احببتك دون ان اراكى... للكاتبة كوثر محمد...

20

  احببتك دون ان اراكى
.............................. بقلم #كوثرمحمد
الحلقة العشرون(20)
.............................
نرمين وهى ماشية بتبرطم
نرمين:- بكل غيظ........ ان ما فركشتش الجوازة دى مابقاش انا نرمين
وهى ماشية تخبط فى مها
نرمين:- مش تاخدى بالك
مها:- سورى بس انتى مالك فى ايه
نرمين:- وانتى مالك انتى
مها:- مش يمكن اساعدك
نرمين:- تساعدينى فى ايه
مها:- انك تفركشى الجوازة
نرمين:- دا انتى واخدة بالك منى اوى.....انتى مين
مها:- انا مها وبشتغل فى شركة الشرقاوى
نرمين:- وطبعآ شكلك بتحبها اوى
مها:- فوق ما تتخيلى
نرمين:- احنا الكلام هنا مش هينفع احنا لازم نتقابل
مها :- اوك انا تحت امرك
نرمين:- هاتى رقمك وانا هكلمك ونتفق على معاد
......وتبادلو الرقم وكل واحدة مشيت على بيتها
...............................................
سيف و هو بتكلم مع سمراء
سيف:- بقولك ايه
سمراء:- بكسوف........ قول
سيف:- هو انتى حلوة كدا ليه
سمراء:- تتكسف وتسكت وتبص للارض
وهنا يأتى سامر
سامر:- ايه يا عصافير الحب الناس مشيت
سيف:- مش انا بقول برضه.......هادم اللذات
سمراء:- تضحك وتتكسف
سامر:- يا عم الايام جايه كتير بس خلى بالك منها وايك تزعلها والله انسا انك صاحبى واعمل عليك حما اه انا بقولك اهو
سيف:- يبص الى سمراء ........دى فى عنيه .....بس اطلع انت منها
سامر:- ماشى يا عم ربنا يهنيكم
سيف:- المهم. انت كنت مختفى فين محدش كان شايفك
سامر:- وانت مالك يا رخم ما تخليك فى اللى معاك
سيف:- هى الحكاية وصلت لكدا ماشى بس انا فهمت
سمراء:- بس انا مش فاهمة حاجه
سامر:- يضحك.... عجبك كدا اهى مش هتسكت
سيف:- وانا مالى ياعم انت وهى حرين مع بعض
سامر:- يعنى عملتها وخلعت منها
سيف:-وهو بيضحك.......... ما تقول كنت فين واخلص
سامر:- مش هريحك هقول ل سمراء لما نروح
سيف:- وسمراء هتقولى.....مش كدا يا سمرائى
سمراء:- اول ما يقولها كدا تبص له وتتكسف
سيف:- ايه مالك ......مش هتقولى ولا ايه
سمراء:- وهى وشها قلب على طماطم.....اقول ايه
سيف:- تقولى اللى سامر هيقولوا
سمراء:- لو هو عايزنى اقول هقول لو مش عايز خلاص مش هقول
سيف:- يضحك...... حلوة الفزورة دى
سامر :- خلاص بقا يا سيف انا هبقا اقولك بس بعدين واسكت بقا
سيف:- ماشى يا عم..... المهم انا هعدى عليكم بكرة اخد سمرائى نخرج شوية
سامر:- برحتك ياعم تيجى فى الوقت اللى يعجبك.....بس ايه سمرائى دى اسمها سمراء انت نسيت ولا ايه
سيف:- لاء يا عم منسيتش ....انت تقول سمراء.... انا اقول سمرائى هى بتاعتى انا تبقا سمرائى
سامر:- ماشى يا عم برحتك.... يلا يا سمرائى😉 علشان نمشى
سيف:- بغيظ .......بقولك ايه يا سامر مش عايزين نخسر بعض متقولش سمرائى تانى انا بس اللى اقولها كدا ماشى
سامر:- بضحك......خلاص ياعم انا بهزر معاك انت هتقلب ولا ايه خلاص نشوفك بكرة يلا سلام قبل ما تتحول
سمراء:- بضحك وكسوف.......يلا يا سامر تصبح على خير يا سيف
سيف:- يا لهوى هو انا اسمى حلو كدا
سامر:- بقولك ايه احنا هنمشى علشان كدا مش هنخلص
سيف:- طيب خلاص انا هعدى عليكم بكرة الساعة 2 بعد الضهر
سامر:- خلاص هنستناك يلا سلام
سمراء:-هما فين راويه وعاصم
سامر:- رواحوا من بدرى علشان لوچى نامت
سمراء:- طيب يلا سلام يا سيف وسلم على ماما وعمى
سيف:- الله يسلمك يا قلبى
سامر:- احنا كدا هنبات هنا
سيف:- ياريت والله
سامر:- يلا يا عم تصبح على خير............ويأخد سمراء ويمشى
...........وبعد ما الكل مشى
سيف:- بتنهيدة...........الحمدلله اليوم عدا على خير
........................................................
تانى يوم الصبح كان يوم اجازة للكل......والكل نايم من التعب والسهر
تستيقظ سمراء على رنة الفون
سمراء:- وهى نايمة...... السلام عليكم
سيف:- وعليكم السلام ورحمه الله وبركاته...... انتى لسه نايمة ولا ايه
سمراء:- وهى لسه نايمة......انت مين عالصبح كدا
سيف:- وهو يكتم ضحكته......... انا جوزك يا سمرائى
سمراء:- تتنفض وتفتح عنها وتنظر الى الهاتف ......... انا...انا لسه ما هو انت اصلن لا مش انت اصل انا
سيف:- يضحك بكل صوته......طيب اهدى خلاص انا بس حبيت اصبح عليكى واقولك....... صباح الفل على احلى عيون فى الكون كله
سمراء:- وشها يحمر.......وتقول صباح النور
سيف:- صباح النور بس........ ماشى لينا كلام مع بعض... يلا فوقى كدا واجهزى
سمراء:- اجهز ليه فى حاجه
سيف:- صبرنى ياربى.....يا حبيبتى مش متفقين امبارح هعدى عليكى النهاردة ونخرج سوا
سمراء:- بخجل .........بس انا كنت فكراك هتيجى متأخر
سيف:- بنبرة صوت عالية شوية...... سمرائى الساعة 1ونص الساعة 2 تكونى جاهزة
سمراء:- حاضر حاضر
سيف:- يرجع لصوته الهادى........انا اسف انى عليت صوتى يلا متأخريش ....سلام يا حبيبتى
سمراء:- لا ترد
سيف:- سمرائى انتى معايا
سمراء:- هاااااا اه اه معاك
سيف:- بخبث...........طيب انا كنت بقول ايه
سمراء:- بكسوف ......... طيب مع السلامة علشان ألحق اجهز
سيف:- بضحك من خجلها......... طيب مع السلامة وانا نازل اهو
..............ويغلق الهاتف
...............................
وبعد ان اغلقت سمراء الهاتف ...... وهى مازالت على وضعها
سمراء:- هو ايه دا اللى بيحصل وعقول اكون لا لا مش ممكن لا دا باين كدا انا بحبه باين كدا معقول
....... وتفوق من شرودها على صوت الفون يعلن عن وصول رسالة وتجدها من سيف
الرساله:- انتى لسه على السرير قومى يلا انا قربت اوصل
....... تقوم تجرى على الحمام وتتوضاء وتصلى فرضها وتلبس وتجهز بسرعة رهيبة فهى لا تقف امام المرايا غير لكى تلف الحجاب وبعد ان تنتهى تسمع طرق على الباب
سمراء:- ادخل يا سامر
سامر ؛- بعد ان دخل..........صباح الخير يا حبيبتى
سمراء:- صباح الفل يا حبيبى
سامر:- سيف وصل انتى جهزتى
سمراء:- بخجل..........انا جهزة
سامر:- يقبل جبنها .......ماشاء الله عليكى ربنا يحفظك ويسعدك يارب......يلا
سمراء:- وقلبها يدق بصوت عالى............. طيب روح انت وانا جايه وراك
سامر:- ماشى...................ويخرج سامر
سمراء ...تاخد نفس طويل وتخرجه
سمراء:- فى نفسها يارب خليك معايا وتخرج. ........تجد سيف مع سامر .............. وتقول....... السلام عليكم
سيف:- بأعجاب وعليكم السلام ورحمه الله وبركاته....... ايه الجمال دا كله
سامر يضحك ......وسمراء تخجل وتبص على الأرض
سيف:- بخبث...... هو انتى فى حاجه وقعت منك
سمراء:- بتعجب تنظر له ......... لاء ليه
سيف:- اصل انتى بتبصى على الأرض قولت يمكن فى حاجه وقعت منك ادور معاكى
سمراء:- بخجل .......... لاء اصل انا يعنى
سامر:- يقطع كلامهم...... انتو هترجعوا الساعة كام
سيف:- برحتنا عندك مانع
سامر:- يرفع يداه الاثنين علامة الاستسلام......... لاء وانا اقدر بس علشان اعرف هتغدا مع مين هنا ولا عند عاصم
سيف:- واحنا مالنا ما تتغدا فى اى مكان .....احنا هنتغدا ونتعشا ونتصحر كمان بره ايه رايك..........ويرفع صباعه فى وش سامر....... واياك ايااااااك تتصل تزعجنا اكمن انا عارفك مزعج ......ويقرب من سمراء ويمسك ايديها ويخرج بيها وهى مصدومة من كلامه مع اخوها........وسامر عمال يضحك على تصرف سيف........... ويخرج بيها من المنزل ويتجه الى السيارة ويفتح لها باب السيارة ويقول لها اتفضلى وتركب سمراء معه بدون وعى ويتجه سيف الى الجها الاخرى ويركب وينطلق بالسيارة....... وفى الطريق
سيف:- انتى هتفضلى ساكتة كدا كتير
سمراء:- لاترد ولا تسمعه
سيف:- سمرائى انتى روحتى فين ويهزها سمرائى
سمراء:- ها انت كنت بتقول حاجه
سيف:- بضحك....... كنت بقول وحشتنى
سمراء:- تتكسف .......وتنظر الى الاتجاه الاخر من السيارة
سيف:- يبتسم من خجلها ويقول لنفسه
معقول فى كدا
سيف:- تحبى تروحى فين
سمراء:- ها بتقول ايه
سيف:- بقول تحبى تروحى فين
سمراء:- مش عارفة
سيف:- طيب انتى فطرتى
سمراء:- تهز راسها بمعنى لاء
سيف:- خلاص احنا نروح نأكل الاول وبعد كدا بقا
سمراء:- وبعد كدا ايه
سيف:- بعد كدا دى بتاعتى
......... ونسبهم مع بعض ونروح مكان تانى
......................................
ونروح مكان تانى كله شر
نرمين:- ميرسى اوى انك جيتى
مها:- دا من دواعى سرورى
نرمين:- نتكلم فى المهم. ......... انتى ممكن تسعدينى ازاى ...... وانتى عايزة منها ايه
مها:- بنظرة خبث وحقد.......... انا اللى يهمنى انى ازحها من الشركة كلها
نرمين:- ليه هى عملت فيكى ايه
مها :- بخبث...... هى اخدت مكانى فى الشركة المفروض ان انا اللى اكون فى مكانها فى الشركة
نرمين:- طيب وانا هستفاد ايه
مها :- انا هساعدك انك تتخلصى منها كمان وسيف يبقا ليكى لوحدك
نرمين:- ازاى بقا وهتعملى ايه
مها :- هقولك هنعمل ايه
..........ونسبهم مع شطانهم يكلهم
........................................
ونروح عند سامر يتكلم فى الفون
سامر:- عاملة ايه
.......:- الحمدلله . .....انت عامل ايه
سامر:- الحمد لله .....فكرتى فى الكلام اللى قولتلك عليه امباح
........:- لسه
سامر:- ليه هو فى حاجه مش عجباكى
........:- لاء انا مقولتش كدا بس انا محتاجة وقت افكر
سامر:- خلاص خدى وقتك وردى عليا علشان عايز اقول ل سمراء
........:- انت لسه مقولتش لها
سامر:- لاء مش لما انتى تردى عليا
........:- اوك ماشى يلا سلام بقا
سامر:- مع السلامه
................................................
عند راويه وعاصم
راويه:- عصومى
عاصم:- نعم يا حبيبتى
راويه:- روح شوف سامر وسمراء هيجوا يتغدوا معانا ولا ايه
عاصم:- انا شايف سمراء نازلة مع سيف من شوية
راويه:- ربنا يهنيهم طيب انده سامر يجى
عاصم:- حاضر يا حبيبتى
............. ويروح عاصم ينادى على سامر
...................................................
ونرجع تانى الى سمراء وسيف
وبعد ما كل واحد فيهم عرف كل حاجه عن التانى
سيف:- ممكن اطلب منك طلب
سمراء:- اتفضل
سيف:- انا عايزك تعتبرينى كل حاجه بالنسبالك.....يعنى انا ابوكى واخوكى وصاحبك وابنك كمان .....عايز اى حاجه تحبى تتكلمى فيها تكون معايا انا.... ... لو فى حاجه مزعلاكى تيجى وتقوليلى انا مش حد تانى حتى لو زعلانة منى انا برضه تيجى تقوليلى
سمراء:- ولو انا زعلانة منك اجى اقولك ازاى
سيف:- لو انتى زعلانة من سيف جوزك ودا عمره ان شاء الله ما هيحصل اشتكى ل سيف العاشق وهو يجبلك حقك
سمراء:-بكسوف...... طيب لو سيف العاشق هو اللى مزعلنى اشتكى لمين
سيف:- يوم ما سيف العاشق يزعلك اعرفى ان دا اخر يوم فى عمرى
سمراء:- بعد الشر عليك
سيف:- بحب......صدقينى يا سمرائى انا عمرى فى يوم ما حبى ليكى هيقل لان انا......احببتك دون ان اراكى
احببتك دون ان اراكى
حين سمعت عنك
احببتك دون ان اراكى
احببتك وانا لا اعرف عنك
سوى اسمك
احببت كل من يحكى عنك
كل من يذكر اسمك
اسمك الذى ابهرنى
فكيف يكون شكلك
ووجهك كيف يكون
هل انتى سمراء مثل
كما هو اسمك ام ماذا
هل مجرد ان اسمع عنك احبك
فكيف احبك دون ان اراكى
فهل تحبينى يا ملاكى
بقلمى ( #كوثرمحمد )
سمراء:- بدون وعى.......... بحبك جدآ
سيف:- ينظر لها بحب ويمسك ايديها....... بموت فيكى
..........................................