مرت الايام وضلت تلعب روحي واتقيا
الام يمه خاف حامل
ساره ما أدري
الام اليوم ياخذنه حسن ونروح نشوف
ساره الله كريم
الام ها جاهزه
ساره اي جاهزه
الام اخذتي اذن قبل رجلج
توترت كلتلهه اي اني اصلا مكايلتله
رحنه وحللت طلعت حامل ثلاث اسابيع
رجعنه للبيت بشرناهم وفرحوو
حيدر كعدت العصر سئلت على ساره
حيدر خويه وَين ساره
تماره زوجه سلام يا خويه مَو راحت للدكتوره ما كلتلك
حيدر ها لا كالتلي بس عبالي اجت
تعصبت طلعت مكالتلي قررت اعاقبهه اجت وبشرتني حامل فرحت ونسيت كلشي مرت سبع أشهر وهيه تصدني وما تحجي وياي اصلا وهاي احلام لازكه بيه ردت اتقربلهه تذكرت ساره عفتهه ورحت لساره شفتهه تمشي بالغرفه وتبجي وكاضه ظهرهه
حيدر ها ساره شبيج
ساره اااااااةةةةةةةة بصياح
حيدر شبيج
ساره الحكلي حيدر اةةةةة حموت
اجت امي ونسوان اخواني واخواني
الام يا هاي عدهه ولاده الثوله بعدج بالسابع امشي ولك حيدر جيب السياره
ساره مرت الايام حيدر يتقربلي هواي واصده ما أريده وخديجه واحلام موتني متجاهلتهن واسولف ويه طفلي ما حللت ابدا كلت شنوو يجي من الله هلا بيه مره بالليل متاذيه حييل من بطني ضليت الوب وامشي بالغرفه وابجي اجه حيدر ورفسني الطفل حيل اني صرخت وضليت اصرخ اجه الكل على صياحي واني اصرخ وابجي لبسوني عبايه ونزلت ودوني للمستشفى وابجي واحس شي ينزل عليه دخلوني لقاعه الولاده واني اصرخ بكل قوتي انوب سمعت صوت طفل ونمت
حيدر وصلنه وهيه تصرخ وتبجي كسرت كلبي دخلوهه وامي توصي بيهن وانووب مجايبين ملابس ولا شي الهه اجو اخواني ونسوانهم جابو ملابسهه وملابس الطفل بجنطه شويه وطلبوهن انوب اجت وحده انطت الطفل الي يخبل ابيض ويبجي وناعم صغير
الممرضه عيني هذا ابنكم وليد يجنن جيبوله ممه وحليب اطفال رضع وماي بطاله ورضعوه خطيه يبجي
الام والبنيه
الممرضه مبيهه شي هسه نطلعهه لغرفه لوحدهه الف مبروك
الكل الحمدلله
الممرضه يله شربو الطفل علمود ناخذه نوضعه بالخدج بعده ناقص شويه
امي ان شاء الله
راح حسين جاب الكالت عليه الممرضه رضعته امي واخذوه وحجزت اله مكان لوحده وحطوله الاسم برجله علمود لا يختلط ويه احد وانوب رحت لحبيبتي كاعده متاذيه حيل وتعبانه والكل يمهه
