العرس خلاص ونحنا اخوات العريس والعريس العريس هوووي ي العريس العريس الشتات الجنن البنات هوي ي عريس بشرر لاتقيييف 💃🏽💃🏽
"ملحوظه العندها السيره دي ترسلا لي او اي مكس بتاع دلوكه"
لحظه العقد دي كانت رهييبه تقوي جااات وحفصه صحبه ليالي هذينا البيت ده هذذ لحظه العقد والاغاني دي باعلي صوووووت ف الاخررر شغلنا اغنيييه راااابه كده اجنبيه ويلااا قمنا انا وليالي وحفصه وتقوي وسلطان وعمرو دخلنا كل الناس شغاله ديل شفع لندن رقصنا رقيص ايثار خشت معانا جبجبنا جبجبه 😘
سلطان ده لابس ال علا الله دي وبعلييييا منوو كثارر البنات كلهم يعلقو عليووو قلت ليهم منحرفات بس
جوني ف عذ الرقصه والعيصه قالو لي خالتك مهبطه تعالي طللعت ليها قلت ليها اعملو ليها مويه ملح ب زره سكر ي خالتو بس واقعدي ف حته مهوييه
" انك تكون دكتور وعندك مناسبه او مشيت مناسبه دي ورطتك الكبري خصوصا لو في نسوان كبار حيجننوك جن ةعندي وعندي هنا انت م عليك الا تسمعهم وتطول بالك وتحاول تطمنهم وتقول ليهم حتبقو كويسين مش تمشيهم وتقول لبهم امشو افحصو دي اكتر حاجه ممكن تنفر الناس منك انت لما يجيك مريض بتجي معاو اسرتو خايفه ومزعوره لازم تطمنهم تطبطب عليهم توريهم وضع زولهم ده كيف "😉😴💙 دي وحده من الحاجات البتخليك دكتور ناجح ومحبوب مع بعض ..
لحظات التصوير دي كانت رهيبه فجاه وانا بقلب ف االكاميرا لقيت صوره لي واقفه وعمر بيعاين لي سلطان قال لي اللقطه دي حتديني عليها الف جنيه قلت ليو امسحها قال لي بعد م حولتيها ع جوالك😂😂😂 للحظه حسيت ان ذعلي منو رااح اني عاوزه امشي واقول ليهو بحبكك شديد سمعت اذان المغرب استغفرت وطلعت صليت وبديت البس اول احد خلص انا وسلطان وجينا تحت نتصور لحد م الناس طلعو جا بص كامل وشال الناس فضلت انا وسلطان وتقوي قام عمر جاي طالع وي الله علي القميص الازرق مع البنطلون اللونو كيف داك م بعرف بقيت بعاين ليو ب هيام كده لحد م تقوي فصلتني ركبنا البص لاحظت عمر لابس الساعه الانا جبتها ليهو والخاتم ذاتو ماقاعد يقلعوو .. الحفله شغاله وههججنا وانبسطنا والعرس انتهيي طالعين كلنا بس خالتو شهد بقت تصرخ مالك قالو ابوهاا اتوفي وصلنا البيت غيرنا ومشينا العذاء بكت بكااااا خالتو دي وعمو واخواتهاا حتي محمد الا عمر كان واقف بعيد شفت سلطان واقف جمبو لحظه شالو الجناذه وحضنوو اليوم التاني بليل طلعت بره قمت اتوضيت .ساي بس : في قران شغال ف الهول قعدت بسمع هي يمكن عاده اتعلمتهاااا من عمر : اني دايما اكون علي وضووء يحبيبي ي عمر 💙
ماعارفه الحصل شنو بس فجاه وقعت علي الارض .. عارفين لما تكون حاسس ب اي حاجه حوليك وسامع اصوات بعيده بس دي انا لما وعيت لقيت عمر وامي جمبي اول حاجه حسيتها ريحه عمر القويه الانا كنت بجيبها ليهو احييييي بس 🔥🔥🔥💔
أنت تقرأ
القلب الأزرق
General Fiction📝 بقلم: ريما عباس روايات أخرى للكاتبة: - القلب الازرق - حبيبه الشهيد - بعد الغياب - انا واختي
