ما ذنبي

جزء الاخير

اندكت الباب عليه فتحت ماافت
هم شنو يريدون بس معاهم مترجم وشفت عدنان وزمن
الي افتهمته مبلغين اني اعاني امراض نفسيه وزوجي مفقود وامير اني اشكل خطر عليه ويريدون ياخذوه من عندي ينطوه لعدنان واني ياخذوني لمستشفى الامراض العقليه
ماصدگت الي يگولوه على فلوس وبيوت يحرموني من ابني
دخل عدنان وياه شرطي ركضت عليه اخذته وكتلهم عدكم سلاح اقتلوني واخذوا ابني
الشرطه ذلوا يحجون وياي مصدگين اني مخبله
احنا هنا نساعدج ونساعد ابنج انتي مريضه تحتاجين علاج اخذوا امير ودخلوني السياره
فدوه عدنان بس انطيني ابني واخذه واسافر للعراق والله هسه اسافر
انت عندك اطفال لاتحرمني من ابني لخاطر بسام لك والله مااريد اي شي بس ابني
دخلت المستشفى كلهم امريكان اخذوا تلفوني كنت بحاله انهيار مااعرف ادافع عن نفسي وبس ابجي وبكل لحظه اتصور عدنان وزوجته يتحارشون بابني
عرضوني للجلسات كهرباء
عدنان راد الوصايه لان ماحصل شهاده الوفاه حتى يضمن اني الاملاك اله تخلص مني بحجة اني مضطربه نفسيا عن طريق التقارير الي كتبتها الدكتوره الي كانت تعالجني زمن عرفت اني اتعالج من بسام ذكر اسم ساجده وخليل وعرفت قصتي كلها واخذ امير مني مرت شهرين عليه
لحد ماالتقيت بالدكتوره الي عالجتني وضحت اني مو مضطربه وانما ضحيه وحصلت امر خروجي
وصلتني هي للبيت لگت الباب مغيرين قفله
حياتي من ماساه لماساه
احتارت وين توديني كتلها وديني لعمتي يمكن اشوف امير
ودتني دخلت عدها
ليش عمه هيج سويتوني مخبله وحرمتنوني من ابني اذا هسه رجع بسام شتكولون وين مرتك
لو مطلعه شهاده وفاه ومتنازله مصار كل هذا
اريد ابني واعيش عندج مااتصرف باي شي واذا تريدين اشتغل وانطيج ايجار الله يخليج والله مابيه حيل بعد هم رجلي وهم ابني
دخلتني بس امير كان بامر محكمه عند عدنان ومسووليه يسلمه الي الا ارفع قضيه على عدنان وماعندي فلوس واخاف امه تطردني من البيت
وكان يوميه يجيبه اليه اشوفه ويوميه اتوسل بيه يبات عندي يگلي مسووليه
عدنان انت كذبت الكذبه وصدگتها قابل اني صدوك خطر على ابني
اريده يتعود عليه ويعرف اني ابوه
انت عمه وابوه موجود ويرجع وماادري شراح تگله بذاك الوقت
ذبيت مرتك بالمصحه واخذت ابنها منها بيش احلفلك مااريد الاملاك بس شلعت كلبي يوميه وانت تاخذ ابني مني چبيره عند الله وانت عندك اطفال خاف عليهم
سكت شويه وگال خليه اليوم عندج
ماصدكت گالها اخذته ودخلت الغرفه وقفلت الباب عليه
ميگدر يكسر الباب لان عنف وابلغ عنه ومسووليه انطاني الولد بنفسه
شجن اذا انهزمتي بالولد ابلغ عنج
بسيطه بلغ بعد تحلم تاخذه مني ومن باجر ارفع عليك قضيه ابني متعرض للعنف وتبقى بالمحاكم سنين ولاتنسى الفضيحه گدام الناس جفيني شرك ولي عني ابني اني اربيه لحد ميرجع ابوه طلع من البيت
بنفس الليله گعدت الفجر اتذكرت كلام بسام دعاء الفجر مستجاب والقران تسمعه الملاىكه
كمت صليت ودعيت ربي وقريت قران ياربي بس يكون عايش مااريد شي بس يرجع لابنه ياربي مثل ماخليت حبه بگلبي خليه الي يارب مشتاقتله حتى ريحت جگايره افتقدها اهله بلا رحمه وبلد غربه واني لااسوق لاافتهم انگليزي
وين اروح منو الي غير بابك ووجهك الكريم
نمت وابني بحضني اموري حبيبي تتذكر ابوك كان يشاقيك ويضحكك
سوده عليه بسام حتى عرس مثل الناس مشاف وياي لگه خليل معقدني ليكدام
بديت اتعلم سياقه واخذت اجازه واستخدم سياره بسام
صار عمر ابني سنه وثمن اشهر استمريت ادعي كل فجر
دگ تلفوني هستوني مخلصه صلاه وغافيه شفت رقم غريب ومن الخارج عرفت وقبل لااجاوب
بسام انت بسام ابو امير
بلي حبيبتي بسام
بسام ولك موتتني الف مره وينك انت بخير
بخير بس طمنيني عليج امير وين
صرنا بخير من سمعت صوتك انت وين شوكت تجي
قصه طويله حبيبتي احجيلچ باجر هسه تعبان وهسه وصلت لتركيا الامم المتحده اخذتني واول وحده اتصلت بيها انتي حتى امي مافكرت بيها لان اعرف ماعندج غيري
بسام عايشه بدون روح بدونك الموت ارحم من فراگك
والله مامر يوم ماحلمت بيكم انتي وامير وردت اعيش علمودكم
بس شجن اني لمن تشوفيني مراح تعرفيني تغيرت هواي
حبيبي بس انت سالم كافي لو بس اديك تحوطني من انام وشفايفك تبوسني بعيوني بس نفسك يمي كافي لو بس ريحة جگايرك كافي
لچ يا جكاير داعش يكولون حرام
انت هسه بامان