بسمة: عفية خلي اضوگ هاية الفنگرس يگولون حلوة وطيبة
عثمان: يمعودة هستونة طبينة لا معدتچ تگلب من تصعدين
شاهيناز: مو هسه بسمة صحيح كلامة نفسچ تلعب
بسمة: بس اشتهيتهة
حيدر: عوفوهة شعليكم منهة، تعاي ياهية
بسمة بفرح: هنا
دخلنة اشتريتلهة البقية مرادو يريدون يركبون الملاعيب.. بين مادفع اجت شاهيناز وگفت بصفي وتحچي بهمس'طيبة_الربيعي' 1
شاهيناز: اسمعني، هسه خلي بيني وبينك مسافة حتة نشوف ردة فعلهة من اني وياك ومن اني مبتعدة عنك وانتة كذلك لتحشگ نفسك بية وتصير لزگة جونسون
حيدر: نعال عليچ اني لزگة جونسون لو انتي، ماشي 3
سويت مثل ما گالت شاهي.. ومريم لحد الآن طبيعية عالاقل تضحك وتشارك.. ركبنة چم لعبة وبالركبة الثالثة يصعدون ثنين ثنين.. شفت بسمة وشاهي ركضن گعدن سوة.. وعثمان وميسر گعدو سوة ضلينة بس اني وياهة واگفين..
شاهيناز... ومثل متوقعت مريوم طبيعية بتصرفاتهة ومو ضايجة.. اتفقت وية بسمة نگعد سوية هية هم حاسة بحب حيدر بس متدخل ابد متحب تدخل بشي ميعنيهة.. والأگلهة عليه تگلي اي ابد مجادلني..
شفت نظراتهم تتداول ما بيننا اريد اضحك بس لزمت نفسي.. باوعت لحيدر خلة ايدة ورة رگبتة وگام يحك مثل الاثول.. هسه غير يشغل عقلة ويگعد ويگعدهة يمة!! من اگول اثول ماانلام 1
ميسر: يللةةة تاخذون خيرة
عثمان: مريوم تريدين اني اگعد يمچ؟؟
حيدر: خليك مكانك لك
حيدر... باوعت المريم واگفة عاقلة واني الواگع بيهة 1
مريم بفهاوة: عفتني وحدي شبيچن'طيبة_الربيعي'
بسمة: لعد حيدر ممغزر، هسه راح تبقون واگفين يلة حيتحركون
ابو اللعبة صاح يلة راح اشغل تصعدون لو لا.. باوعتلهة
حيدر: صعدي يلة
باوعتلي وبعدين ركبت واني ركبت بصفهة.. هية اللعبة تافهة بس الظاهر شاهي الهة بيهة غاية.. اني مرتبك لان گاعدين چتف طاخ بچتف للمرة الاولى اكون يمهة بهل قرب..
اشتغلت اللعبة وبدت تتحرك.. طبينة بنفق ظلمة وبس اضوية حمر مشتعلة.. وبدت شوية شوية تسرع بس مو ذيچ السرعة.. بربچ شاهي مصعدتني لعبة رومانسية!! هية مال رومانسية بهل زلگ.. 6
باوعت لأيد مريم تفرك بيهة ومرتبكة يمكن اكثر مني.. بلة اني اول تالي ارتبك واني رجال شگد عيب.. يلة كلشي يهون لعيونهة..
مرت دقيقة او يمكن اقل بدة الارتباك يختفي مني.. اني مركز علة ايدهة وشلون دايرة وجههة لو مدنگة بس ابد متجي عينهة باتجاهي..
تشجعت وقويت گلبي اليذوب مثل الجليد يمهة..
قربت ايدي وخليتهة علة ايدهة حسيت برجفتهة وگبل باوعتلي
همستلهة: لتخافين اللعبة عادية، واني گاعد عاقل مراح اسويلچ شي 2
هية ضلت ترعش وايديهة بردن وحتة النفس گطعتة.. بگد ما چنت انجذبلهة من تنظرلي صفح انجذبتلهة اضعاف من حسيت لمسة مني اثرت عليهة ودمرتهة..'طيبة_الربيعي'
