ساره : مرحبا اسمي ساره عبد الحق
* عمري ١٦ صف رابع علمي
* عندي ثلاث اخوان واخت وحده
امال عمرهه ٢٨ متزوجه عدهه ٣ اطفال
خالد عمره ٢٥
سيف عمره ٢٣
محمد عمره ٢٠
واني بزر الكعده
* اني مدلله وحلوه اخبل ناعمه وانيقه وحساسة ابجي بسرعه شكلي عيوني جوزيه وجهي مدور وعندي خدود وبيضه وحلكي احمر من الله وصغيرون وخشمي كذلك صغير يعني احلاهم بالبيت
* بابا عبد الحق عمره ٤٧
* ماما نادره عمرهه ٤٥
* سكن بغداد
نروح للبطل
حيدر : مرحبا اسمي حيدر عمري ١٧
عندي اربع اخوان واني الخامس وثلاث خوات
أصيل اقبال متزوجات وخديجه بعدهه
علي وسلام وحسن وحسين واني بزر الكعده اصغرهم
شكلي عيوني زرك على خضر وابيض وشعري عالي وملابسي مال موديل هسه
* شخصيتي مرح و لطيف واسولف واضحك على كوله اخواني مهتلف ودايح بالشوارع اربعه وعشرين ساعه بالشارع يم اصدقائي طلعاات ونسات ما عندي مسؤليه ما اهتم لاحد اخواني بعدهم صغار اكبر واحد هو سلام عمره ٢٧ بس كلنه احنه واحد فوك الثاني جان عندي اخو اصغر مني بس توفه اول مجابته امي قبل ٧ سنوات تقريبا
* سكن نجف
كعدت الصبح على صوت امي
امي كعدي ماماتي ساره سيوره عندج دوام
ساره اي ماماتي كاعده صباح الحب
ماما صباح الجمال حبيبتي
كمت سبحت وبدلت ونزلت جوه
ساره صباح الخير
الكل صباح النور
بست بابا من خده وكعدت اكل خلصت اجه ابو الخط رحت للمدرسه التقيت بصديقاتي وسولفنه دخلنه للصف كملت الدوام رجعت للبيت وكالعاده شقه وضحك وسوالف واكل ودراسه ونوم كملت السنه الرابعه وعندي عطله شكبرهه سويت فيس بوك ودخلت بكروباات بنات بس بنات ومره بالليل جاي العب دخلي ولد على الخاص
الولد هلاو
ساره هلاوات
الولد شلونج
ساره الحمدلله
الولد ممكن نتعرف اني حيدر من النجف عمري ١٧
ساره اهلا بيك اسمي ساره من بغداد عمري ١٦ وراح ادخل ب١٧
حيدر تشرفت بيك
