احببت جارتي

حلم يتحقق

#أحببت_جارتي#
البارت الرابع وال٥ وال٦
.همام ...اذا اتقدملج توافقين سناوي
سناء ... المن  شتحجي همام انت اصغر مني اني حاسبتك مثل اخويه الصغير
همام ...  وهو معصب وصوته عالي  شنو اخوج الصغير شنو بعدني ارضع ممه لو العب طوبه بلشارع رجال ملازم أول  تكلي صغير 
سناء .. مترهم  تريد تضيعةعمرك علمود تساعدني
همام انداريت عليها .. منو اليريد يساعدج لج بابا احبج من اول لحضه شفتج لمن جيتي  للبيت  وهاي السنين كلها اني منتظرج واجي للمنطقه علمودج وعلاساعه انقتل اني ضايع  عمري من زمان    ظلت سناء مصدومه بكلام همام
همام ... اني بعد ماصبر  لازم نزوج  ماضيعج من ايدي واذا متحبيني  اني اخليج تحبيني بس وافقي   اني افضل من مازن وعيشتج يمهم  اني اخليج اميرة وبعيوني  سناء .. امري موبيدي  همام
همام اذا  تقدمولج رفضي صيري قويه واني هليومين اجيب امي  وين اوصلج هسه
سناء .. وديني لاهلي  
همام عندج فون
سناء  اي عندي 
همام لعد اتصل بيج    كالت   الله كريم ونزلت لاهلهة
سناوي عيني طمنيني  لاتخليني بحيرة
سناء ......الله كريم شكرا تعبتك
همام رجعت للبيت وفاتحت الوالدة بلموضوع ورفضت 
الام ... انت انجنيت  تريد تاخذ هاي لك البنات تجي تخطبك وانت تريد ارمله ذوله القتلو لابوك  انت من دون اخوانك تعبتني ليش ماما شعايزك  منصب وجمال واصل وفصل  وجماله  وفوكهة صار  كومه مزوجه ومتخلف .
همام يجوز الصوج بلمرحوم  وبعدين حتى لوبيهة  ميهمني اني احبها
الام ..واني امشي على اليجوز والتكهنات  لا حبببي شيل الفكرة من راسك
همام مازوج لعد خليني اعزب طول عمري
الام وظل   قز القرط  بهددني همام افندي
همام والله حتى البيت اتركه ومتشوفين وجي
الام والله اذا انطبكت السما على الأرض ماخطبلكيها لو تبقى اخر مرة على وجه الارض ومو انت التطلع اني اطردك  اطلع  من بيتي
طلعت ورحت لعمامي واجهت نفس الرفض وخوالي كذلك اتصلت بسناء ... الو  هلو سناوي اشلونج
سناء ... الحمد لله انت اشلونك
همام  ... هسه من سمعت صوتج ردت روحي  ها شكلتي لااهلج  ..سناء ... اهلي عدهم علم بلي جان يصير بيه وبلغتهم ماوافق على مازن  بس محجيت بموضوعك  مو وكته وانت لاتستعجل
همام ليش ..انت رافضتني ..سناء اني اكبر منك
همام ..لج بابا هي 6اشهر شخبصتي الامه  قابل اكبرمنه بعشرين سنه
سناء ... حتى لو يوم صعبه 
همام انطينا فرصه  وتعرفي عليه  اذا محبيتيني اوعدج اتركج 
وفكرت اني هماتين احتاح وقت اقنع اهلي  ضلينا فترة على التلفونات اتصل  بيهة ونسولف .منزلت اجازه خلصتهة بلدوام . ومن ارجع اروح بفندق .  بس حيل اشتاقيتلهة ولاهلي  قررت انزل اشوفهم .اتصلت بيهة
همام....    سناوي .راح انزل اريد اشوفج
سناء .. صعبه همام ماكدر اطلع
همام ...دبريها فدوة لعينج والله مشتاقلج  تدرين قبل اشوفج احسن
سناء ... هههه تريد ترجع ذيج الايام الله لايعيدها
همام ... ها عيني شكلتي   
سناء انت باجر نازل .. اشوف وارجعلك خبر 
همام ... اكيد حبي
سناء .. رجعت لبيت اهلي وحجيت لامي  وهي تعرف  والحمد لله  بلغتهم  برفضي  وتفهمو  وهمام متركني يتصل يوميه وتفاجاة بكلامه انو يحبني عمرة مجاوز ويايه او حسسني بحبه  احترم كوني أمراة متزوجه  وهذا كبره حيل بعيني وبديت اتعلق بي  وانتظر اتصالاته وجتدان مثل نافذه امل اليه . وضوه بظلام يخسسني بقيمتي وحبه اليه من خلال كلتمه ولعدهفته عليه .   لمن طلب يشوفني   وافقت لان حسيت اني الي محتاجه اشوفه   ودبرتها وطلعت واجه عليه فديته اني دائما جنت اشوفه حلو  بس عمري مباوعتله بغير نضرة  حتى جنت اتشاقه ويا اخواته واكلهن اخوجن صاك  
اشلونج حبي صايرة كمر تجنين
سناء .. شكرا  واني  مستحيه  منه كلش
همام  وين تردين نروح
سناء .. ماعرف بس ماتاخر ماكدر  عفيه همام  حبيبي
همام .. شنو شكلتي
سناء ... ماتاخر  كال  لا الوراها
سناء شنو
همام كلتي حبيبي
سناء نصيت بخجل  اهوو همام  لاتخجلني
همام لج غير راح اموت اويلي يابا كلتلي حبيبي وين اروح وين انطي وجي  اريد احضنح  وسحبتها لحضني واشم بيها  اموت عليج سناوي   احارب الدنيا لااجلج
سناء ... دفعته ... صح ذبت بحضنه واول مرة انحضن   بحب بس محبيت نتجاوز بعلاقتنه  ولااريد يفكر لان ارمله اكون متاحه . ضجت من تصرفه  همام  رجعني للبيت
همام اسف اندفعت بمشاعري  متتكرر 
سناء ..لاتتصرف هيج عفيه اني تعلقت بيك لان عمرك متجاوت وياي واكو شي ثاني اني ادري  باهلك مموافقين مو
همام .. شلون عرفتي
سناء ... اكيد  ميوافقون  انت كامل من كل الجهات واني  ارمله  واكبر منك
كال رجعت تكول اكبر منك .
سناء.... شوف انت نفسك متواجه الامر لعد همة اشلون
همام...... خلص امشي ا ارجعج  فورتي لدمي  ورجعتهة ومريت للبيت نطيت لاختي مصرف وسئلت عليهم ورجعت لدوامي .  ونفس الشي بقينه تلفونات احس بيهة بدت تميل ا  وبعد فترة  سناء دنسولف بليل وفجاة انغلق جهازهة  واتصل عليها ماكو  الى ان بيوم   اتصل عليه رقم جاوبت  سناء .. همام  الحكني اهلي حيزوجوني#أحببت_جارتي#
البارت الخامس
غدير
همام..... انجنيت معرفت شتصرف أخذت اجازة ونزلت ورحت عصبي لامي  وجانت على نفس موقفهة  لازايدة عناد  ورفض حاولت وياها  لكن عبث 
همام....يوم .هاي حياتي واختياري
...لا يعني لا
همام ..اخر كلام لاتخليني اتصرف بدون رضاج البنيه رايدهة
...كتلك لاتعب نفسك وتعبني اصلا الكل مأيدني من عمامك وخوالك شوف منو يخطبه الك 
همام ..بس خليهة بالج انتي  الي رفضتي
.طلعت عصبي و اتصلت بسناء تبجي 
همام ....صيري قويه وارفضي ولو اعرف  اخذج غصب  ماتركج  افتهمتي
سناء....  همام اخاف  حتى ضرب ضربوني  بس ماوافق لو اعرف اقتل نفسي
همام  لاتأذين نفسج حبي
سناء ..   جنت احجي ويا همام ومحسيت اله اخويه ورايه  واخذ مني الجهاز وشبعني ضرب . وشكد حاولو يعرفو.منو الي احجي ويا محجيت  بس بعدين قررو  يوافقون على مازن  اخذت جهاز مرت اخويه واتصلت علي  وبلغته يتصرف  وانجن حبيبي  شكد وفي واموت علي  قررت لو اله اصير لو لا .ماخلي غيره يلمسني .    وخلال مكالمتي ويا  سمعت صياح  وناس تحجي همام يصيح بعدين انقلق جهازة   ومفتهمت شي  ضليت اتصل وماكو جواب  اهلي حابسيني وماعرف شصار بي  بقيت الطم وابجي وادعي لايارب لاناخذة مني  ماعيش بدونه اشلون ياربي المن احجي وشكول  اجت مرت اخويه جانت حبابه وساعدتني هوايه
حجيتلها كالت راح اكلهم اوديج دكتور تندلين بيت اهله  ونروح الهم  وفعلا  رحت   لكيت الدنيا مكلوبه يمهم بجي وعياط واني رجليه ماتو  لا لا مامات دخيلكم دخلت  لامه واعيط شبي همام  وئام حضنتني  وكالت انخطف وطالبين فديه  بوقتها الخطف منتشر بس ماكو واحد انخطف ورجع ياخذون فديه ويقتلو  امه كامت تغلط عليه وطردتني  كل منج  انتي طلع معصب   بقينا يمهم اريد اطمئن وماكد ابقى  سهام مرت اخويه كالت تأخرنا نطيت رقم   سهام لاخته  وكتلها طمني  وطلعت وكلبي نار و3ايام  ماكو خبر من  همام عمامه اتفقو ويا الشرطه  واني ابجي وادعي الله لايحرمني منا  يارب بحق ال بيتك لاتضرني بي ايام عشتهة على اعصابي . ماكو منه خبر . ليش اني  هيج  قسمتي .لان حبيته  وحبني  ضاع مني .ماتحمل بدونه يارب .متت بجي  و  وخليت امي تاخذني لباب الحوائج موسى ابن جعفر  وظليت لازمه الشباك واعيط وابجي وكتله اريد بشارة منك   قبل ماارجع لخاطر شبابه   وماقصر  باب الحوائج  اول مستلمت  الفون من الامانات اتصلت وئام كالت الشرطه قابضين عليهم وهمام  جايبي بس متاذي بلمستشفى   ضليت ابجي اضحك مثل المجنونه ورجعت للامام اتشكرت منه  ورجعت للبيت حاولت اروحله للمستشفى مكدرت  اتصلت وئأم  وكالت همام يريدج
همام ..جنت احجي ويا سناء اصبر عليهة واني نفسي ماعرف شسوي بس كلت اروح لاهلهة واطلبهة واحجيلهم بوضعي واروح لعمي الجبير اكيد ميردني محسيت اله سيارات حاوطتني من كل جهة ومسلحين نزلو واخذوني  شدو عيوني وايديه وتعرضت للضرب .وايام بدون اكل ولاشرب .الى ان حسيت   راح افقد من العطش . احنه بسبب تدريبنه نكدر نواجه هيج وضعيات مهيئين يعني بس اني قبلهة بيومين هم مماكل   كل يوم يدخلون يضربوني ويطلعون  اخ لو ما شاديني جان شوفتهم الامهات شتجيب  ماعرف شكد بقيت يمهم وسمعت اصوات وضرب بعدين انفتحت عيوني بس جنت فاقد . كل تفكيري بامي وسناء  اول مصحيت امي  تبجي . ولازمه راسي  وانسام  يمي . كتلهة اتصلي  بسناء  اكيد متخبله هسه لان جنت احجي وياهة من اخذوني
همام ...سناوي حبي 
سناء .. ردت روحي من سمعت صوت عبالك كلبي جان مينبض وهسه نبض   فديت صوتك عمري انت شونك  وابجي 
همام..... لاتبجين  عمري  مبي شي والله انتي طمنيني  مشتاقلج
سناء .. اني مشتاقتلك ياعمري  احبك احبك والله 
همام ... اشلون تخليني اجيهة  للبيت هسه
سناء . هههه  علواة
همام ... حبي اهلج بعدهم يأذوج
سناء .... لا هددتهم انتحر سكتو مني
همام ...  اكيد لو تطمنيني
سناء   اي لايضل بالك بس اريد اشوفك  راح اموت على شوفتك بجيت   المفروض اكون يمك 
همام .....لاتبجين  ترى اطلع هسه  من المستشفى واجيج
سناء .....لاعيني ابقى  بلكي اكدر  أطلع واجيك  يله حبببي باي  دير بالك على نفسك   بقيت  يومين بلمستشفى وطلعت وسناء مكدرت تجيني  
الام .. ماما همام . .. اني موافقه اخطبلك سناء
همام ...  صدك  يمه 
الام ..نعم بس تصح نروح لان اني  قسمت اذا ترجع اخطبها الك  وماكسر بخاطرك بس انت تتحمل نتيجة اختيارك
همام ... اني صحيت مبي شي روحي اليوم  انسام م تعالي جيبي الفون مالتي اتصلت .بحبي وبشرتها طارت من الفرح
سناء .. كول والله
همام ....هههه والله
.وبعد يومين راحتلهم امي واتفقو يسئلون ويجاوبون بقو 3ايام وماكو خبر  اتصلت بسناء