفك براسي ريان العمراني خو خاطيبك
هاد فهمت ويلي ويلي شنو درت سديت لباب فوجهو
اكرام:هههه سمح ليا ماعرفتكش سمح لي
ريان:هاد ضحكات ههه
مها:عروستنا صباح الخير
ملاك:صباح نور
مها:هاتي البشارة
ملاك:الله يسمعنا خير
مها:ندى او ريان وصلوا
ملاك:اوا الحمد لله
مها:يلاه نوضي ليوم حمام لعروسة
ملاك:بلاش ندوش غا فالدار
مها:دوشي فالدار مالكي حمقة اصلا الا خلاتك ماما
ملاك:والله غير بلاش
مها:مااااااما
ملاك:صافي صافي
مها:دابا مزيان هههه اجي ختك ماتمشيش معانا منها نيت نتعرفوا عليها
ملاك:ماغاديش يبغي ليث
مها:اذن لقضية فيها ليث
ملاك:اه
مها:مسكينة بقات فيا ليث طبعوا صعيب او غامض
ملاك:هههه معامن مع ختي ولا كايهضر لهضرة ديال عام فنهار
مها:اوا هادي ليستافزات عمتي لهاد الدرجة راه باينة فيها مرة او قادة
ملاك:لا لا تبارك الله عليها قادة هههه
مها:بيني او بينك عمتي خاصاها شي وحدة تقادها
اسماء:ناري سكتي الا سمعك باباك غادي يدير لينا مسلسل
مها:و راني قلت ليها غالحق
اسماء:هو صارحة اكرام تبقا هاكا نايضة معاها عرفتي الا حنات ليها الراس طلع فوق منها كون تشوفي اش دوزوا عليا انا تزوجت بعلي او هي او ختها نارجس باقين بلا زواج دوزوا عليا الدكاكة مع انا تعطلت فالحمالة كانوا كايعمروه عليا ساعة الحمد لله كان بعقلوا عرفتي ماخرجوش لمهم فخطرة عكوزتي الله يرحمها كان الله يعمر ليها الدار
ملاك:ناري خلعتيني على ختي
اسماء:هيا واخا هكاك كاتضرب او تقيس مع ليث عارفه ايقلب عليها الدنيا او نزيدكم هيا عندها واحد العكوزة جدات ليث كاتعدبها عرفتي الا جات لعرس او ساقت ليها الخبار تخرجها فالجورنان ههه
ملاك:هههههه ياربي تجي
اسماء:راني عرضت عليها
مها:راكي خطار
اسماء:نوضو او نتوما ماترتاحوا حتا تجروا لبنادم لسانوا
مها:واخا
اسماء:يالله سربيو
ملاك:خالتي ماتهضريش مع ليث ايخلي اكرام تمشي معانا
ناصر:هدرت معاه مابغاش
اسماء:كونتي كاتصنط عليا
ناصر:لا
ريان:هانتي مسحيها فيا او انا منك ا لالة طالب السماحة
شفت فليث زعما شنو ندير ساعة ولد لحرام ماعطاني حتا رد
اكرام:فالحقيقة انا ماعندي حتا مشكيل بغات لعكس انا معكسة كتر منها تعاير شحال مابغات هضرتها ماكتهمنيش ولكن باش دخل لبيت او ترون كولشي مانقبلهاش تما حوايج ليث وراقوا او خدمتوا الا مشات ليه شي حاجة غادي يرجع ليا غير انا حيت انا لي معاه
ريان:عندك حق ولكن والله مايعاود شي حد يقرب ليك ولا لبيتك على ضمانتي
هاد رديت لبال كان هضر على البيت او ليث بحال الا راها داري او الراجل راجلي حنيت راسي او هضرت ببراءة
اكرام:لي بغاها ليث انا معاه
ريان:نوضي جمعي حوايجك
ليث:او شكون قال ليك انا راجع
ريان:يالله نوض بلا مانعطيك شي سلخة بحال ايام زمان
اكرام:ههههه كنتي كاتسلخوا هههه ناري بغيت نشوف ليث فديك اللحظة
ليث:نوضي جمعي حوايجك فيك الهضرة بزاف
اكرام:مارضتيش هههه حتا انا كانت كاتضربني ملاك مي ماشي ديما غير الا درت شي حاجة
ريان:انا ديما كان كايدربي بابا الا قستوا حتا نتوما بحالنا
اكرام:لا حيت بابا كان مات ديك الساعة
ريان:سمحي ليا
اكرام:عادي ولفت
ريان:او ماماك
اكرام:عمري شفتها ماتت منين كانت كاتولدني اما بابا فكانت عندي 13 لعام
محسيتش براسي او بديت كان بكي معرفتش علاش واش على واليديا لي ماتوا ولا على راسي كاتوقع فشي مرات كاتبدا تبكي او نتا ماعارفش راسك اصلا علاش كات بكي عنقني ليث حسيت معاه بالراحة ولكن فنفس الوقت شي حاجة الداخل ديالي كاتقول ليا هاد الراحة غير مؤقتة حيت الدنيا باقا ماسلاتش اختباراتها او باقا كاتطبع ليا فظهري ذكرياتها
اكرام:غان جمع حوايجي
ليث:واخا
مشيت لبيت او خليت ليث او ريان او اروى
ريان:قلبها عامرة كاتحاول تبين راسها قوية ولكن كايجيو لحظات كاتنهار فيهم