ما ذنبي

13

كان وصولنا لامريكا فيه الكثير من المفاجاءت بيت بسام كانت بنت عمه حوراء ماجرته بعقد لمده تلث سنين بدون علمه ومو من حقه يطلع الماجر ولايشتكي عليها لان بنت عمه
وداني على مزرعته خارج المدينه وبيت هناك زغير وحلو والجو والمناظر بيها اشبه بالخيال كنت احرص اگعد من الفجر حتى اشاهد منظر شروق الشمس واصوره والغروب الوانه متناسقه تبارك الخالق ومنها اكتشفت عندي حب التصوير وبديت اصور كلشي يجذبني النظافه بكل مكان والهدوء
الناحيه الثانيه من كنت اطلع ويه بسام واشوف مناظر البنات ولبسهم اعرف ان بسام متحمل مني هواي
اصلا مخلصتها عليه ظلمه واذا فكرت اتعطفت عليه وانحرف البس دشداشه بدون ردن
ومن هاي قررت هذا لازم يتغير يعني قابل كل النساء الشرقيات بطلات اغراء بس يعرفن يرضن ازواجهن وبديت اول خطوه
بسام اني مقصره وياك
لاحبيبتي ممقصره بس لو تركين الخجل والارتباك هسه من نروح جلسات علاج تتغيرين
اذا بيه شي مضايقك گول
مافي شي انتي متضايقه من شي
لا والله كلشي بيك احبه
راد يطفي الضوى هو يعرفني مااقبل ضوى مفتوح
اتركه للضوا اني مااخاف منك
كان سعيد جدا بهذي الخطوه
الجانب المهم ومهم جدا كان اهله ممعاشرتهم ناس مثلهم قبل الكل يحجي انگليزي قليل عراقي ماعدا امه يحكمون على الناس على المضهر
واخته زمن متحكمه بالكل وداد زوجة عدنان ذكيه وماديه
بعد اسبوع زمن جتي للبيت الريفي كان بسام موجود عرفت عازمه صديقاتها يتعرفون عليه شوفوا كلامها من شافتني بدلت وكملت
هاشنو الكارثه الي لابستها
شنو جبه اني حامل مااگدر البس غيرها
لا اكيد انتي جايه من الفضاء في بنطرون للحوامل بسام روح على اي ماركت اشتريلها ملابس حمل
واني شيعرفني بعدين ملابسها حلوه وشجن تحب العريض
اوووف ضغطي صعد انت هم صرت ماعندك ذوق رايحه اجيبلج ملابس وارجع
طلعت بسام ضحك شجن عوفيها هي هاي من صغرها هيج لاتهتمين الها
مابيها شي اختي الكبيره وتعلمني خليها تغيرني احسن ماالناس تنتقدني
عفيه عليج والله عقلج اكبر من عقلها بس لاتكولين گدامها اختي الكبيره كوليلها صديقتي ولاتسالين عن عمرهاصار
رجعت انطتني تشيرت بدون اردان وبنطرون حوامل وگالت انزعي الذهب والبسي اكسوارات انتي مو نائبه بالبرلمان العراقي
سويت الي رادته طلعت شافتني ردت
ئي هسه طلعتي بشر
صخونه متعجبه عايشه بامريكا عباله فد شي اصلا امريكا متلفي الا الي ظروفه تعبانه وهنا يصير براسه خير لبست صايه وطلعت بالسياره
خلي بسام يعلمج سياقه وانكليزي سجلي معاهد اني اخذج واني اختار السياره الج انتي يلوگلج سياره عاليه ولونها اسود شوفي احنا رايحين يم بنات حتى من ياكلون ميفتحون حلگهم تصيرين مثلهن ومتحجين ابد واي شي يقدموه تخليه على شفتج بس وترجعيه متاكلين ولاتشربين لحد مااعلمج شلون تاكلين بالمناسبات
حاضر مثل متريدين
مبينه حبابه ومطيعه باوعتلي وحلوه بس يراد تضعفين شويه
انشاالله ورا ماجيب اضعف
عرفتي عندج ولد لو بنيه
صورت ولد
لاتگولين صورت گدام البنات كولي اريدها مفاجاءه بس الهمج يصورون والولد اني اسميه
ابوه مسميه امير
بسيطه اني وبسام نتفاهم
رحت على العزيمه ولو هو ماكو اكل بس عصير وشفت امه لبسام هم تفيك ماادري شلون اسبوع كامل ماطلبت منه يجيبني وتشوف زوجة ابنها
اول حديث بيني وبينها
اخذتي بسام على علاقه
لا والله خاله قسمه الله
خاله شنو گوليلي باجي وديري بالج تعاندين ابني زوجته الاولى احلى منج بهواي
يمه گلبي راح ينفجر ذوله عليمن يمثلون الحمد لله بسام يختلف
وداد شافتني
تعالي انصحج نصيحه شوفي ترى رجلي ورجلج وكلشي بيد زمن كسبيها تعيشين بامان واخذي من رجلج الي تگدرين عليه فلوس ذهب اراضي وزمن ديري بالج منها تدري انطاج شي
واني شريد منها اخوانها وبكيفها
جهالج حلوين الله يخليهم طالعين عليج
تسلمين صوري خلي نشوف عندج ولد لو بنيه خطيه بسام انشلع گلبه مات على حوراء اربع سنوات حب بس ماتفاهموا هسه بعده يحبها لو نساها
اليوم اساله واردلج الجواب
خلصت عزيمتهم بطلعان روحي ارجع يم رجلي على الاقل يخليني اكل واشرب
هو الي رجعني للبيت