احببتك دون ان اراكى... للكاتبة كوثر محمد...

7

  الحلقة السابعة
------------------
فى منزل عاصم
راويه ولوچى مع سمراء على الفون
راويه:- السلام عليكم
سمراء:- وعليكم السلام ورحمه الله
راويه:- اخرتى ليه يا سمورة
سمراء:- معلش يا حبيبتى خلاص قربت اخلص اهو وجايه عالطول
راويه:- لوچى زعلانة وعايزة تكلمك
سمراء بضحك:- هاتى اكلمها
راويه:- اهى معاكى
لوچى:- ازيك يا ثملاء(سمراء)
سمراء:- ياقلب ثملاء ازيك انتى
لوچى:- انا زحلانه منك يا ثملاء
سمراء بضحك:- ليه بس يا قلبى
لوچى:- عثان انتى مش جيبى ثكولا للوثى
(علشان انتى مجبتيش شكولا للوچى)
سمراء:- ياه دا انا وحشه اوى معلش يا قلبى هجيب شكولاته كتيييييير وانا جايه علشان لوچى ومتديش راويه منها
لوچى:- ههههههه ماسى مس هدى ياويه منها وتضحك
( ماشى مش هادى راويه منها)
راويه تاخد منها الفون وتقول لها بضحك طيب هاتى الفون بتاعى بقا
راويه:- انتى كدا بتدلعيها اوى يا سمراء
سمراء:- يا ستى خليها تدلع برحتها هو احنا عندنا غيرها
راويه:- ماشى يا ختى المهم جايه امته
سمراء:- مش هأخر ان شاء الله
راويه:- تيجى بالسلامة ان شاء الله يلا سلام
سمراء:- مع السلامه
-------------------------------------------
فى شركة الشرقاوى ( سمراء مع محمود بيه)
سمراء:- حضرتك عملت اجتماع امبارح من غيرى خير ايه السبب
محمود:- لا عادى مافيش حاجه انا بس تعبان شويه ومش باجى كتير وعلشان مافيش حاجه تتعطل عملت ليكى توكيل بأدارة الشركة علشان تعرفى تتصرافى فى اى حاجه فى عدم وجودى
سمراء:- واشمعنا انا حضرتك مأخترتش حد تانى ليه
محمود:- علشان انتى أهل للثقه ومش ممكن اثق فى حد غيرك
سمراء ؛- انا مش عارفة اقول ايه
محمود:- متقوليش حاجه انا عملت اللى شايفه صح واعملى اللى انتى عايزاة انا عارف انتى بتعملى ايه وكل حاجه انتى بتعمليها انا موافق عليها وهاتى الباصات اللى انتى عايزاها
سمراء:- حضرتك ما سيبتليش فرصه اتكلم
محمود؛- مافيش كلام خلاص انا قولت اللى عندى وبعدين دا وقت مؤقت على ما ابنى يرجع ان شاء الله وهو يستلم كل حاجه
سمراء:- يرجع بالسلامة ان شاء الله ...........تمام حضرتك كل شئ هيكون تمام ان شاء الله حضرتك أطمن
محمود :- انا مطمن طول ما انتى فى الشركة
سمراء:- ربنا يجعلنى دايمآ عند حسن ظن حضرتك
محمود:- انا كدا خلصت كل حاجه انتى اعملى الباقى وامشى وانا كمان ماشى
سمراء:- مع الف سلامه يا فندم وسلامى ل سميحة هانم
محمود:- يوصل ان شاء الله ......سلامه عليكم
سمراء:- وعليكم السلام ورحمه الله
----------------------------------
فى مكتب سمراء:-
----------------------
سمراء:- تعالى يا ناهد عايزاكى
تدخل ناهد:- تحت امرك
سمراء:-عرفتى محمود بيه عمل ايه
ناهد:- لسه عارفة من شويه الخبر مالى الشركة
سمراء:- وانتى ايه رائيك
ناهد:- والله انا شايفة أنك تستهلى كل خير
سمراء:- انا خايفة اوى
ناهد:- خايفة من ايه ان شاء الله
سمراء:- من أعداء النجاح انا عارفة ان فى ناس هنا بتكرهنى
ناهد:- طول ما انتى ماشية صح ولا يهمك من اى حد
سمراء:- ربنا يستر...خدى الورق دا اديه ل استاذ مصطفى انا مضيته خليه يقبض الموظفين
ناهد:- اوك انتى هتمشى ولا لسه شويه
سمراء:- لا انا همشى خلاص لوچى هتموتنى
ناهد:- ههههههه عسل البنت دى وحشتنى اوى
سمراء:- خلاص تعالى معايا تشوفيها ونتغدا سوا
ناهد:- لا خليها يوم تانى لسه ورايه شويت شغل
سمراء:- خلاص ماشى يلا سلام عليكم
ناهد:- وعليكم السلام
------------------------------------------
فى منزل عاصم
جرس الباب يرن
--------------------------------------
راويه:- حالآ جايه اهو .... وتفتح الباب سمورة ادخلى بسرعة الاكل على النار
سمراء وهى تغلق الباب:- انتى لسه بتعملى الاكل
راويه.فى المطبخ:- لا انا خلصت بس دى طلبية جات على غفلة والبنات مشيوا
سمراء:- اساعدك فى حاجه
راويه:- لا انا خلاص خلصت حضرى انتى السفرة قبل ما عاصم يخرج من الحمام
سمراء:- هو عاصم جيه
راويه:- لسه جاى من شويه
سمراء:- امال لوچى فين مش شايفاها
راويه:- أكلت من شويه نامت
سمراء:- انا هحضر السفرة واصحيها
راويه:- لا بلاش يا سمورة انا مصدقت انها نامت خلينا نعرف ناكل برحتنا من غير صداع
سمراء:- حرام عليكى بقا لوچى صداع
عاصم:- دى لوچى الصداع نفسه
الكل يضحك
سمراء:- حرام عليكم انتم الاتنين
عاصم:- المهم فين الاكل انا واقع من الجوع
سمراء:- اتفضل دخل دا على السفرة
عاصم:- كمان هشتغل معاكم
سمراء:- عجبك ولامش عجبك
عاصم:- هجبنى يا ستى خلاص احسن تمنعينى من الاكل
الكل يضحك ...........راويه:- طول عمرك يا حبيبى مسيطر عليها
عاصم:- ماشى ياست راويه بتهدى النفوس
تدخل لوچى:- انا صحييييت
الكل يضحك..................... عاصم:- اهلا بالصداع
لوچى:- بزعل ثملاء جبتى ثكولاته( سمراء جبتى شكولاته
سمراء:- اه يا حبيبتى جبتها فى التلاجة
لوچى:- هاتى يلا
سمراء:- لاء بعد الغدا يلا ناكل الاول وبعدين الشكولاته
لوچى:- ماسى( ماشى)
راويه:- يا سبحان الله سمراء مسيطرة على البيت كله
الكل يضحك ويبداؤ الأكل
-------------------------------------------------
تانى يوم فى امريكا
فى شركة سيف
-----------------------------------بعد الترجمة
سيف:- اهلآ وسهلآ أنسة الين
الين:- اهلآ مستر سيف
سيف:- اتفضلى...........................كنتى عايزانى ليه
الين:- انا عندى فوج كبير عايز يسافر مصر
سيف:- وليه انا بالذات ما فى شركات كتير و اكبر مننا كمان
الين:- بس انا حابة اتعامل مع الشركة بتاعتك انت
سيف:- وانا يشرفنى العمل معاكى بس انا مسافر النهاردة
الين:- مسافر...ً................مسافر فين
سيف:- مسافر مصر
الين:- وامته راجع
سيف بتعجب:- لا مش عارف انا هزور اهلى والاستاذ رامى ممكن يتابع معاكى
الين:- لا انا هستنا لما انت ترجع
سيف:- برحتك اللى يريحك بس انا اسف انا لازم امشى عندى طيارة كمان ساعة
الين:- اوك انا همشى واشوفك لما ترجع مع السلامة
سيف:- مع السلامه
بعد انا خرجت
سيف:- رامى تعالى عايزك
رامى :- خير ياسيف فى حاجه وكانت عايزة ايه دى
سيف:- سيبك منها انا مش مرتاح لها
رامى:- ليه فى ايه
سيف:- مش عارف بس لو جات تانى اتصرف معاها المهم متقبلش شغل معاها
رامى:- مع انى مش فاهم حاجه بس اللى تشوفه
سيف:- مش مهم تفهم دلوقتى يلا سلام
رامى:- انت ماشى دلوقتى
سيف:- ايو علشان معاد الطيارة خلاص يادوب الحق
رامى :- توصل بالسلامة وسلامى لمصر واهلها
سيف:- مش عايز حاجه ابعتهالك
رامى:- ربنا يخليك يا صاحبى ما انت عارف انا مليش حد هناك
سيف:- اوك اشوف وشك بخير
رامى يحضنه مع السلامه
ويمشى سيف
------------------------------------
فى شقة سامر وسيف
-------------------------
سامر:- يلا يا سيف هنتاخر على الطيارة
سيف:- طيارة ايه اللى هنتاخر عليها دى تباعنا يا عم
سامر:- طيب يا عم المهم يلا بقا
وبعد قليل وصلوا الى المطار
وبعد ما ركبوا الطيارة
سيف :- بقولك ايه يا سامر
سامر:- قول يا عم
سيف:- انت عارف طبعآ انت عارف فرق التوقيت بين هنا وهناك
سامر :- ايو عارف عايز ايه من الاخر
سيف:- عايز اقولك ان احنا هنوصل هيكون النهار طلع يعنى ماسمعش صوتك لحد ما نوصل
سامر:- ومين قالك انى هكون معاك
سيف:- يعنى ايه امال هتكون فين
سامر:- يعنى انا هنام لحد ما نوصل وانا اللى مش عايز اسمع صوتك مفهوم
سيف:- بضحك مفهوم يا صاحبى
وبعد وقت طويل جدآ
تعلن الخطوط الجوية المصرية عن وصول الرحلة رقم(............)القادمة من الولايات المتحدة الامريكية
سيف:- حمد الله على السلامة يا سامر
سامر:- الله يسلمك يا سيف
سيف:- فى حد مستنيك
سامر:- لا انا مقولتش لحد على معاد الوصول قولت اعملها مفاجئة
سيف:- تمام تعالى اوصلك الاول وبعد كدا اروح انا
سامر:- انت فى حد مستنيك
سيف:- اه انا كلمت السواق يجلى من غير ما حد يعرف
سامر:- اوك يلا بينا
سيف:- يلا ......بعد ما ركبوا العربية
سيف:- انت ساكن فين
سامر:- ساكن فى (.................)
سيف:- ياااااه دا انت ساكن قريب اوى
سامر:- بضحك ليه انت ساكن فين
سيف:- مش بعيد قريب منك ساكن فى(............)
سامر:- بضحك دا احنا على كدا جيران بقا
سيف:- دا يسعدنى يا صاحبى
سامر:- انا اكتر يا صاحبى
وبعد وقت ليس بطويل
يوصل سيف وسامر الى منزل سامر
سامر:-ايو هنا احنا كدا وصلنا
سيف:- حمدالله على السلامه يا صاحبى
سامر:- الله يسلمك اتفضل معايا شويه اعرفك على اهلى
سيف:- لا معلش خليها مرة تانية علشان ألحق الباشا قبل ماينزل
سامر ؛- ماشى يا صاحبى خلينا نشوفك
سيف:- ان شاء الله مع السلامه
سامر:- مع الف سلامه
بعد رحيل سيف يتجه سامر الى شقة سمراء
فى شقة سمراء جرس الباب يرن
سمراء:- حاضر جايه يا راويه .........تفتح الباب وتصوت عااااااااااا سااااااااامر تحضن فيه وتبوسه
سامر:- وحشتينى اوى اوى يا حبيبتى
سمراء:- انت اكتر يا حبيبى وحشتنى موووووت اخيرآ يا سامر
سامر:- اخيرآ ياسمورة ايه احنا هنفضل على الباب كتير
سمراء:- لا طبعآ ادخل انا مش مصدقة انك قدامى معقول انا مش بحلم
سامر:- لا يا حبيبتى مش بتحلمى انا اهو قدامك
سمراء:- انا مش هروح الشغل النهاردة هفضل معاك
سامر:- لا مافيش داعى النهاردة خليها بكرة لان انا هنام طول اليوم من التعب
سمراء:- خلاص يا حبيبى ادخل نام انت وانا هروح ساعتين كدا وارجع تانى مش هتاخر
سامر:- اوك اللى يريحك.....ام صحيح الواد عاصم مش هنا ولا ايه
سمراء:- اه صحيح دا انا نسيته هو اكيد لسه منزلش دا هيفرح اوى ثوانى انا هروح اقوله
سامر:- لا خليكى انتى انا هروح اعملوا مفاجئة هو كمان
سمراء:- اوك وانا هروح أكمل لبس
سامر عند شقة عاصم يرن الجرس
راويه:- افتح يا عاصم دى اكيد سمراء علشان بلبس لوچى
عاصم:- حاضر جى يا ازعاج انتى( يفتح الباب)
عاصم:- فى زهول ومش مصدق وفاتحه فمه
سامر:- ايه هتفضل مزبهل كدا كتير ولا ايه
عاصم:- هو انت انت ولا انا بيتهيائلى
سامر:- لا انا هو انا يا عصومى.... بعد الحضن
عاصم:- حمدالله على السلامه يا سامر
سامر:- الله يسلمك يا عاصم
عاصم:- ادخل ادخل دى راويه هتفرح اوى لما تشوفك
سامر:- اه صحيح هى عاملة ايه
عاصم:- الحمد لله هنادى عليها حالآ
عاصم:- راويه يا راويه
راويه:- فى ايه يا عاصم
عاصم :- تعالى شوفى مين جيه
راويه:- مين يعنى اللى جيه
راويه بعد ما شافت سامر
راويه:- مش معقول سامر حمدالله على السلامه ايه المفاجئة الحلوة دى
سامر :- الله يسلمك انتى عاملة ايه
راويه:- الحمدلله تمام انت عامل ايه وايه اخبارك
سامر:- الحمد لله كل تمام امال البنت لوچى فين وحشانى اوى بنت الايه
روايه:- حالآ هجبها انا كنت بلبسها للمدرسة
سامر:- ادا هى كبرت اوى كدا ودخلت المدسة
عاصم:- لا ياعم دى لسه فى كى چى السنة الجاية هتدخل سنة اولى
سامر:- ما انا بقول معقول الغيبة طولت اوى كدا
عاصم:- هى من ناحية طولت فهى طولت اوى
راويه:- سلمى على عمه سامر يا لوچى
لوچى:- ثامل( سامر) مين
عاصم:- اخويا واخو انطى سمراء
لوچى:- انت اخو بابى واخو ثملاء ( سمراء)
سامر:- هههههههههههه اه انا اخو ثملاء حلوة اوى ثملاء دى
لوچى:- انت اثمك ثامل( اسمك سامر)
سامر:- اه اسمى ثامل هههههههههههه
لوچى:- انت حو اوى زى ثملاء
سامر:- انتى اللى عسل وسكر كمان ويفضل يبوس فيها
لوچى:- ههههههه وانت تمان( كمان)
سامر:- ماشاء الله ربنا يخلهالكم
راويه وعاصم:- ربنا يخليك
عاصم :- عقبال ما نشوف عيالك
سامر:- ان شاء الله......... طيب اسيبكم انا علشان هموت وانام
عاصم:- اتفضل وانا هرجع من الشغل بدرى ونفضل نرغى للصبح
سامر:- ماشى وانا هستناك يلا سلام