القلب الأزرق

الجزء 17

اليوم كان حلو شديد بعد المغرب متجمعين كلنا قلت ل ابوي صحبتي عازماني عشا مااشه ليها قال لي طيب امشي قلت ليو هات الفلوس يلا قال لي هي العازماك وبيضحك قلت ليو انا م احد بيعزم علي ممكن يحصل ظرف .. قال لي بمززح معاك .. م معاي كاش هاك البطاقه قلت ليو شكراااان 💙
ضربت ل ورد جاتني هناك قبل م اطلع قلت ليو ابوي حتجو البيت ولا حتتاخرو عمر ولد عمي قال لي لا حيبيتو هنا خلصي وتعالي ع هنا عاينتل امي قالت لي امشي وتعالي هنا تمام؟/! قلت ليها ماما ياخ ريل قالت لي ي بت يلا حتتاخري امشي😂.طلعت ل ورد ومشينا اتمشيينا واتعششينا .. اتفتحت قصه عبدالله قالت لي لين كانت بتمر ب فتره صعبه شديد عبدالله كان قاعد يخلي بالو منها شديد بحكم انها صحبتك بس م عارفه بعد كده الحصل شنوو قلت ليها طيب هي مش كانت بتحب يوسف قالت لي يوسف خانها مع وحده تانيه قلت ليها ده شنو العبط ده م حنك ي صحبتي نحنا اكبر من كده قضينا يوم حلوو واتونسنا واكلنا وعلقنا م خلينا زول واحنا ف الشارع راجعين قامت وقفت العربيه قالت لي ععوزه اقول ليك حاجه قلت ليها قولي قالت لي في واحد متقدم لي وانا بصراحه بحبو من ذمان بس م قادره اوافق ع طول كده م عارفه اعمل شنو قلت ليها ورد انتي هبله قالت لي دقيقه وسكتت مسافه حسيتها خلااص حتبكي قالت لي عارفه احساس انو عمرك م كنتي تتوقعي الشخص ده يكون ليكي ب الرغم من حبك الشديد ليو تكوني ميته علي شوفتو وملهووفه عليو طول الوقت وهو بعيد بس لما يقرب ليك والحلم يبدا يتحقق لازم اخاف وبقت بتبكي قمت مسكت ايديها قلت ليها انتي عارفه انك كنتي بتدعي ربنا يجعلو من نصيبك صح؟؟ طيب ربنا استجاب ليك بس الاستجابه جات شويه متاخره افرحي وانبسطي حتي لو لفتره بسيطه انتي تستاهلي كل خير 😍ياه بالله م تفكررري قالو ليك تفائلو خيرا تجدوه يا صحبتي صح 💙 قامت رفعت ايديها وبقت تقول يارب تجعلو من نصيبي يارب يارب انا بحبوووو شديد وبتبكي حسيت بحاجات كتيره جواي بس م عرفت افسر اي حاجه بقيت قاعده جنبها حضنتهاا وبقيت بحاول اغير ليها مووود قلت ليها ب النسبه ل انو متقدم ليك وانتي معلقاو قالت لي الورطه انو بكره عازمني غدا وانا م عارفه البس شنو قعدت اضحك فيها بقت مصرصره وشها وذعلانه قلت ليها الصباح بجيك نمش نشوف ليك حاجه ظابط نجيهك بيها 😂😂اتفقناا وصلتني البيت ومشت وهي بتتبسم .الوسخه 😊 اما انا دخلت وانا قلبي كانو معفووص ب حجر مكبوته شديد حاسه اني عاوزه ابكي ولا اعمل حاجه قمت قعدت بره البيت وراو كده وقعدت تحت مكيييف وبقيت ببكييي لمده طويييله وصوره عبدالله ف خيالي م كنت حاسه ب الشخص الكان واقف وبيراقب فيني .. لما حسيت اني هديت مشيت ع الوضايه علشان اغسل وشي فعلا غسلت وشي واتوضيت وجيت داخله شفت عمر واقف جمب باب الصالون االبره قال لي جيتي ي داب ؟ قلت ليو ايوه ابتسم كده ودنقر وشوو قام قال لي ادخلي جوا يلا عاوز اقفل الابواب قمت داخله قال لي م تنسي تصلي ركعتين بعد العشا وادعي فيهم ل ربك ب اي حاجه ف خاطرك ع قدر م استغربت من كلامو ع قدر م انبسطت منو قلت ليو حاضر . يلا السلام عليكم 🙋🏽‍♀
-بليل شديد قاعده جمب االتلفزيون ريل جات جمبي قالت لي الجميل سرحان ف شنو ليالي نطت قالت ليها دي م عنزدها موضوع اسي تلاقيها سرحانه ليها ف كتاب ولا روايه 🤱🏽 قلت ليهم انتو ندلات صح .. شلت الفون بتصفح فيس لقيت عب الله منزل كم صوره ليهو من الموووت رهيييييبااااات كاتب تحت وحده اللي هي قاعد فيها وسرحان وع فمو ابتسامه حلوه كده .. في حب القلب الازرق 💙. الحاجه دي بتخصني طيب ليه مرتبط ب لين عبدالله ده طلع ندل عاوز يلعب بمشاعري انا لازم ابعد ولازم م افكر فيهوو بس كنت كل م اقوب كده بلاقي نفسي قربت اكترر وانجرفت نحووه ..حاسه ب وجع جواي م عارفه اخفف عن نفسي كيييف .. قمت صليت العشا ونص الصلاه كنت سرحانه وكل مره بعيدا ف الاخر قعدت ابكي ريل اللي طلعت مراقباني قالت لي م حتعرفي تصلي وانتي كده اسجدي وادعي بس م رديت عليها بس صليت ركعتين وفضلت ساجده فتره طويله وانا ببكي وبدعي ربنا يزيح عني الهم الجواي ده 💔😴
-الصباح بدري صحيت قبل الكل بس طلعت الهول لقيت ابوي وامي وعمو وشهد قاعدين قلت ليهم صباح الخير كانو بشربو ف الشاي وطوالي طالعه لان مزاجي متعكر شديد امي قالت لي ع وين قلت ليها طالعه لصحبتي بعدين نتفاهم ..واحتمال اتاخر لان ساده ليها نبطشي اليوم .. سلام وطلعت. ب العربيه دي منفلعه كنت ح اعمل حادثه تلاته ولا اربعه مرات . مشيت ل ورد المستشفس المداومه تريننق فيهاا وللاسف طلعت .. نفس المستشفي الشغال فيها عبدالله . بتصل ع ورد م بترد بس نزلت من العربيه وانا متنرفزه دخلت جوا لقيتها قاعده وعندهم مريض حالتو متأخره وعبدالله ولين زاتم معاهاا غضبت لدرجه قلت ل نفسي ياخ ميتين ابو دي حياه وديل ناس .. لما دخلت جات ممرضه وواحد ممرض حاولو يطلعوني قلت للولد م تلمسني اوووعك قال لي اطلعي لينا بره يلا قلت ليو اخر مره زح مني ورد جات جار

جاريه قالت ليو دي معاي زح منها دي دكتوره برضو الولد بقا يتلائم بس عبدالله جا جراوو بعيد قال ليو ي شاب اعصابك .. م حاولت اعاين ليو اصلا قلت ل ورد حصليني بره لين قالت لي مالك انتي روقي قلت ليها رايقه بس انا زمني محدود ورد قالت لي جاياك يلاا بس المريض بتاعم مات وحصلت دربكه كده للحظه حسيت اني السبب مشيت قعدت ف العربيه ورقدت ع الدركسيون وقاعده استغفر علشان م اتصرف تصرف غلط . جو طالعين التلاته ماشين ووشووشم م بتتفسر لما وصلو جمبي عبدالله رافع حاجبو وغضبان ورد جات تركب عبدالله ولين بقو بتكلمو معاي وانا م سامعاهم قام عبدالله قال لي بتكلم معاك انا قلت ليو وتتكلم معاي داير شنو؟ قال لي اتكلمي كويس قلت لبيو صوتك مايعلي م اصغر عيالك انا فاهم البيشن بتاعكن مات ب اهمالكم م اكترر م تجي تتفشششفش فيني لين قالت لي شهد قلت ليها لين انا بتكلم مع صحبي ما تتدخلي قالت لي وصحبك ده يبقي خطيبي وحبيبي عارفين الغنيه البتقول :
"الصدمه الصدمه الزول ده صدمتو صدمه خليتو ما عارف ينضم نضمممه 💔😴 "
لساني اتربط عاينت ل عبدالله وعيوني جات ف عيونوو للحظه كانو الذمن وقف م كنت حاسه ب حاجه لحد م ورد مسكت ايدي قالت لي شهد يلاا .. قفلت القزاز واتحركت من جنبهم م حاولت افتح الموضوع تاني ولفلفنا السوووق ده كلوو انا وورد لحد م انجزنا ليها العاوزنوو .. لبستوو وعملت ليها الميكب طلعت دسيسه م عملنا حاجه اوفرر عشان م يقول متكبكببه قلت ليها لما تخلصي م تخليهو يوصلك انا بجيك فاهمه قالت اي ااي فاهما يلا ومشت بقيت قاعده براييي وبفكر قلت ل نفسي انا ما محترمه نفسي اصلا دام اني رخصتها ب الطريقه دي واحد بيحب صحبتي انا دايره بيو شنوو .. ومن اللحظه دي قررت قرارر حاسسسم اني خلاص عبدالله طلع من حياتي 🌚🔥

يتبع.....