حيدر: صدگ چذب خالة المحل كلة گدامچ اخذي وانتي مغمضة
ام شاهيناز: يا حبيبي فدوة العمرك هو اشتري منكم بس لو تاخذنة وياك تسوي فضل
حيدر: من عيني، شوكت تحبون نروح
ام شاهيناز: انتة شوكت متفتح احنة وياك
حيدر: يناسبكم ورة الغدة؟
ماريد اخذهم من الصبح خطية البنات متعودات ينامن لوقت متأخر
ام شاهيناز: اي خالة كلش زين
ورة الغدة راحن هنة يبدلن واني انتظرهن يم ابوية وعمي بالهول.. شوية ونزلن هية ومريم وبسمة.. تعجبت شو شاهي ماكو
گمت: ها خالة خلصتو
ام شاهيناز: اي حبيبي
ام حيدر: دير بالك عليهم
حيدر: وانتي يمة متروحين
ام حيدر: لا ماما اني هنا باقية يم شاهيناز وهم حتجيني المرة علمود ذني القطع
حيدر: وشاهي ليش متروح
ام شاهيناز: مابيهة حيل وتريد تنام البارحة منامت اختنگت ناسية دواهة وين وبقينة اندور عليه
حيدر: اااه؟ ليش ماگعدتوني
ام شاهيناز: لگيناه خالة ماكو داعي متقصر عيوني انتة
حيدر: دخل اشوفهة ضل بالي يمهة
ابو حيدر: داخذ الجماعة هسه من ترجعون شوفهة بابا'طيبة_الربيعي' 2
طلعنة بقة بالي يمهة.. بس انشغل فكري بهاي العوجة طالعة حلوة وشلون تتموع بمشيتهة.. شبية ماخذهة وياية اني شو صاير ماگدر عليهة.. لا والله يا مريم يرادلچ شوية عين حمرة يلة تعدلين.. 4
شاهيناز... بقيت الليل كلة اتگلب ميدخل الهوة لصدري اختنگت كلش.. شغلت الفلاش بموبيلي وطلعت جنطتي ادور عل بخاخ ماكو.. گمت ادور بين الغراض صحت ماما
ام شاهيناز: ها يوم شدورين
شاهيناز: دواية ماما ماكو مداگدر اتنفس
گامت مفزوعة: اسم الله بنيتي شبيچ، وين خليتي
شاهيناز: مداذكر وين خليتة بس اذكر آخر مرة حطيتة بالجنطة
گامت ادور وياية وعلة طگطگتنة صحو البقية.. اني گعدت وبابا يمسح علة ظهري وبسمة تهفيلي لان فعلاً اختنگت.. ومريم تباوعلي من بعيد وشفت الخوف والقلق بعينهة عاتبتهة بنظراتي.. فكرت شلون اذا متت هسه واحنة متخاصمين شلون ينطيهة گلبهة..
بس الحمدلله لگتة ماما بجنطتهة ماخذتة لان لاگيتة بالهول اني ناسيتة هناك..
سهرو وياية خطية ومريم منامت اسمعهة تتگلب.. بعد الغدة رحت نمت لان مشبعانة نوم وجسمي احسة نحلان..'طيبة_الربيعي'
صحيت علة دگة الفون اختي جوجو
شاهيناز: هلو جوجو
جيلان: هلو حبي شلونكم
شاهيناز: الحمدلله وانتي شلونچ حمودي نرجس ديلان شلونهم
جيلان: زينين بخير
شاهيناز: شو صوتچ مدري شلونة، بيچ شي؟
بچت.. اني سمعتهة تبچي انجنيت
شاهيناز: شبييييچ جووجو ليش تبچين
جيلان: ماكو شي بس تعاركت وية سروان
شاهيناز: ليش شصاير
جيلان: ايييه متعرفي شگد نحس وعقدة اگلة اريد انزل لاهلي ميخليني يگلي ننزل اني وياچ من افرغ
شاهيناز: ميخالف حبي متعرفي انتي ميگدر بدونچ موزين
جيلان: لچ حابسني لو وياه اطلع لو ماكو، ذاك اليوم اهلة اجوي علينة امة وخواتة يريدون ياخذوني وياهم معزومين علة عرس اقربائهم مخلاني لان مختلط، حتة امة حچت عليه'طيبة_الربيعي'
ضحكت: وانتي ضايجة علمود هاي؟ اويلي لو عندي مثلة ابقة يمة ماعوفة لحظة
جيلان: شووف هاي عبالچ حلو هيچ؟ الغيرة الهة حدود مثل ما الحرية الهة حدود، بس الاخ يخلي احدود للشي الي يعجبة
شاهيناز: ميخالف حياتي، تريدين اني اخابرة احچي وياه؟
جيلان: لا يمعودة اني الاوگع بيهة، هسه هو طالع گلي ارجع اطلعچ بس اني زاعلتة وهو ضاج وعصب
شاهيناز: اويلي احب العصبي
ضحكت: شوف اني لمنو احچي
شاهيناز: ضحكي حبي الدنيا متسوة، عندي حچي بگلبي من اجي احچيلچياه
جيلان: شوف راح تخليني ابقة افكر، انطيني خيط من الموضوع عالاقل
شاهيناز: اووف يا جيلان شفت فارس احلامي ومدايطلع من بالي ابد
جيلان بفضول: منوووو
شاهيناز: صديق حيدر، بس دير بالچ جوجو ماوصيچ مو يطلع هل حچي گدام اي احد حتة خواتي
جيلان: لا ميطلع لتخافين، من تفرغين احچيلي دنشوف منو امة داعية عليه
زعلت: هااا
ضحكت: اشاقة عمري، شفايتلة الياخذچ اكثر واحد محظوظ بالدنيا
شاهيناز حب: برأيچ؟؟
جيلان: والله، اصلاً بس طيبة گلبچ وحنيتچ كافية، وحلوة ومثقفة وواعية بعد شيريد فارس الاحلام اكثر من هذا
شاهيناز: اووف يا جوجو لو تدرين شگد شاغل تفكيري 5
دخل بابا: ها بابا گعدتي
گمت: اي بابا وداحچي وية جيلان
جيلان: انطينيا بلة'طيبة_الربيعي'
انطيتة الفون يحچي وياهة واني سرحت بخيالي الي وداني لعندة.. كلشي ماريد غيرك.. والله اكون اسعد وحدة بالدنيا..
