ذكريات لا تموت 💔

الجزء 42

*عند ناصر
ليث:هاديك بلعاني جات تجبد الصداع مالك مابغاش تفهمي ا مها
مها:ماعندي مانفهم نتا اكتر واحد عارف معنى الحب ولا نفكرك راه ظهرك عامر وشام شوف دراعك كولشي باش تنسا اكرام ولكن ماقدراتيش او واخا تقول ليا نسيتها ماغاديش نتيق
ليث:صافي بدلي لموضوع
ليث دور وجهو لجيهة ناصر لقاه ساهي كايفكر
ليث:ناصر فين سهيتي
ناصر:والوا
مها:توحشتي ملاك ياك
ناصر:اه ولكن....
مها:خويا ماتقول والو لبنت مادارت حتا حاجة ظلمتيها او ظلمتيني حتا انا معاها
ليث:ناصر واش ماقادرش تنساها
ناصر:ماقدرتش ماقدرتش عيطت لبارح لابتسام زعما نسا شوية ولكن كاتبان ليا غير ملاك
مها:خويا تراجع على موضوع الطلاق ماتحرمش لبنات من ماماهم او ماتحرمش راسك
ليث:ولكن كيفما كان الحال ملاك غادي تنتاقم لختها
مها:نتا غير سد فمك حيت نتا لي معمر ليه راسوا نتا اكبر اناني شفتوا فحياتي غير نتا حياتك دمرات جريتينا كاملين موراك
ناصر:صافي ا مها طلعي تنعسي
مها:انا طالعة ولكن كانقسم فمي بالله او يوسف يرفع دعوات الطلاق حتا نقتل راسي
مها طلعات لبيتها او خلات دراري بوحدهم
ليث:واش هاد البنت حماقة
ناصر:كتر ماتصور
ليث:زعما تقدر ديرها
ناصر:لحالة لي وصلات ليها كانقول ديرها او تفوتها راها كاتبغيه بلا قياس
ليث:او شناهوا لحل
ناصر:ماكاينش الحل غالبا من مورا الطلاق غادي ندي مها لعند شي طبيب نفسي
ليث:هادا هوا الحل
ناصر:او شنو زعما نرد ملاك لدار
ليث:صافي بلا هضرة بزااف انا غادي نمشي نتلاقاو الصباح فالمحكمة
ليث مشا فحالوا ولكن عقلوا كايفكر فاكرام اما ناصر دوز ليلا كاملة سكران كاس مورا كاس او كايسمع صوت بناتوا كايبكيو بحال الا حاسين بهاد شي لواقع مها كاتسكتهم او تبكي اما ملاك مانعساتش ليلة كاملة كاتقلب بحال الا حاسة ببناتها لي ماسكتوش من البكا
*اصبحنا واصبح الملك لله
صباح غادي نبداوه عند ڤاليري لي باقا كومة هاني ماغمضش عينيه ليلة كاملة مراقبها حيت عارف الا وقعات ليها شي حاجة غادي يصفيها ليه جاد باقي كايشوف فالزاجة حتا وقف حداه جاد
جاد:كيف بقات
هاني:غيبوبة
جاد:ايمتا تفيق
هاني:الاطباء ماعارفيش
جاد:سير ترتاح
هاني:غادي تبقا هنا
جاد:اه او اصلا كاينين رجالي غير سير
هاني:عفااااك مادير ليها والو
جاد:راها غيبوبة واقلة
هاني:زعما الا فاقت
جاد:انا اصلا ماداخلش عندها
هاني:مهم خليتك دابا
جاد:بسلامة
*عند ملاك
ملاك:هضرت وحدة راني قلتها الا تحكمات الحضانة لصالحي نتا غادي تجيب معاك مها
يوسف:لا
ملاك:شوف الا متدرتيهاش عمري نسمح ليك
يوسف:صافي باركةباركة
ملاك:انا لاش كانهضر بعدا منين تحكم القضية او ديك ساعة قول لا
يوسف:ملاااااااك
ملاك:هضرت وحدة او راني قلتها
يوسف:تحركي
ملاك:زيد او سكت
يوسف:فين عدنان
ملاك:غادي ندوزوا عليه فطريقنا
يوسف:او عيطي ليه
ملاك:لا حنا تافقنا لبارح
يوسف:ماكتقدايش
ملاك:ولات فيك الهضرة بزاااف
يوسف:كون تشوفي راسك
خرجت انا او يوسف باتجاه المحكمة
*عند ناصر
مها:ها هوما لبنات واجدين
ناصر:يالله نمشيو
مها:خويا بلاتي نعطيك شي كينة ديال الراس باينة فيك عيان
ناصر:راسي بحال شي بيضة
مها:وا بسيف راه ليلة كاملة او نتا كاتسكر
ناصر:اوووووف
مها مشات جابت دوا لناصر او عطاتوا ليه
مها:شربوا شوية ايفوتك الحال
ناصر:واخا
ناصر شرب الدوا او هز بناتوا بين يديه بدا كايبوس فيهم
مها:خويا عطيني لبنات نحطهم فبلاصتهم
ناصر:هاكي غير بشوية
مها:ههه خايف مني
ناصر:حشا ا لالة مهم خلينا نمشيو
مها:فين هوا ليث شفتوا ماكاينش
ناصر:غادي يلحق علينا
مها:بففف بسبابوا حنا فهاد الحالة
ناصر:هو مادار والو
مها:صافي بلا ماتبدا تحامي عليه خلينا نمشيو
ناصر:يالله
*فالمحكمة
سليم:هاد هو القرار النهائي فالقضية
إسراء:راه فالقضية ملاك عندها سوابق مستحيل ايبقاو معاها البنات
سليم:عرفتي شكون مورا هاد القضية
إسراء:شكون
سليم:الوحش
إسراء:لا مستحيل انا مالي فهاد شي كامل صافي لقضية لصالح ملاك العلمي أ خويا هداك مامعاش لعب
سليم:هههه اودي اودي على القاضية
فهاد الاثناء دخل واحد لقاضي لمكتب رئيس المحكمة سليم
فارس:سلام
سليم:سي بنيس على سلامتك
فارس:الله ايسلمك
إسراء:اجي اش درتي مع مايا
فارس:كنا غادين نتزوجوا ولكن ماتت اكرام او اجلنا لعرس غالبا شهر الجاي غادي نديروه انشاء الله
سليم:اوا سربي باش نيت نتعرفوا على حبيبة
اسراء:انا اهم حاجة ا سي فارس الا ولدتي بنت غادي تسميها إسراء
فارس:راني واعدتك
(غانعرفكم على فارس او باحرى راكم عارفينوا هو لولد لي كايحماق على مايا او هو نفس القاضي لي حكم على نادية بافراج ههه راه ناصر هو لي دخل فالموضوع ديالها حيت فارس صاحبوا)
إسراء:عموما انا غادية نمشي عندي جلسة برادة دابا
سليم:اوا شوفي خدمتك
فارس:اه الجلسة ديال ناصر لحكم فالقضية لصالح شكون
إسراء:الام
فارس:راه ناصر غادي يقلب دنيا
إسراء:او ماشفتيش الا قلبها الوحش
فارس:اححح هداك مامعاهش اللعب الا دخل فالقضية غير حكم لصالحوا هههه
سليم:نوضي ا لالة شوفي خدمتك باركة من الهضرة
إسراء خرجات مشات لقاعة لي غادي يكون فيها ناصر او ملاك دخلات او بدات الجلسة لبنات كانت شادهم مها او يوسف جالس مورها كايشوف فيها او فحركاتها او عدنان كايضحك عليه بدات الجلسة
القاضية:بعد الجلسة الأولى لصلح تبين ان الطرفين راضين على طلاق ومنه تم الحكم بالطلاق على اساس حضانة التوأمتان مهربان برادة و ميرنا برادة لصالح والدتهما السيدة ملاك العلمي رفعة الجالسة
ملاك شوية او تسخف بالفرحة
اما ناصر فكسر دنيا بالغوات
ناصر:مستحيل راه كاين شي خطأ راه ماصلحاش تربي بناتي راها كانت مشدودة فالحبس
القاضية:قرار نهائي ا سي برادة اصلا الغوات او العصبية ديالك ماكايسمحوش ليك تاخد لحضانة ديال لبنات
ملاك مشات خدات بناتها من عند مها او هضرات معاها
ملاك:مها يالله تمشي لدارك
ناصر:مها ماعندها فين تمشي او ماتفرحيش بزااف حيت بناتي غادي ناخدهم منك
ملاك:دير لي بغيتي مابقيتش خايفة منك او بناتي ماغديش تاخدهم واخا تقتلني
يوسف:مها تمشي لدارك
مها:اه نمشي غانمشي
يوسف:يالله تحركوا خليونا نمشيوا
مها طارت على يوسف عنقاتوا او ناصر كايشوف فيهم بالمختصر دابا عرف ختوا شحال كاتبغي يوسف ليث هاد كان جاي لقا لقضية سالات ناصر تم خارج او هوا لحق عليه
ليث:شنو وقع
ناصر:حكموا لصالح ملاك
ليث:مستحيل لقضية فيها إن
ناصر:خاصنا بأي طريقة نرجعوا بناتي
ليث:او مها
ناصر:مها مشات معاهم
ليث:اووف هاد لبنت منين جابت هاد الغباء
ناصر:خاصني نرفع دعوة من جديد
ليث:او انا من جيهتي غادي نبحث فالموضوع
ناصر:خلينا نمشيو
*عند هاني
الخدامة:لالة طامو سي هاني هنا
دارت إشارة للخدامة باش دخلوا هاني دخل باس ليها رأسها او جلس
طامو:هاد تفكرتيني
هاني:راكي عارفة جاد سافر او مانقدرش نخلي ڨاليري بوحدها
طامو:كيف بقات هيا بعدا
هاني:صارحة على ودها علاش جيت
طامو:ياك لاباس
هاني:هي غيبوبة ضربها جاد لبارح
طامو:استغفر الله العظيم واش حماق
هاني:كون غير قنعتيه ايجيبها عندك نتي لوحيدة لتقدر تفاهم معاها
طامو:غادي نهضر معاه
هاني:كان تمنى غير تقديري ترديها كيف كانت
طامو:غير تدخل هنا عتابرها ولات مزيان
هاني:لهلا يخطيك علينا انا مافيا لي يمشي لدار غانطلع لفوق نرتاح
طامو:صافي نيت تونسني فالغدا
هاني:الا نعست بزاف فيقيني حيت الا تعطلت جاد يصفيها ليااا
*عند ملاك
ملاك:مرحبا بيك فدارك
مها:ههه شكرا
يوسف:مهم انا خارج
ملاك:خويا نهضروا شوية
يوسف:فاش
ملاك:مها واخا دخلي لبنات لبيت
مها:واخا حبيبة
مها دخلات لبنات او انا يوسف جلسنا فالطبلة
ملاك:خويا خديت قرار
يوسف:شناهوا
ملاك:غانقلب على خدمة
يوسف:واش حماقيتي انا مستحيل نخليك
ملاك:ولكن...
يوسف:سمعيني انا درت ليك خاطرك او رديت مها لدار فحتا نتي فهادي غادي ديري ليا خاطري
مها كانت خارجة او سمعات كولشي بدات تبكي او رجعات حدا بنات خوها او بقات تبكي او تهدر
مها:لحبيبة ديال عمتكم اهئ اهئ عمركم تحنيو راسكم لشي واحد خاصكم تكونوا بحال ماماكم او خالتكم اكرام ماشي بحالي أنا طيحت الدل على راسي او على عائلتي غادي نحماق على يوسف او هوا ماديهاش فيا كاع اهئ
فهاد اللحظة دخلت لعند مها لقيتها كاتبكي
ملاك:مها مالك
مها:والو
ملاك:كاتبكي او والو
مها:ملاك نسولك او جوابيني بصراحة
ملاك:على انا فين عمري كذبت عليك
مها:نتي لي ضغطتي على يوسف ايردني
ملاك:انا طلبتوا حيت نتي مادرتي والوا او اصلا هو توحشك بزااااااف غير لاوضاع تخربقوا دابا يرجعوا بحال اللول
مها:ماكنضنش خوك مابقاش حاملني لدرجة قبيلة عنقتوا كاعما حط عليا حتا يديه
ملاك:عادي ماتديش عليه
مها:ولكن...
ملاك:سيري ترتاحي
*عند جاد
جاد نهار كامل فالسبيطار مراقب ڨاليري حتا رجع عندوا هاني
هاني:كاين شي جديد
جاد:والوا باقا كيفما خليتيها
هاني:بففف تهورتي بزااف ماكانش خاصك تضربها او زعما راك عارف الوضع
جاد:صافي سكت
هاني:نهبطوا نشربوا قهوة نيت باغي نهضر معاك
جاد:اوكي
جاد او هاني هبطوا من بعد ماوصاو رجالهم يالله حطوا القهوة او هو يهبط واجد من رجالوا كايجري
الرجل:سي بنشيد لالة ڤاليري بدات تفيق
هاني:ها حنا طالعين
جاد او هاني رجعوا طلعوا كايجريو لعندها
نادين:سي جاد غير ايسالي طبيب الفحص غادي اينقلوها للغرفة حتال الصباح او نشوفوا واش نديوها لدار ولا تبقا مزال
هاني:شنو كانت ردت فعلها
نادين:فاقت عادي او ساكتة تاني
هاني:اوووف
نادين:سيروا تسناو فالغرفة
هاني:واخا
جاد مشا جلس شحال او هوما يدخلوها حطوها بلاصتها شافت جاد او هي تبدا تبكي او تغوت
ڤاليري:(بالغوات)عفااااك لا ماتضربنيش الله يخلييييك اهئ اهئ
هاني:تهدني واخا
ڨاليري:عفاك خرجوا براا غادي يضربني تاني اهئ اهئ
هاني:ماغاديش يضربك غير تهدني
ڨاليري:مانرجعش لديك الدار عفااااك
هاني:تهدني واخا او لي بغيتيها غانديروها ليك
جاد تعصب بزاااف خرج او زدح الباب جا الطبيب عطاها مهدء او نعسات حتال الصباح اما هاني فلحق على جاد
هاني:كاتخاف منك
جاد:بفف
هاني:جاد لحب ماشي هاكا
جاد:شنو لحل
هاني:نديوها عند الحاجة
جاد:لا
هاني:هي الوحيد لي غادي توقفها على رجليها هي الوحيدة لي تقدر عليها هاد نادين قالت خاص لي يعتني بيها او يخليها تشرب الدوا بارادتها باش جسمها ايتجاوب مع الدوا
جاد:حتا نفكر
هاني:مهم سير ترتاح او انا غانبقا هنا واخا
*عند يوسف
كوثر:فرحت بزااف فاش شفتك كنت كاتسناك بفارغ الصبر
يوسف:حتا انا
كوثر:يوسف غادي نتزوجوا
يوسف:انشاء الله
كوثر:كانتسنا داك النهار بفارغ الصبر
يوسف:كوثر غادي تصبري عليا نحل شي مشاكل
كوثر:مستاعدة نتسناك العمر كامل مهم تكون معايا
يوسف:خاصك تعرفي واحد الحاجة
كوثر:نتا مزوج
يوسف:اه
كوثر:كنت عارفها مي تسنيتك تقولها بفمك
يوسف:يعني خاصني نقنع مراتي بزاوج
كوثر:او الا مابغاتش
يوسف:غانطلقها
كوثر:كانموت فيك مهم انا غانمشي
كوثر باست يوسف من فموا غير مشات او بدا يمسح كره راسوا فديك اللحظة مهم لبنت لي معاه كوثر بنسودة بنت واحد تاجر مخدرات كبير او اكبر مزور بالمختصر هادي المهمة جديدة
*اصبحنا واصبح الملك لله
بدينا نهار من فرنسا عند ڨاليري لي بدات كاتفيق
هاني:صباح الخير
لاجواب
هاني:كيف بقيتي
ڤاليري:ماغاديش يضربني تاني
هاني:ماتخافيش
ڤاليري:مستحيل نرجع لديك الدار
هاني:غانلقا ليك حل
ڤاليري:ماغاديش نمشي ياك...
باقين كايهضروا او هوا يصوني ليه التلفون
هاني:وي جاد
جاد:كيف صبحات
هاني:شوية او صافي
جاد:الا خرجوها ديها عند الحاجة
هاني:هضرتي معاها
جاد:اه هضرنا لبارح فليل
هاني:الا خرجوها
جاد:راني وجدت ليها لبيت فيه كولشي غير خرجها
هاني:صافي واخا
جاد:فليل غانجي نشوفها
هاني:انشاء الله
*عند ملاك
ملاك:لغزالة ديال ماماها فقتي هههه
مها:صباح الخير
ملاك:صباح نور او الفطور
مها:فاقت مهربان
ملاك:اه حتا ميرنا فاقت مي رجعات نعسات
مها:بحال ديما
ملاك:يوسف فاق
مها:لا باقي
ملاك:مالواا
مها:دخل معطل فليل او نعس فالصالون
ملاك:لا عادي يمكن مابغاش يفيقك
مها:ايمكن
ملاك:اجي ندير ليك مكياج
مها:هههه حماقيتي
ملاك:انا غاندير كرينات
مها:هههه او انا شنو ندير
ملاك:تفرجي فيا
جلست بحال شي حمقة درت كرينات او تقابلت مع مها لي كاتموت بالضحك هزيت لمكياج او بديت نصبغ فوجهي
مها:حبيبة شفتي ماماك حمقة هههه
ملاك:انا غانخرج
مها:هاكا
ملاك:اه
مها:اوا الله يستر
يوسف دخل لقانا هكاك او يبدا يغوت
يوسف:واش ماكاين لا فطور لا والو
ملاك:مالنا خدامات عندك
مها:انا غانوجدوا دغيا
يوسف:صافي بلاش غانفطر براا
مها:لا لا جوج دقايق او يكون واجد
يوسف ماعبرهاش او دار كايهضر مع ملاك
يوسف:مالك على ديك التعكيرة فالبنفسجي
ملاك:او نتا مالك
يوسف:كيفاش مالي
ملاك:راه مراتك مشات لكوزينة دخل فيها اما انا بعيدة عليك بلا ماتخليني نبدا نطرطق عليك
يوسف:صافي انا خارج
ملاك:مها مشات توجد ليك لفطور
يوسف:تاكلوا بوحدها دااابا
*عند ناصر
ليث:زعما كون ماجيتش تبقا بلا فطور
ناصر:غايرجع اروى ايعيش معايا
ليث:مزيان احسن مادير
ناصر:اوووف عيت والله
ليث:لايام اللولة صعيبة مي غادي تنسا مع الوقت
ناصر:كانتمنى
ليث:رفعتي الدعوة
ناصر:اه راه تكلف المحامي
ليث:راني وصية رجالي ايبحثوا فالموضوع
ناصر:انشاء الله تكون شي نتيجة
*عند ڤاليري
هاني:يالله نمشيو
ڤاليري:عفااك مابغيتش نمشي
هاني:ماغاديش نمشيو لدار لقيت ليك بلاصة حسن غادي ترتاحي فيها
ڤاليري:مابغيتش شي واحد يهضر معايا واخا
هاني:كوني هانية شدي فيا مزيان
ڤاليري:ماقدرتش نوض راسي كايضرني بزااف
هاني:انا غادي نمشي نجيب شي كرسي متحرك
ڤاليري:شكرا
هاني خرج جاب كرسي متحرك لڤاليزي او هزها لدار مسافة الطريق او كانوا تما دخلها للبيت لقا الطبيب تما نادين او حتا الممرضة قادوها فبلاصتها علقوا ليها السيروم او داروا ليها الاوكسجين عطاوها مهدن فالسيروم او نعسات
طامو:نعسات
هاني:عطاوها مهدن
طامو:واش عايشة غير بالمهدن
هاني:اه حالتها صعيبة شافت جاد بدات تغوت مابغاتش ترجع لدار ولات كيف شي حمقة قالي طييب الا مارديناش معاها البال تقدر تقتل راسها
طامو:الله يحفظ
هاني:ردي معاها البال واخا
طامو:كون هاني
هاني:جاد غادي ايجي فالليل ايمكن يبات هنا
طامو:نيت توحشتوا
هاني:ماتخليهش ايدخل عندها واخا
طامو:كون غير بقيتي
هاني:ههه خفتي جاد يدخل عندها
طامو:صارحة اه او ماعندي جهد نبدا نتجار معاه
هاني:اووف هو مصر اينعس معاها
طامو:خايفة عليها والله هي نفسيا مريضة او الا زاد دار ليها شي حاجة غادي يكمل
هاني:لمشكل عندي خدمة مهمة مايمكنش نبقا خاصني نوجد شركة ڤاليري باش نهار توقف على رجليها من جديد تلقا كولشي واجد
طامو:اوا الله يوفقك ا ولدي
هاني:خليت ليك الراحة دابا
طامو:انا غانمشي نجلس حدا ڤاليري
هاني:خفتي ههه
الحلقة 165:
*عند ملاك
مها:اهئ اهئ
ملاك:غير ماتديش عليه
مها:تخنقت غادي نخرج
ملاك:نمشي معاك
مها:بلاش بغيت نرتاح غير خليني
ملاك:غير بشوية عليك بب
مها:كوني هانية
مها خرجات او انا بدلت عليا بكريناتي او مكياجي مابدلتهومش هزيت بناتي او مشيت عند عدنان غير شافني بدا يضحك
عدنان:وينوا على بنيتي صغيرة
ملاك:كيف جيت
عدنان:زوينة
ملاك:هه عويناتك
عدنان:لغزالات ديال خالهم
ملاك:اوا شفتي ا خالي توحشناك او جينا نشوفوك
عدنان:دار ديال مراكش واجدة
ملاك:امكن ناجل تسافيرة
عدنان:علاش
ملاك:اودي منين نبدا
ملاك خدات قهوة او جلسات تعاود لعدنان شنو طرا لمها
*عند مها لي خرجات مشات لبحر باقا كاتمشا حتا كايبان ليها يوسف جالس مع واحد خيتي او شاد ليها فيديه او كايضحكوا غير شافتوا طلعات مولاتي القردة لسطح او تمات غادا ليهم نيشان يوسف شافها تصدم وقف او شدها
مها:صافي هادي باش بدلتيني اش درت ليك انا اهئ اهئ غانقتلك كاتسمعني
يوسف:صافي شوهتينا
كوثر:يوسف انا غادي نمشي دابا
مها:غير سيري ولكن اخرتك غادي تكون على راك ماعارفاش راسك معامن
كوثر:نتي لي ماعرفاش راسك معامن
مها:صافي طلقني عليها
يوسف:صافي خلينا نمشيو لدار او من بعد او نتفاهموا صافي
مها:خويا غادي يقتلك منين ايسيق الخبار
يوسف:صافي تحركي سكتينا كولشي تفرج فينا
مها بدات كاتغوت بجهد لامر لي خلا يوسف ايهزها من شعرها او داها نيشان لطونوبيل الطريق كاملة كاتغوت او تبكي
مها:عطيني غير سبب واحد انا شنو درت ليك شنو الذنب لي درت بلاتي بلاتي بغيتك بحال شي حمقة نتا خاصك شي وحدة بحال خوتاتك وحدة ماتت او خلات راجلها غايحماق لحموا مابقاش كايحس بيه او لخرا خلاتوا كل ليلة ايبات سكران غير باش ينسا
يوسف:(بالجهد)صافي سكتي قطعي حسك مانسمعكش
مها:ماغاديش نسكت كانكرهك نتا او نهار عرفتك