احببتك دون ان اراكى... للكاتبة كوثر محمد...

18

  احببتك دون ان اراكى
............................بقلم #كوثرمحمد
الحلقة الثامنة عشر
.........................
سمراء فى غرفة العمليات وسيف امام باب الغرفة
عمرو :- اطمن يا سيف ان شاء الله هتخرج بالسلامة
سيف:- ببكاك......انا السبب يا عمرو هى قالت لى مانزلش من العربية وانا اللى اصريت عليها علشان تنزل انا السبب انا السبب
عمرو ؛- وهو يرتب على كتفه.....اهدا كدا ايه الكلام اللى انت بتقوله دا ....دا كل شئ بتاع ربنا
سيف:- ببكاك......ونعم بالله بس انا اللى كنت مقصود بالرصاصة دى كان لازم اكون انا مكانها
عمرو:- اهدا بس كدا يا سيف وان شاء الله هتكون بخير ...... تعالى احكيلى على كل اللى حصل
سيف:- احنا كنا فى العربية وبعدين............ ويحكى سيف ل عمرو على كل اللى حصل معاهم
وبعد وقت طووووويل خرج الطبيب من غرفة العمليات ويجرى عليه سيف
سيف:- بلهفة .....طمنى يا دكتور هى عاملة ايه دلوقتى
الدكتور:- هى الحمدلله كويسة بس هى محتاجة نقل دم علشان نزفت كتير وفصيلت دمها نادرة ومش بتقبل اى فصيلة
عمرو:- بسرعة......... انا فصلتى بتدى اى فصيلة ممكن تاخد منى اللى انت عايزه
الدكتور:- تمام اتفضل معايا
.....وبعد شوية نقلت سمراء الى العناية المركزة
وممنوع الدخول عندها وتم تعليق الدم لها بيد وباليد الاخرى بيها محاليل
حاول سيف الدخول عندها ولكن مانعه الطبيب
وقال له
الدكتور:- اول ما حالتها تستقر هنقلها فى غرفة عادية اطمن
سيف:- طيب امته هتتنقل
الدكتور:- بس نطمن على حالتها ونخرجها من الرعاية عالطول
سيف:- امرى إلى الله
وبعد حاوالى ساعة تحسنت حالت سمراء ونقلت الى غرفة عادية ومازال معلق لها المحليل فى ايدها وفى الايد الاخر معلق لها الدم
دخل سيف الاول عندها قبل عمرو حتى يطمئن عليها ووجدها نائمة وشعرها مفرود تحت راسها فحاول ان يغطى شعرها بأى شئ فوجد حجابها بجوارها فوضعها بطريقة عشوائية حتى يستطيع عمرو ان يدخل
........وبعد شويه دخل عمرو
عمرو:- هى عاملة ايه دلوقتى
سيف:- لسه نايمة
عمرو:- طيب انا هروح اجبلك حاجه تكلها او حاجه تشربها
سيف:- لاء يا عمرو شكرآ انا مش عايز حاجه
عمرو:- يعنى انت هتفضل كدا .....هى مش حاسة بحاجه اوم شوف مكان ارتاح فيه شوية انت برضه تعبان
سيف:- لا يا عمرو انا هفضل جمبها لحد ما تفوق
عمرو :- بأستسلام ............طيب برحتك.... اتفضل خد الحجات دى جبوها من عربيتك
سيف:- شكرآ يا عمرو
عمرو:- على ايه بس دا واجبى برضه وبعدين انا اللى لازم اشكرك على اللى عملته
سيف:- انا معملتش حاجه اى حد مكانى عنده وطنية كان هيعمل كدا واكتر واهى فى الاخر المسكينة دى هى اللى شالت الليلة
عمرو:- طيب انت مش هتكلم حد من اهلها
سيف:- ياااه دا انا نسيت خالص زمان سامر قالب الدنيا عليها
عمرو:- سامر مين دا
سيف:- سامر اخوها............ ويأخذ الهاتف ليكلم سامر
سيف:- ادا الفون فاصل شحن معقول كدا
سامر:- طيب خد فونى اتكلم منه
سيف:- ما انا مش حافظ الرقم
عمرو:- طيب شوف فون سمراء
سيف:- فكرة برضه........ويأخذ شنطتها ويبحث فيها عن الفون ويجده ويبحث عن رقم سامر ويطلبه
سامر:- يرد........الو ايو يا سمراء انتى فين
سيف:- بصوت ضعيف بعض الشئ.......... انا سيف يا سامر
سامر:- بتعجب وخوف على اخته.......سيف انتوا فين وفين سمراء مش دا تلفونها هى فين
سيف:- اهدا بس يا سامر من فضلك
سامر :- اهدا ....اهدا ازاى يعنى انا بقالى اكتر من 5ساعات وانا مش عارف حاجه عنكم.....انتوا فيييين
سيف:- احناةفى مشفى(..............)
سامر:- بغضب وخوف اكتر.......ايه مشفى ليه هى سمراء جرارها حاجة ولا ايه
سيف:- هى بخير الحمد تعالى انت بس وهتعرف كل حاجة
سامر:- انا جى حالآ ......ويغلق الهاتف دون ان يسمع الرد من سيف
وبعد ان اغلق الهاتف حكى ل عاصم وراويه ما دار بينه وبين سيف
عاصم:- انا جاى معاك يلا بينا
راويه:- وانا كمان جايه معاكم
عاصم:- لاء خليكى انتى علشان لوچى
راويه:- لوچى مع البنات وهيأخدو بالهم منها يلا بقا علشان مانتأخرش
سامر:- خلاص يا عاصم يلا بقا ......... ويذهبوا الثلاثة الى المشفى
...........................................
وبعد شوية وقت وصل كل من سامر وعاصم وراويه الى المشفى سأل سامر عن غرفة سمراء وصعدوا الثلاثة اليها دخلوا الى غرفتها ووجدوها نايمة على السرير وسيف يجلس على الكرسى بجوارها
سامر:- يجرى على سمراء
سامر:- سمراء انتى كويسة
سيف:- سيبها يا سامر هى لسه ما فقتش
سامر:- وهو يجذب سيف من قميصه وبصوت عالى.......هى مالها انت عملت فيها ايه ما تقول اتكلم ساكت ليه
عاصم:- وهو يشد سيف من يده........ اهدا بس يا سامر هو انت مديه فرصه يتكلم........احكى ياسيف ايه اللى حصل
سيف:- ويحكى على كل شئ حصل معاهم من اول ما خرج من باب الشركة الى ان كلم سامر فى الفون......وهو دا كل اللى حصل
سامر:- بغضب......انت عارف لو اختى حصلها حاجة انا مش هرحمك
عاصم :- يعنى هو ذنبه ايه
سامر:- بغضب ............هى كانت معه يعنى هو المسئول عنها واللى المفروض كان يحميها........واعمل حسابك انا بسحب كلامى معاك انا لا يمكن اجوزك اختى
.....لسه سيف هيتكلم سمعوا صوت سمراء تتكلم بصوت ضعيف
سمراء:- سااامر ...سااامر
سامر:- بفرحة وقلق.... سمراء انتى كويسة حاسة بايه فى حاجه تعباكى
سمراء:- بصوت ضعيف......... انا كويسة الحمدلله
........سيف لسه هيتكلم يقاطعه سامر
سامر:- انت تخرس خالص ما اسمعش صوتك كفايه اللى حصل
سمراء:- بصوت مازال ضعيف............سامر سيف ملهوش ذنب انا كنت عارفة ان كل دا هيحصل
.... .......الكل بأستغراب ......... ازاى يعنى
سمراء:- هو دا تفسير الحلم اللى كنت بحلم بيه
سيف:- مش معقول انتى كمان حلمتى بنفس الحلم
الكل ينظر الى سيف بعدم فهم
سامر:- وقد هداء بعض الشئ........... انا مش فاهم اى حاجه واحلام ايه اللى انتوا بتقولوا عليها
راويه:- يا جماعة مش وقت الكلام دا المهم نطمن على سمراء الاول
الكل :- عندك حق
سامر:- بس انا مش هرتاح غير لما اعرف ايه الحكاية
سيف:- طيب تعالى معايا ونطلع برة شوية علشان سمراء ترتاح شوية وانا هحكيلك كل حاجه
.........ويخرج سامر مع سيف ويخرج معهم عاصم
ويبداء سيف يحكى لهم عن الحلم
..................................
فى فيلا الشرقاوى بعد ما سيف اتصل ب ابيه وحكى له عن كل ما حصل
سميحة:- ببكاء.............. خدنى معاك يا محمود انا عايزة اطمن على الولاد
محمود:- تيجى معايا فين بس يا سميحة
سميحة:- هاجى معاك المشفى انا لازم اطمن عليهم
محمود:- اطمنى يا سميحة هما دلوقتى مافهمش حاجة وسيف طمنى انا بس هروح اشوفهم واطمن بنفسى واجيب سيف واجى عالطول
سميحة:- ببكاء شديد......يا حبيبتى يا سمراء كان مستخبيلك دا كله فين
محمود:- الحمد لله انها جات على قد كدا ربنا قدر ولطف وبكرة ان شاء الله تقوم بالسلامة
سميحة:- ان شاء الله طمنى اول ما توصل ولو سمراء بتقدر تتكلم خليها تكلمنى علشان اطمن عليها
محمود:- ان شاء الله............. ويذهب محمود الى المشفى
..........................................
وبعد كام يوم وسمراء لسه بالمشفى وكل يوم سيف يفضل عندها من اول ما يصحه الى ان يغادر فى منتصف الليل وراويه تأتى اليها فى الصباح بعد ان تذهب لوچى الى مدرستها وتفضل معاها الى ان يأتى اليها عاصم يطمئن على سمراء ويأخذ زوجته ويذهبوا بعد ان يأتى سامر لانه لا يغادر المشفى الا ساعتين عندم تأتى راويه يذهب الى المنزل يدوش ويغير ملابسه ويعود مرة اخرى الى اخته ويظل معاها الى تانى يوم وهكذا
سمراء:- سامر انا زهقت وعايزة اروح البيت انا مش بحب المستشفيات
سامر:- حاضر يا حبيبتى بكرة ان شاء الله هكلم الدكتور وهشوف هيقول ايه
سمراء:- بأستسلام....... امرى الى الله
سيف:- سامر لو سمحت عايز اتكلم مع سمراء على انفراد دا اذا سمراء سمحت طبعآ
سامر:- اذا كانت هى موافقة انا معنديش مانع ........ ها ايه رايك يا سمورة
سمراء:- بخجل.....تهز رأسها بمعنى وافقة
سامر:- خلاص انا هخرج برة اجيب حاجة من الكفتريا واجى مش هأخر
سيف:- ياعم روح بقا انت لسه هترغى
....ًوبعد ان خرج سامر
سمراء:- بكسوف ووشها الى الارض كنت عايز تقول ايه
سيف:- بارتباك......انا كنت يعنى عايز بقول لو يعنى
سمراء:- بتعجب...... كنت عايز تقول ايه
سيف:- سمراء انا .....انا
سمراء:- انت ايه
سيف:- بسرعة..... انا بحبك وعايز اتجوزك
سمراء:- بخجل وكسوف وتبص للارض .....طيب ما احنا شبه مخطوبين
سيف:- بس المرة دى بطلب ايدك منك انتى وانتى دلوقتى عارفة عنى كل حاجه ولو انتى مش موافقة ان احنا نكمل مع بعض قولى
سمراء:- بكسوف......طيب مش لما اخرج من هنا الاول
سيف:- هو انتى مش موافقة عليا لو انتى مش موافقة قولى وصدقينى انا مش
سمراء:- بكسوف...... لا انا مقولتش كدا انا بس بقول يعنى
سيف:- بفرحة....... يعنى افهم من كدا انك موافقة
سمراء:- تكسف وتسكت
سيف:- خلاص انا هجهز كل حاجه على ما تخرجى من المشفى نعمل الخطوبة عالطول
سمراء:- بس مش لما اخف الاول
سيف:- بخبث........هو انا بقول هنتجوز انا بقول خطوبة الاول ....مع انى موافق على جواز عالطول ويغمز لها😉
سمراء:- تتكسف وتسكت ووشها يحمر وتحط وشها فى الارض
....وهنا يدخل سامر بعد ما يخبط على الباب
سامر:- انا بقول كفايه كلام كدا
سيف:- ادخل يا هادم اللذات
سامر:- يانهارك مش فايت هى وصلت لللذات دا انا هموتك......ويضح الجميع
سيف:- انا كنت عايز اعمل الخطوبة بعد سمراء ما تخرج عالطول
سامر:- دا اللى هو ازاى يعنى هو احنا جهزنا حاجة مش فى حجز مكان وكوافير وفساتين وبدل والكلام دا كله غير كروت الدعوة
سيف:- كل الكلام دا مش هياخد غير يومين وبعدين انا لو سمحتوا انا يعنى كنت حابب اعمل الخطوبة فى جنينة الفيلا عندنا واسعة وهتنفع دا اذا كنتوا موافين يعنى
سامر:- الرأى رأى سمراء هو اللى مهم فى الموضوع دا
سيف:- ينظر الى سمراء ويقول لها ..........ها ايه رايك يا سمراء
سمراء:- بخجل...... انا معنديش مانع دا علشان خاطر ماما سميحة
سيف:- بفرحة....... خلاص انا هخلص كل حاجه من بكرة وبعد كدا نتفق مع بيوتى ونروح نحجز كل حاجة الفستان ولاوزمه والكوافير وكل حاجه هتكون من مكان واحد علشان سمراء ما تتعبش
سامر:- خلاص اللى تشوفه انا المهم عندى سمراء تكون مبسوطة
..................................