حيـاتـي💔(مكتملة)

الـحـلـقــة 2

حياتي 2

تشوف سندس وتساعدها... جينا للحوش سلمت سلمى على ماما وخشينا للدار.. لقينا سندس واقفه وتستنى.

سيبتهن في الدار يحكن ومشيت نلهي ماما ونبعدها عنهن وقعدت نجهز معاها في الغداء..

سعد:-السلام عليكم
أنا+ماما:-عليكم السلام

ومشى انا ناديت وراه:-ما تخش
عندنا ضيفه.

سعد:-من؟؟؟؟
أنا:-صاحبتي سلمى.
سعد:-بروحها مخليتها!!!!!!
أنا:-لا مع سندونه.
سعد عصب وتنرفز:-ما تخليهش بروحها مع حد البنت اختك هذي ما عنديش فيها ثقه.
أنا خفت بحتت في ماما وخشيت نجرررررري.

انا:-شن صار معاكن؟؟؟
سندس كانت مبتسمه ليا وووين ما شفتها مبتسمه:-لا تمام عطيتها رساله توا تعطيها لنبيل.
كتبتله كل شي،،يارب يقتنع.

أنا:-ياااااارب.
سلمى:-بس على فكرة انتي مزلتي صغيرة يا سندس.

سندس:-ما عليكي فيا،،ديري ما قلتلك عليه بس..

تغدت سلمى معانا وطلعت على طوووول.

مشيت للمطبخ نساعد في ماما،،جانا إبراهيم:-من يلي كانت عندكم؟؟؟؟؟
ماما:-سلمى صاحبة رجاء.
إبراهيم بحت في:-صاحبتك أنتي؟؟

أنا خفت وبحتت فيه وهزيت راسي.
إبراهيم:-وايش تبي في الكلبه اختك؟؟
أنا:-عشان مريضه،جت تزور فيها.

إبراهيم:-يا أمي اسمعي هذي آخر مره تجي وحده لـ سندس.
سندس تنحبس هنا لاتطلع لاتخش لا تشوف حد لـ عند ما تتزوج ولا تموت.

ومشى.....
أنا خشيت نجرري للدار،،

سندس:-مش قلتلك؟؟؟؟
مش قلتلك خوتك مستحيل يريحوني.
اااااه يا ربي اااااه
وينك يا نبيل بس.

أنا خفت:-اسسسسس نقصي صوتك ره.حد يسمعك.
بعدها من نبيل هذا؟؟؟؟؟
وكيف تعرفيه؟؟؟؟؟
وشن صار بينكم؟؟؟؟

سندس جت قعمزت جنبي:-بلبل هذا الكبيدة نعرفه من سبع شهور،،تعرفت عليه في المحل متاعه وقعدت ديما نجيه.
دارلي فون بس تعلقت بيه،مش كيف يلي قبله.

أنا:-شن الجرأة هذي؟؟؟
تحكي معاااااااه في المحل قدام الدنيا كله؟؟؟

سندس:-طبعاً لا وقت نجيه يسكر المحل.

أنا شهقت وغمضت عيوني.

سندس:-ادعيلي يجي يخطب بس.
أنا:-ان شاء الله يكون من نصيبك وربي يسعدك معاه.
سندس:-نججججججك ليا يا احسن اخت في الدنيا كلها.
تصدقي!!!!!!!!!!!!
رايفت على سعاد.

أنا:-بالك توا تجي مع بابا،،
سندس:-ليش وين باتك؟؟؟؟؟؟
أنا:-في طرابلس مشالها زيارة،،،،،،
سندس:-اووووف ياربي ياريته ما تزوجت بعييييد.
انا:-تريحت منكم على الأقل.

ومشيت للحمام.......!

اليوم الثاني في المدرسه كانت حصة فيزياء...