احببت جارتي

احببت جارتي ... صدمه

#أحببت_جارتي# .
البارت الاول .وال٢ .وال٣
غدير وسام
احيانا كثيرة القدر يخبئ لنا ماهو جميل  .. نبقى ننتظر لكن لانعرف ماننتظر  ولاعما نبحث  حتى يصبح امامنا حينها نيقن ان هذا ماكنا  نبحث عنه ...
اسمي همام اشقر  ضخم  صاحب عيون خضراء     عشت حياتي والبنات  تزحفلي من اني صغير   بس طبيعتي جدا ثكيل وابد ماعندي علاقات ولابحياتي عجبتني بنيه  احنا عائلتنا تتكون من 6نفرات والدي والدتي واثنين بنات  انسام  وايام   واثنين ولد اني  وسلام  احنا كلنا ملونين وشكران  لان امي وابويه اولاد عم   والدي قاضي والدتي مدرسه    بدت قصتي لمن طلعنا من بيت  جدي واشترينا بيت خاص بينا  بمنطقه شعبيه  جنا ضايجين لاان حنترك منطقتنه  واصدقائنه    بس باول يوم  نرتب بلغراض  وندكت الباب  طلعت شفت بنيه ناعمه   لابسه عباية راس  وبيدها صينية اكل
كالت اهلا وسهلا احنا جيرانكم   بيت ابو  محمد هياتنه  الحايط على الحايط وهذا غداكم وشتحتاجون  صيحو من السياج او دكو للباب  اني انسطرت بحياتي  ممنشد لبنيه بهلشكل  ظليت ساكت واباع عليها شلون خلقه حنطيه وعيونها سود ملابسه ربطه جوة العبا والشعر نازل  اسود والركبه مرمر جانت لابسه كلادة ذهب عين بركبتها   كلت بنفسي حقج  اني بمكانج اشيل ام سبع عيون   هي خجلت  كالت تفضل  اخذت منها الاكل شكرا عيني ليش زحمتو نفسكم كالت لا عيني رحمه اترخص
دخلت الاكل  وكلتلهم هذا من الجوارين  امي جانت مضايقه من المنطقه لان اغلبها من غير طائفتنه
امي ....والله هم يفتهمون بلاصول  
ابويه .... شلج بهلحجي  بيت ابو محمد خوش ناس من جنت ارمم بلبيت متركوني وشحتاج يجيبولي
اني ضليت الوب شلون اشوفها   كلساع وكتلهم كملتو اكل دنرجع الماعين 
امي....شبيك  هسه نكمل ورجعهم
رحت اخذتلي فرة بلبيت شفت غرفه بلطابق الثاني  يعني اشوف كراجهم منه
همام...... يوم الغرفه  هاي اليه
الام ......كيفك حبيبي منو تعجبك رتب اشيائك بيها بعدين همام.... هاي شنو ماكو مي
الام..... مكطوع والماطور ممشكلي بعد
همام ... لعد اشوف جيرانه اجيب منهم 
دكيت بابهم وادعي هي تفتحلي  وفعلا فتحته
همام..... مساء النور
ابتسمت مساء الخير تفضل
ماكو مي بلبيت
اي عيني  هسه  انطيكم الصوندة مال المي وخلصو شغلكم  ثواني كتلها لحضه انتي شسمج  كالت اني سناء  وطلع رجال كال شكو
سناء .....ماكو عمو بس  يردون مي
ابو محمد ديله انطيهم وطبي
سناء صار
بعدين اجتي امهم وجابت سناء وبعد بنيه اكبر منها مبينه واجو يم امي يساعدوها   اني لزكت بلبيت
اباوع الهة بنيه مرتبه وسباعيه متطلب احد  يساعدهة .تشتغل وحدهة وسكته   احساس غريب من اباوع عليه عمري محاسه  تجاه اي بنيه رغم شفت اللحلى والارتب وهنه جانن يتقربن مني يامه صديقات خواتي اقربائنه  رادو ..ااباوعلهم بس مجنت انطي مجال  همي التهي بدراستي واحقق حلمي اصير ضابط .  هي تعرفت على خواتي وساعدتهم شلون نادرة وترتب  واريحيه  وكملت ويا البنات وراحت . بليل اجيت على وئام اكلج 
همام....هلو ..  صارت عندج صديقات
انسام ..... بس سناء  ذيج منى محبيتها
  همام ....ليش
انسام .. مادري  تخبث على سناء خطيه  
همام ... يله خوات غير عادي
انسام ..  ولك ياخوات  سناء جنتهم  مرت ابنهم
#أحببت_جارتي#
البارت الثاني
غدير وسام ...
همام  .....انجنيت صار سنين مالي علاقه بلبنات .والحب  ومن انعجب ببنيه تطلع مزوجه  لا وانوب طلعت مواليد اختي انسام  اكبر مني ب6اشهر لان اصغر من اختي بشهور بس مولدين نفس السنه  حاولت ابعد نفسي عنها مالكه نفسي الى مرابط بشباك غرفتي واباعها  تغسل الطرمه لو ترتب  حديقتهم  وتعرفت على زوجها جان حباب بس  ماحبيته وحسدته جانو هواي متعبيهة وتشتغل  ومرات اشوفها تكعد بلحديقه تبجي  انقهر عليهة صارت هي وانسام  صديقات مرات يسولفن  من السياج واني اتفرج من الغرفه بلى ميحسن حبيت .اراقب كلشي بيهة . وحفظت كل حركاتهة  حتى ملابسهة اعرفهن واحد  واحد   وبقيت على هلوضع  سنتين وحبهة  بزيد
مينقص بس ابد محسستهة بحبي ولابينته الهة  اني جنت طالب اعداديه وجنت اريد ادخل كليه عسكريه  فالتهيت بلدراسه  الى ان صار  سقوط بغداد  وهمة
را .  تركو بيتهم وراحو يم اقاربهم   احنا ايضا   رحنه لديالى وبقينه فترة ماعرف عنها شي  الى ان  استقرت الاوضاع رجعنا لكيتهم راجعين قبلنه  وضليت الوب اريد اشوفها مشتاقلها  تحججت  اريد مي  ودكيت بابهم  طلعتلي  منى ومشفتها   بعدين رجعت   صعدت للسطح شفتهة  تنظف فدوة لايدج ولطولج  بعدين اتغيرت الاوضاع بدو اقاربنه يكولون اطلعو من المنطقه لان انتو من طائفه ثانيه .بس مهتمينه وصلنا تهديد للبيت   لازم نترك المنطقه  والدي مقبل  كال هاي بلبله وزحزحه لامان الوطن لازم مننطيهم مجال    وفعلا بذيج الفتره انشر ضاهره المقاطعات لازم كل طائفه تحتكر منطقه وتكون حرم على الطاىفه الثانيه .اشياء بعمرنه مسمعنه بيهة ولاعرفنه عنهة وامي تبجي متريد تبقه وعشنه برعب والجيران كلهة رفضت احنه نطلع وكالو اذا يلزم الامر احنا ندافع عنكم
بس صار الي مو بلبال والدي انخطف من طلع من المحكمه ...  وبعدها بايام لكينا مقتول اني   حسيت الدنيا تحطمت انحرمت من سندي بلحياة  والدي الانسان الشريف  ينقتل وبطريقه  وحشيه وتعذيب بطريقه مستحيل تكون بشريه .مكسره كل عظامه لابل مطحونه .معالم وجهة مختفيه  وحتى بتيزاب حاركين . اطرافه باي ذنب وشنو الي ارتكبه منعرف .من رحت حتة اتعرف عليه اني وعمامي ومجموعه من الجوارين .  شفت اشياء متخطر بال بشر وطرق تعذيب مريعه ماراحت من بالي الي حاركي زالي قاطعين راسه  واشكين بطنه ومخيطي  علي من رجعت بعد  مدفنته   التمو الجوارين على امي واخواتي واني عيني على سناء تمنيت ابجي بحظنهة   وهي جانت تباوعلي ومقهورة وتبجي   خلصت ايام عزا والدي بيت جدي ومقبلو نرجع للبيت ابد وعرضو للبيع  اني متحملت افقد اعز اثنين بنفس الوقت  بس عائلتي جانت محتاجتني  ورضخنه للامر وبعنا البيت واشترينا بمنطقه ثانيه ومنطقتنا الثانيه جان مجرد المرور من يمها انتحار  انقطعت اخبار سناء عني  ودمرت بهلفترة بس توجهت لدراستي  وطلعت كليه عسكريه وهنا والدتي عارضت  ورفضت رفص قاطع#أحببت_جارتي#
البارت الثالث
غديروسام 
والدتي كانت ناويه تترك العراق لان تخاف علينه
امي .. .. همام متدخل كليه عسكريه نسافر لسوريه وادخل اي كليه تعجبك
همام لو كليه عسكريه لو انسي ماكمل دراسه هذا حلمي وانتي تعرفين شنو الغيرج هسه
اك
امي...مو اني تغيرت الوضع بلبلد العسكري  والقيادي مستهدف  واني ممستعدة اخسرك مثل ابوك
همام ... الاعمار بيد الله هاي الناس دتروح بلانفجارات  
الام ..لا يعني لا
همام طابت من عمامي وخوالي يدخلون وبصعوبه اقتنعت وقدمت وانقبلت   وتقريبا الاوضاع تحسنت وبديت اتردد على المنطقه   واتمنى المحها بس ابد وبيوم دكيت بابهم  فتحته سناء   فرحت كالت اشلونكم اخباركم والدتك والبناة كتلها كلنا بخير  انتي اشلونج
سناء الحمد لله عايشين
همام ..زوجج اشلونه
سناء .....جرت حسرة كالت على حطت ايدك  تفضل جوة اصيحلك الولد 
همام..... اي والله ولو شفت الي جاي اشوفه ابتسمت  ودخلت   وظليت فترة اتردد وماعرف شنو مصير هالعلاقه  وهي من طرف واحد لان سناء ابد موبالهة انسانه وفيه ومحترمه    تخرجت  وتعينت وبعدني اتردد عليهم  الى ان بفترة سمعت انو محمد زوج سناء  مقتول  رحت اتاكد وفعلا جان  الخبر صحيح وجبت البنات ياخذون من خاطرها وصيت انسام تجيب رقمها اني حجيت لانسام ..عن مشاعري  لان لفترة احتاجيت شخص احجيله  وفعلا جابته ... صح اني يمكن   حرام احجي هلشي لكن حياتي جانت بوفاة محمد  اني تغيرت وكبرت وزدت وسامه ومنصبي وضعي زاد   اهتمام بنات واشكال يجوني واقربائنه هنه يخطبن نفسهن لامي وامي بدت تلح بشغلة الزواج اخواتي احلام اتزوجت وانسام انخطبت   واحتاريت اشلون اتواصل ويا سناء واعترف بمشاعري  وبمرة جنت افتر بلمنطقه كلعادة واني عندي اصدقاء واكف وياهم وشفت سناء طلعت من بيتهم وضعها مخربط وتبجي لحكتها بلسيارة
.همام ...سناء ..شبيج تعالي اصعدي ..صعدت بدون نقاش وتبجي
اسمي سناء  ...  بشرتي حنطيه وعيوني سود  وشعري جوزي طويل   احنه عائله جبيرة واحنا 9بنات  و4ولد وجانت يابنيه تجي قسمتهة ينطوها واني اجو عليه ناس من طرف وحدة من خواتي المزوجات  وزوجت وشفت الظيم اكرب وخدمه ومحد راضي  ومحمد الي هو زوجي طلع  عاجز   وسكتت لان  بدايه زواجي مافتهم شنو علاقهزوجيه بين رجال ومره   ومنكبرت وبديت افهم  حجبت لامي انصدمت بس بعدين  مقبلت وكالت اكيد اله علاج .  والطب بدا يطور ومن هذا الكلام قنعتني لازم  ارضه بقسماي  واسكت ماعندة   بنيه تتطلك   وهو حباب مااذاني بشي بس ضعيف اهله يمسحون بي الكاع مايحجي واني تعلمت شكيت مرة مرتين ماشفت تغير كمت اسكت وابلع ومرت سنين واني بديت  اكبر واحلى     واهله يعيروني بلخلفه  ولزمني مرة وكال كولي الصوج بيج متخلفين وفعلا  هذا الي صا ر جان اتسان مريض  وهذا  زاد  عليه فوك الحسن شامه  .امه موتتتني تكومني  العاجر وتكعدني العاجر لو الفكر .   الى ان نسيت اسمي   بعد فتره انقتل محمد واني صح اتاذيت علي عشرة سنين بس حسيت خلصت من سجنهم  واصرو اكمل العده يمهم وبعدهة .ظو يلمحون ياخذوني لحمايه . 
ابو محمد... سناء انتي بتنه وعرفتي ذبتنه ومانريد نخسرج  راح ناخذج لحماج   مازن  طبعا مازن مزوج ماصارله فترة ومرته حامل
سناء.... عمو شنو ازوج مازن لا طبعا   وبعدين هو مزوج
الاب ... الشرع حلله اربعه
سناء ... شنو هالتفكير لا اني مازوج 
الاب مو كيفج  .احنا راح نفاتح اهلج بلموضوع
سناء ... شوف لتتفاتحهم ولابطيخ  مو كلتو نخسر خدامه خليها تخدمنه  ونكفخ بيها ومتحجي  جربت عباتي وطلعت وامشي واشوف همام  بسيارة كال اصعدي سناء منو وياج  ..همام ارتاحله واحبه مثل اخويه لان هو بعمر اخويه الاصغر مني   صعدت ويا وابجي
همام..... شبيج احجي ..  والله احرك الدنيا  لاتكفريني صارساعه ساكت
سناء ... ولك حملت الضيم سنين  وساكته وادك بايدي على حلكي لاطلعه ولاطبه ومذله وتالي  لمن خلصت يريدون يرجعوني  للضيم
همام ..منو مافتهمج
سناء ... يردون يزوجوني  لمازن  والطم
همام وكفت السيارة وصافن شنو هلكلام اخسرها مرة لاخ  لا
لايمكن  اسمح يصير هذا الشي