القلب الأزرق

الجزء 18

بعد م ورد خلصت جات تحكي لي وهي مبسوررطه وطايره من الفرح وكيف انوو اعترفف ليها ب انو بيحبها من ذمن طويل بس م كان شايف انو لازم يصارحك ولازم يجي ل اهلك اول واااي ي شهد انا مبسسسوطه قلت ليها الله يسعدددك ويفرح قلبك دايماااا حافظي عليوو وربنا يوفقكم سوواا . 💙

-بعد كم يوووم اهل ابوي كلهم اتجمعووو وعملووو عزووومه وحركات زي دي ووراهم ابوي ااننا جينا عشان نخطب ل عمروو ولو اهل البت وافقووو نعقد مره وحده وعمو وعمتي وافقووو ع الكلام ده .. اما اميي كانت رافضه فكره العقدد وب اصرار شديد قالت العرس بدون عقد ماعندو طعم وبصراحه معاهااا حق ..اهاا الليله الناس جهزت وجينا عشان نطلع .. للخطبه قشرناا ديك ي القشرات الماخمجج طبعا اول انطباع مهم وكده .. عمرو لبس جلابيه بيضاا ب اصرار من امي وليالي انا اصلو لا سالتو ولا عبرتو اها العربيات واقفه والناس ركبت .. انا معاي ورد وريل ف عربيتي ومشغلين اغاني هجييييج يا ولد البلالي ليل ليلي انا ده البريدو يبرا من الشقاااا البلالي ليل ليلي انا .. البكاسي وقفن سوا .. واحد رائد واحد لووو وده البريدو علي مستوي 💃🏽💃🏽💃🏽💃🏽💃🏽💃🏽💃🏽💃🏽 جب جب جب جرب رب رب .

وايوووووووووووووووووي حبويه تشيل وتزغرط .. لمن وصلنا دخلنا البيت اي نعم من فئه متوسطه لكن ناس راقييييه واكرمونا اخرررر كررررم اكل وشرااااب وهيييييصه وصحباتها مهجججججييين . العروسه وحيده اخوانها امها وابوها متوفيييين اسمهاا روان 💅🧖🏽‍♀ .. اخوانها كبار كلهم وشغالين و ب نسوانهم . واولادم .. بس لاحظت ليهم مركذين معاي وبيعلقو علي حاولت اتجاوزم العروسه راييييقه وحلاتهااا وعمرو يشيل ويتبسم زي الصبره .. الدبل معاي مشيت انا جنبو وبقيت بدي ليو واحد واحد وهو بيلبس وحده والناس تصفررر وتزغرط وحده سمعتها من وراي قالت ليها شوفيها مفتريه كييييف اختو دي من زي التانيه قمت عاينت ليها ووقفت قدامها قلت ليها افتري م افتري مالك ب الكلام ده انتي ي شاطره 👋ليالي لحقتها منييي البت زاتها خافت واتوترررت .. مشيت انا وورد باركناا ليهمم .. وحددو العرس بعد شهر من اليومم .. قلت الحمدلله بيني وبين روووحي اني ماح احضررر 😼

*انقضي اسبوع والامن مستتب .. لحد م يوم طلعت الصباح من غرفتي ع غرفه حبوبه لقيت حبوبه ساااجده وقفت مسافه منتظراهااا م قامت مشيت هبشتها طوالي وقعت حبوبه اتوفت ب الرغم من اني دكتوره وفاهمه كده بس كنت رافضه فكره ان حبوبه تموت .. صرخت وبقيت بكورك ل ماما .. جوو شلناها وجرينا المستشفي هناككك مداوم عبدالله انا دخلت وراها الطواريي طوالي وبعاين فيهم امي عارفه انها ماتت وانا كمان لحد م عبدالله جا طالع عاين لي وقال لي شدو حيلكم البقاء لله انا طوالي دخلت ل حبوبه وبقيت راقده فيها وببكي ي حبوبه قوووومي م تخليني برررراي تاني منو حيهرشني منووو حيعمل لي اكلي منوو الحيخاف علي وواي ي حبوبه قوممممي وبقيت بصرررخ عبدالله جاا بقا ماسكني عليو لحد م ورد بعدتو مني وساقتني وانا امشي واجي ل حبوبه اميي انهارت تمامممما وبقت م واعيه دخلت ف حاله هستيريا كان اصعي يوم مرا علينا كلنااا مااف احد عارف يتصرف ولا يعمل اي حاجه ابوي زاتو ضغطو ارتفع ورقد مستشفي .. عمرو ومحمد وعمر والباقين مشو دفنوو وانا فضلت مع امي وابوي ف المستششفي ببكي داخله ومارقه ابكي معاي ورد وليالي م سبنا بعض ولا لحظه كان هموم الدنيا كلها علي قلت ل ورد قومي امششي ل شغلك حرام قالت لي انا خلصت شويه ودخلت ل ابوي عبدالله جا داخل وراي وانا بتكلم مع ابوي ي ابوي قوووم انا م صدقت كل حاجه تتصلح قوم ي ابوي امي محتاجات قال لي ح اقوم بس ي بتي جسمي بقا ضعيييف م بتحمل الصدمات اعفو لي ياخ كلمه ابوي دي بكتني بكاااا اتفقعت بكاااا شديد عبدالله قال لي ي شهد استهدي بالله قضااء وقدر بعدين حبوبتك ماتت ساجده مفروض تحمدي ربنا علي كده انها زوله تقيييه وماتو ع مصلايتهاا .. قلت ليو خليني عاوزه ابكي دي امي الانا بريدا عمرو جا داخل لقاني راقده ف رجول ابوي ووببكي ضماني ليهو وبقا ببكي معاي قال لي ي شهد حبوبه كانت بتحبك اكتر وحده فينا قولي الله يرحمها ويغفر ليهااا م قلت ليهو شي فضلت ابكي عبدالله معانا ف اي حته مخلي بالو منن اهلي لحد م طلعتهم بليل وودانا عمو البيت لقيت شهد وريل نظمو البيت وخالتي وبناتهاا فتحو البكا كميه ناس خياليه بتجي لمده 6 يوم البيت مليان ملي شديد سابع يوم جات لي لين مع عبدالله شالت معاي الفاتحه وانا باين علي التعب الشديد قالت لي خلي بالك من نفسك ي شهد الدايم الله .. وهم جنبي جاا داخل سلطان وشايل شنطتو طوالي جا ضماني وانا ماقصررررت بقيت ببكي واخت الا جااا ابوي فكانا من بعض ده كلو تحت عين عبدالله .. لما جو داخلين اولاد عمي ابوي عرفم ع سلطان عبدالله قال لي شدي حيلك ولو عزتي حاجه نحنا جمبك قلت ليو م بتقصرو .. 😼

-البكا عدا لكن كل م يوم بفتقد حبوبه اكتررر . رجعنا لندن كلنا وكل واحد نزل دوامووو والحياه ماشه كويس اتصل علي ف

يوم عبدالله وانا ف الجامعه سلم علي وقال : انتي قلبي الازرق الانا بحكي عنو مالين .. انتي الانا قلبي وعقلي مشغولين بيها انتي الانا بحبها ومكسر فيها لي ذمن طويل شهد م ذنبي ان صحبتك حبتني دي انانيه منها وانا وريتها اني بحبك وعاوزك انتي .. اختكم هنا كان ادوها كف رباعي الابعاد بقيت ساكته ومقهيه واصل : يعني م عارفه اني بحبك ي،شهد ولا واصلك احساسي لين انا حسمتها وباقي عليك لاني والله بحبك وانتي حاسه وعارفه كده ماطالب منك رد حاليا بس عاوزك تفكري وتردي علي طيب؟؟ وقفل الخط ..

م لقيت زمن افكر ب زحمه المحاضرات الاليمه الكانت حاصله لي كل العارفاو اني مضغوطه طلاب الطب حيفهمو النقطه دي محاضرات وعملي وم ادراك والمشرحه الوضع مستمر انا شعري م بلاقي زمن اسرحو فيووو .. يوم ابوي جاني ف غرفتي وانا بقراا .. قلت ليو احكي قال لي متقدم لبك عريس طوالي قلت ل نفسي ده عبدالله اكيد قلت ليو منو ده قال لي عمر ولد عمك اللييييله ووووب .. قلت ليو انت جادب ي ابوي ابوي قال لي اهدي وروقييي هو مهندس كهربااء تقنيه شغال هنااا من فتره وبيعمل ف الماجستير من اول م جينا السودان هو طلبك مني بس قال لي اجلها شويه لحد م نفسيتك تتصلح قلت ليو طيب وانت رايك شنو ي ابوي قال لي ك صحبك بقول ليك عمر مافي منو انسان مصلي وحافظ القران .. شخص هادي وفاهم وشغال وعندو مركز اما لو عندك شخص ف بالك او بتحبيو ف القرار قرارررك وانت ابوككك البتختاري بعملو ليكك تمام؟؟؟! 😻اخدي ذمنك وانا هنا لما تاخدي قرارك قلت ليوو الله يخليك لي ي احلي اب ف العالم ♥♥ ..

-الامتحانات داخله علينا وبديت اقرااا لا قدرن افكر ولا قدرت اخد قرار ف الموضوع الفتحو لي ابوي جاريه طوال اليوم من المكتبه للبيت للجامعه لحد م بدت الامتحاناتات .. يوم رجعت البيت بعد المغرب واول م دخلت البيت حسيت ب ان في حاجه غريبه حاصله..😅بقيت بتلفت لحد م لقيت الخدامه سالتها في منو قالت لي ضيوف من السودان قلت ليها اي منو يعني قاالت لي اي دونت نوو ياخ عل وشششك زاتووو .. دخلت لقيتم كلهم قاعدين عمو مخلص وزوجتو شهد وعمر ومحمد وريل ولينه سلمت عليهم وانا م قادره استوعب جو ليه .. او انهم هنا اصلا ..كنت لازم اطلع لان عندي دوام مستشفي بقيت بسال فيهم اخباركم والحاصل لاحظت ل عمر م حاول ابدا انو يعاين لي قلت ده افتراا ولا زعل ي ربي .. بس جوالي رن رديت كان ناس المستشفي في حادث ف شارع قريب مننا مفروض اطلع لحد م الاسعاف يوصل قلت ليهم اسفه لازم امشش عن ازنكم ..جريت فووق غيرت لبست اللاب كوت وبنطلون وتشيرت قطني طويل وطاقيه كبيره لشعري شلت تلفوني والمفتاح وجررري وتلفوني يضرب ويخت لما وصلت لقيت حافله مقلوبه .. بديت اسعف ده وده وده لحد م بقيت خايفه وم قدرت اتنفس .. تقريبا دخلت في حاله هلع والتوتر عالي معاي .. الناس دي حتموت لو م لحقتها انا للحظه حسيت اني ماقادره اساعدم ..لحد م حسيت ب ايد ع كتفي كانت دكتوره سولار قالت لي شهد قوممي اصحيي .. م تخافي نحنا هنا معاكي😊

يتبع....