شاهيناز: تعاي جيلان وگعت بمصيبة
جيلان: يمة اسم الله فهميني شكو
شاهيناز: حيدر عرف بعلاقتي بذو الفقار
شهگت: عزة العزاچ شاهيناز شلون عرف ولچ
شاهيناز: تعاي قبل لتجي ماما الله يخليچ ماريدهة تشوف حالتي
جيلان: جاية الله ياخذني واخلص منچ انشاءالله 2
سديتة وقرفصت نفسي عالسرير ابچي بحرگة مابيدي شي حسيت نفسي مربطة ومنتظرة فضيحتي توصل لاهلي.. اجتي جيلان سمعت صوت امي وياهة.. اوف اجتي ماما..
گمت فتحت الباب طفيت الضوة ورجعت عالسرير تغطيت سويت نفسي نايمة.. سمعت صوت ماما وجيلان اجوي لغرفتي.. جيلان گالت روحي يوم ارتاحي تعبتي هسه اني اگعدهة..
راحت ماما وخرت الغطة.. جيلان اجتي گعدت يمي.. حضنتهة ابچي واشهگ'طيبة_الربيعي'
جيلان: اوف ياربي اوف اوگفي خلي اسد الباب
سدتة واجتي حضنتني.. شبگتني وبدت تسمح علة شعري مسألت شي لحد ما هدأت بس داخلي مالة هدوء
تركت في داخلي فوضى عارمة.. لا هي ناراً لتنطفئ ولا جليداً لتذوب.. فقط فوضى لا سكينةَ لها..
ابتعدت عن حضنهة.. مسحت دموعي
جيلان: هسه فهميني علة راحتچ، شلون عرف ذو الفقار حاچي شي؟
شاهيناز: لا 1
حچيتلهة.. عصبت علة مريم
جيلان: هاية انجنت اكيد وصايرة متنجرع، اني اعلمهة 3
رادت تگوم لزمت ايدهة
شاهيناز: لا عوفيهة هية هم حقهة اني كاتبة اسم حيدر عليه اكيد تفتهم غلط
جيلان: تفتهم غلط تجي تسألچ مو تفضحچ انتي اختهة، شلون شافتهن وموبيلچ بصمة
شاهيناز: ماعرف يجوز لو اني نايمة وفاتحتة لو تعرف الرمز
جيلان: شبيهة اخرفت، انتي اختهة شلون تشك بيچ، زين حيدر شلون تشك بي عندة علاقة وياچ كلنة نعرف علاقتچ بحيدر اخوية من الصغر، وهو يموت عليهة يعوف كل البنات ويلعب علة بنات عمة مستحيل
شاهيناز: ماعرف جيلان هسه اني مصدومة بذو الفقار
جيلان: ليش
بچيت ودنگت: طلع خاطب
جيلان بصدمة: شنو
شاهيناز: والله. خاطب حيدر گال، قشمرني شاهي اني سمحتلة يقشمرني شافني سهلة'طيبة_الربيعي' 1
غطيت وجهي فشلانة من نفسي ومنهة
جيلان: الله ينتقم منة اذا هيچ، اششش انتي مالچ ذنب انتي حبيتي حب طاهر هو المفروض يبچي علة رجولتة الصارت بالگاع
شاهيناز: احبة جيلان شسوي متتصورين شگد گلبي محروگ هسه، كذب علية خلاني اعيش حلم وردي
حضنتني: حسبي الله عليه وعلة كلمن يكذب علة بنت الناس ويقضي وقت تسلية وياهة 3
باتت يمنة ورزلت مريم بس وحدهم بالغرفة.. خابرت حيدر ميرد گتلهة عوفي خلي يبرد حقة يعصب حقة يذبحني همينة.. دگ فوني جيلان يمي.. ذو الفقار
شاهيناز: هذا هو
جيلان: جيبي
شاهيناز: شراح تگوليلة
جيلان: جيبي معليچ
ردت عليه
جيلان: مرحبا.. اني اختهة.. يمي.. مانطيكياهة بأي عين متصل عليهة؟ لك خاطب وتكذب عليييهة.. شتبرر انتة دمرتهة.. بنات الناس مو لعبة والسويتة اكبر حرام.. لو ما حيدر انتة تبقة ضام عليهة تسلاية ماخذهة
