ما ذنبي

الجزء 5

بعد العياط والصياح والانهيار الي صار بينا گتلها احجي فهميني
بدت تتوسل وگالت
انت ابن عمي استرني ابوي اذا عرف يموت خليني عندك مده وطلكني
وليش مفكرتي بابوج قبل لاتنطين نفسج ليش اني اتحمل عارج
كنت صغيره مراهقه صدگت احنا امريكان وانضحك عليه فدوه بسام لاتاخذ قرار واني اروح ضحيه وابوي تسوود وجهه
واني شعليه انتي سودتي وجهه ابوج ليش مكلتي بالخطوبه والطلبات والشروط شنو گلتي زوج راح تعبر عليه
لا گلت غيور وشهم راح يستر عليه والطلبات حتى الناس تصدك هذا زواج مو ستر امك تدري
امي قبلت اخذ وحده مثلج
اخذت التلفون اتصل باهلي
فدوه اروحلك بسام نزلت باست رجلي والله ابوي يموت مراح تخسر شي اسبوع واني اروح لاهلي وطلكني فدوه سويها ل الله
الله يطيح حظج لج المفروض اني الليله الي اكون ممنون منج وانتي تقدمين دليل عفتچ وشرفج
اني لو اريد اسوي عمليه واخلص ومكان عرفت
والله فضل منج العمليه هذي متصير بهذي الولايه ومكلفه وعمي فقير ماعنده
بس عمي ميستحق وحده مثلج تشهره واخواتج هم مالهن ذنب روحي حوراء راح تبقين عندي لحد نشوف وقت واطلكج لكن والله اذا لعبتي متلومين الا نفسج لاتخططين لخدعه ثانيه مثل اليوم ردتي الزفه بفندق اخاف اضربج وتنفضحين
والله اصير خادمه الك واذا غيرت رائيك اصيرلك زوجه واشيل فضلك على راسي ليوم القيامه
انتي ابوج ماصنتيه تصونين زوج
لاتحاولين حوراء اني وياج خطين متوازين ابد ميلتقن
من حسن حظي مكنت عاقد على حوراء محكمه بسبب انشغالي
لو عاقد عليها تاخذ نصف املاكي بعد الطلاق
بعد العرس نقلت امي تعيش وياها بالبيت واني كنت اتواجد قليل
وبدت امي تحرض حوراء تغريني بملابس وتصرفات كنت ازداد نفور عنها واشوفها رخيصه ومره كنت نايم جتي يمي
ترى مراح تخسر شي اذا جربت وياي محسوبه عليك اول وتالي
لو تبقين اخر مره بالدنيا وتنزل ايه من السمى لازم اتزوجج هم ماتزوجج احترمي نفسج وصوني كرامتج احسن كل الي عندج اخذه غيري والي بقى عندج ميسوا
مرت سنه كل ماافكر اطلك ونتفق وتروح لاهلها زعلانه حتى يصدكون يرجعها عمي ويتوسل بيه اخواتها تلاثه تزوجوا وبقت بس الصغيره تدرس
امي تمرضت لحت عليه اسامح حوراء بحجه تريد تشوف اطفالي قبل لاتموت شفت نفسي تحت ضغوطهم تركت امريكا وطلگتها بالجامع بالسر بيني وبينها وبقت تعيش بيتي گدام الناس زوجتي اتصلت بيه بعد فتره گالت راح اترك البيت وابلغ اهلي اتطلكنا واذا اجاني نصيب اتزوج
الله وياج والگلب يدعيلج
سافرت اشتغل بشركه نفط تركيه ردت حوراء اتصلت كالت راح ارجع لبيتك خالتي تكول لاتعوفيني
حوراء هذا الحجي مو عليه انتي كان عندج امل بواحد يخطبج من ايستي منه رجعتي
وبعدين انتقلت للعراق ورجعت لبيت اهلي القديم بغداد ورممته سديت باب گلبي وتركت المفتاح موجود منتظر وحده تفتح وتدخل وبيوم شفتها شجن مشت من كدامي مانتبهت على گلبي وگع بخطواتها الثگيله وراسها المحني وعيونها الي غاضتها مو قصه جمال الجمال موجود بالشوارع بامريكا ومجاني الخجل والحياء هو الي صار نادر بحياتي
رغم ان شجن كانت بيها كل مواصفات الجمال العراقي بس البراءه والثگل هو الي يجذب بيها
مرت ايام اتعمد ادك بابهم واتحجج احجي وياها ابد مانطتني مجال حتى متباوع عليه وانتبهت عليها عيونها حولها هالات سودا دليل تسهر اكيد مگابله التلفزيون والنت بس فوك بيتهم مافي شبكه وعايشه هي وامها ماشفت احد يزورهم