احببت جارتي

النهايه .

#أحببت_جارتي#
البارت الثاني عشر والاخير
غدير
  سناء بقيت بلغرفه ماطلع وهمام يجيبلي الاكل  من برة  بس محد من عدنا تنازل للثاني ولاتصالحنه يراقبني واراقبه بس  منبين لبعض . حيل اتاذيت من صدك . بحجيهم . وماصدكني .اني  اذا احد اجه وحجه عليه ماصدك لو اشوف بعيني    يامه امه سمعتني كلام راد فلانه وحب علانه ابد ماسمعته لان اعرف يحبني  هاي ثاني مره ميصدكني .وياخذ بلظاهر.  حزت بنفسي هواي  والي زاد لعبان النفس .عليه  والخمول .خلصت  الايام كلهة نوم  عوضت ايام التعب لو مازعل همام  وياي اعتبر هاي الايام احله ايام لان مرتاحه من الشغل ومن شوفة وجوهم الحلوة .ههههه 
همام .ورا كم يوم بدا يتحارش . ويريد بس احجي زيا حسيته تندم .ومن هداء  عرف هو غلطان .
همام....اكلتي
سناء ...الحمد لله . خوما اموت من الجوع محد يستاهل
همام ...لسانج .سئلت سؤال محدد جاوبي بدون كلام زايد
سناء ...حته الحجي .ممنوع . حجز والكلام ممنوع مبقه شي واتخبل .
همام ....ليش منو كال انتي  عاقله
سناء ...بيت ابو محمد بكل ظلمهم ماخبلوني وامك ب ٥ اشهر ركبتلي كرون .
همام .سنااااااء . اكوم اطلع اشرفلي . طلعت اضحك بس مابينت الهة ....امي . شنو الخاتون مطوله بلختله مالتهة  .عدهة خدم
همام ... شتردين منهة 
....البنيه تعبت وحدهة  واني تعبانه واركض الكم
همام ....هسه اخليهة تطلع .  رجعت للغرفه . كومي  
سناء ... شتريد .
همام ..طلعي ساعديهم .
سناء ...انت .مو كلت توديني لاهلي
همام .....سناء بدون حجي زايد .اطلعي ساعديهم ومعليج باحد والي يحجي لاتجاوبي تعاي كليلي
سناء .. ..ليش مو ميردوني  شتغير .لو مادبرنهة اثنينهن
همام .... ليش صايره هواي تحجين  شي صار وانتهة ليش تظلين تعيدين بي  بعدين احسبي .  وضع مؤقت
سناء ...مفتهمت . شنو وضع مؤقت .
همام كلشي بوقته . هسه اريدج لخاطري  تمشين الامور واوعدج . كلشي يتغير
سناء .. بس اعزل اكلي .ومعليه بسلام عنده مريه تحير بي .شغل.البيت .ويتقسم بينه . وعليه بيك وبس هي وخالتهة ينجازن
همام .. شنو خالتهة   مو امي وتخدميهة
سناء ..  انت متشوف شلون تعاملني مامستعده انهان .شنو تمساح اني ماحس  
همام ... تعاي  
سناء ...جرني من ايدي   وطلعنه .صاح لخاله ومرح
همام ... سناء . مرح  الشغل بينكم يتقسم .وزوجج انتي   تهتمين بس سناء مملزمه  بي
امي بينكم ماريدهة تمد ايدهة اثنينكم احاسبكم اذا شفت قصور باي شي  سلام مالك دخل   بسناء
ويمه ..من تغلط لاتسمعيهة حجي بلغيني واني احاسبهة .ماريد مشاكل بعد ..اكلنه اني وهي نعزله عنكم   وشغلهة هي تعرفه
سناء...كمت اخلص شغلي وارجع لغرفتي  وهمام .
   يرجع من الدوام .يجيبلي  اكل ويا  .استمرينه متجاهلين بعض ..وميحجي  ويايه الى ان  .   بيوم   اجه .
همام ...سناوي...  شوفي شجبتلج .اشتريت فستان عجبني شفتهة بي
سناء ...حلو عاشت ايدك بس وين البسه
همام ...ليش  العصر اطلعج ونتعشه بره   لاتضوجين هاي لخاطر النفنوف مو لخاطرج
سناء ...ادري كل الخواطر اعز من خاطري
همام ..  افه . انت سناوي حبيبتي   دكات كلبي .
سناء ...بس حجي وكت الصدك .ايدك والكفخه
همام .. متنسينهة ابد
سناء ...لو غيرك يجوز انسه ومااهتم بس انت لا .صعبه وتوجع بجيت  
همام ...حبيبتي بدون بجي  ابد متتكرر جنت مضغوط بشغلي .واجيت شفت هذا المنظر  شتتوقعين رده فعلي  لشوكت تبقين زعلانه .منتراظه 
سناء ... ماكدر  انطيني وكت .
ظليت .فتره زعلانه منه .ومااحجي ويا وكمت افرش بلكاع وانام . .  نايمه واحس واحد يشم بشعري  وحاضني من ورة  وباس ركبتي اني سويت نفسي نايمه مشتاقتله موت  تمنيت اندار واحضنه وابوسه    كملت تمثيل وانداريت وضميت راسي بصدرة وحضنته  ونمت للصبح كعدت لكيته حاضني  
سناء ..هاي شنو
همام معليه اني . ويباوع عبالك اني  زاحفتله ونايمه عنده .
سناء .... كمت دخت و   حسيت نفسي تلعب   دخلت  للحمام  وتقيأت ويه طلعتي صار همام بوجي اني ذبيت نفسي علي  
همام.... شبج عمري 
سناء.... يمكن تسممت من اكل البارحه
همام....مو اكلت وياج اني   مبيه شي  اوديج للدكتور 
سناء..... لامتسوة هسه انام
همام....  لعد ماروح للدوام  ..
سناء.... لا روح شسويلي قابل
همام.... خابري اذا تعبتي
طلع ونمت بس ظلت لايبه روحي   ابرد واحتر وغثيان   نايمه وحسيته يلعب بشعري ويقيس حرارتي 
همام ... بشري حبي شلونج ..
سناء ... احسن  
همام  يله جبتلج غدة  
سناء .... دخيلك ماريد تلعب نفسي 
همام ... شنو  مماكله شي  ميصير  يله حتى اخذج دكتور    اكلت بلغصب   وداني
همام دكتور  وبلتحاليل بين عندي حمل   وهمام مصدك انجن     اخذني وكعدنا بمطعم  ويضحك ممصدك  كال مبروك حبي  احنا اليوم ننسى الي فات ونبدي من جديد عوفي الي صار اريدج تعتذرين لاامي   كتله اعتذر بس والله مضربتها وحملي ..ولاتعديت عليه بس مجرد رده فعل جانت حته محاسه على نفسي من دفعته وداعتك همام ..بس هي متطيقني وتاذيني دائما  ولامره وصلت كلام لاالك ولاهلي .
همام.... اعرف   بس لخاطري  وعموما اني انقلت لغير محافظه  تتذكرين من كتلج هذا وضع مؤقت  لان راح اخذج ويايه وناجر هناك  متبقين  بس نصفي النفوس ونطلع شكلتي 
سناء ....تامر حبيبي رجعنه للبيت   اعتذرت لخاله وبست راسها  وهي   دفعتني محجيت
همام    وبلغهم بنقله
يمه اني انقلت لغير محافظه .وراح اخذ سناء واسافر 
..... انقلت لو تريد تطلع بيهة لوحدهة .هاي تالي تربيتي تعوفني لخاطر مره
همام ...وداعتج انتي انقلت . وهذا كتاب نقلي راح اوديهة لاهلهة اضبط اموري وارجع اخذهة  واذا تردين تجين وياي اخليج على راسي
.....لا  اني ماعوف بيتي واطلع .وعدمن عد سناوي بيتي .وتمد ايدهة عليه من اكعد عدهة شتسوي 
همام .. يمه شلج بهذا الحجي اني مااقبل احد يقلل احترامج . وانتي تعرفين سناء . مماده ايدهة عليج لان لو مسويتهة ماخليهة على ذمتي
....يعني اني جذابه
همام ...حشاج  خلص  هي جذابه واجت اعتذرت خلي نسد الموضوع
سناء
همام .وداني لاهلي وسافر رتب وضعه    ونتقلنا اني ويا وداراني طول فترة حملي  وخالتي  بهاي الفتره تعبت  وعرفت قيمتي من جربت  غيري  مرح متشتغل وكل كلمه توصلها لسلام  وسلام ميقبل تحجي وياها  ومشاكل  وبيوم دزت على همام وعليه واعتذرت وحجتله الصدك وطلبت ارجع وياهة .   بس اني ماكدر اترك همام  وصار عندي ولد   سمينا احمد  على اسم ابو همام الله يرحمه  وهمام حبه ماقل  ويزيد  من يزعل صعب  بس اموت علي   واحبه    خالتي اخذناهة يمنه واداريهة .وتحب احمد كلش  وكامت تحبنير لان خطيه كبرت ومحد درا هة مثلي    لان سلام طلع بيت وحدة وعافهة .والبنات كلمن بيت وعيال .اني ابد ماحاسبتهة على قبل الله يشهد وحطيتهة بين عيوني .لان هاي ام همام .حبيلي وقطعه من روحي .   
همام ..من اشوف سناء وتعاملهة ويا امي احمد رب العالمين .لان اختاريتهة وانتظرتهة الى ان صارت نصيبي   حبيبتي وام ابني  وحبي الاول والاخير  اشتريت  بيت بنفس منطقتنه القديمه .. .   وقريبا  راح نكعد بي اني . وامي .وعائلتي .العبره من قصتي .. الصبر . من صبى ضفر . واني صبرت والله عوضني  ببنيه صانتني ودارت امي .   واتمنى القصه تعجبكم وانتظروني بقصه جديده