حيـاتـي💔(مكتملة)

الـحـلـقــة 28

حياتي28

كــ عادتي فضفضت لـ سلمى واجد و هي كانت صديقه مخلصه.
تسمعني وتفهمني واتحس بي واتصبر في واتهدي في..

ما عمر سلمى سيبتني في محنه من هالمحن يلي صارن معايا.
ديما واقفه معايا صديقه مخلصه نادرة وفية فعلا كانت نصي الثاني كانت راحتي ومصدر اسراري.

خايفة نزيد نمدحها ونشكرها نخسرها لذلك مش حـ نزيد.

مشت سلمى وخشيت أنا للدار.

مرن أيام وأيام وأنا طبعاً هذي آخر سنه وما نبش نقرأ لذلك انتسبت افضل.

تخطت سعاد مرحلة الخطر لأنها كان محتمل أنها تجهض،،وسمحت لها الدكتورة تمشي عادي.

وأنا صحتي تحسنت وعشت عادي، فقدت كل حاجة وعشت بلا جميع الحاجات بس عشت الحياة تستمر والفقد يستمر طالما أنك عايش حـ تفقد هذي سنة الحياة.

قاعده سعاد تجهز في دبشها تبي تمشي لـ حوشها،،وقاعدين جنبها أنا وسندس واعميمه سكينه.

أنا معش تحملت الموقف خذيت على سعاد ووجودها ووجود البوبو قعدت نبكي شن هالحظ يلي عزق سعاد في طرابلس.
شن هالحب يلي يخليك تمشي بعيد عنا يا سعاد؟؟؟؟

قلت هالكلام وانا متأثره ونبكي.

اعميمه سكينه وسندس ماتن من الضحك:-هههههههههههههههههههههه
اعميمه:-توا سعاد متزوجه لها كم سنه في سنه توا خطرلك تلوميها؟؟؟

أنا تلفتت وحسيت بضيق معقوله مش حاسات بي لدرجة مش فاهماتني ويضاحكن:-لا عارفه من زمان يا اعميمه،،بس كان في بدائل ماما فتحي ولدي دراستي.
بس توا شن؟؟؟؟؟؟؟؟؟
شئ.
صح؟؟؟؟؟؟؟؟؟؟؟؟؟

سعاد بحتت فينا نحنا الثلاثه:-اطلعن خلني مع رجاء بروحي.

وقفن اعميمه وسندس وطلعن.

سعاد:-رجاء في مثل دارج ماشيه عليه الحياة كلها.
يقولوا""كيف ما يجيك الوقت تعاله""
لذلك يا عيوني اعزقي الماضي وراك حاولي تتعايشي مع وضعك هذا.
استمري ره مش واقفه عند حد.
ماتت ماما هل متي وراه ولا انتهت الحياة؟؟؟؟
هل متي وراء فتحي ولا وراء ولدك؟
لا صح؟؟؟؟؟
لذلك خلي ايمانك بالله قوي،،وما تظلمي نفسك وتعاقبيها بلا ذنب،،، أنا حذرتك ونبهتك من قبل من زمان أنتي يا رجاء تتجاهلي في نفسك تتجاهلي في احاسيسك كثرت الحبس والغم والهم مش حل.

عيشي حياتك اطلعي للمعهد اقري زوري صاحباتك وسندس وحوش اجديده.
اشقي بروحك اسعدي نفسك لأن ماحد يسعدك.
تم؟؟؟؟؟

أنا:-حاضر.

ودعتنا سعاد وعدت بكينا كلنا وراها جديدة طولت وهي تسكت فينا.

حتى سندس مشت لحوشها،،سندس بوجود اعميمه معانا معش قعدت واجد مهما كان حوشها وراجلها تقدرش تقعد مده طويلة.