راحو عمامي وعماتي كلهم وثاني يوم
ماما كومي ماما نجهزج
ساره ماما شتجهزيني رايحه للموت اني
ماما ميخالف تمنيت ازفج بفستانج الابيض كومي حبيبه
محبيت اكسر كلبهه رحت وياهه واخذت سمر ويانه لان خاف اريد شي خاص اكولهه ولان هيه صديقتي بنت عمي اشترتلي كلشي ما خلت شي ما اشتره ورجعنه الببنات حفلي وسون جسمي وحضروا غراضي بالليل اندك الباب راح بابا واجه بيده ضرف
بابا بويه هذا اجه اخو الولد اللي راح يكون زوجج جاب فلوس يكول خلي تجهز روحهه
امي ياا بلكي يكون زين ويحبج
الكل الله كريم
ثاني يوم طلع خالد من السجن كلناله خبص الدنيا علينه شلون قبلنه وكسر البيت كله ومقبل ارروح وبالكوه هدوه طلع من البيت لثاني يوم ما اجه العصر
بابا يله بويه خلي نروح.
ساره اي بابا
سلمت عليهم ويبجون عليه ويوصون بيه
رحنه وطريق طويل
حيدر وره مطلعت اهلي حاجوني وكلولي حرام ومدري شنوو كلتلهم كل السالفه وابوي كال وياك حق صدفه غريبه ومرت الايام انطونه موافقه فرحان بس كلت خاف ما ينطوني ساره غيرهه الله كريم وديت فلوس بيد حسن الهم واجه اليوم اللي لازم تجي انتظرتهه بره اني واخواني وابوي نزلت من السياره يا بوويه كلبي راد يوكف نزل وياهه ابوهه وعمهه واخوهه سلمو علينه وهيه مدنكه راسهه وتبجي وشابكه ايد ابوهه وهو يوصي بيهه وهيه تبجي كضهه اخوهه من وجهه باسهه براسهه
ساره وصلنه ونزلت اني بس ابجي اتذكر حيدر وابجي وشابكه ايد ابوي وابجي بقوتي تالي كضني اخوي سيف من وجهي وباسني براسي
سيف حبيبتي اهدي شسالفه خوش ناس وراح يحبوج واحنه بين فتره وفتره نجيج كافي بجي يا كلبي كسرتي كلبي
سلمت عليهم وراحو ودخلت جوه تلكني بنات سلمن عليه وامهم خوش مره شويه ارتاحيت صاحولي اعقد عقدت عرفت اسم الولد حيدر تفاجات بس كلت موو هوه صعدني البنات فوك وكعدن يمي وشابكه ام الولد وابجي شويه واجه
حيدر يله يمه اخذي البنات ونزلوو
الام يله بنات كومن خلوهم يرتاحون
نفس صوته نفسه
حيدر رفعي راسج
ما رديت وبس ابجي اجه رفع راسي بيده باوعتله نفسه حيدر اي هو نفسه
باوعتله ومتفاجاه
حيدر متفاجاه موو
ساره حي حيدر
حيدر اي حيدر شلونج يساره
ما رديت حسيت براجدي فر راسي فر
حيدر بعصبيه ليش ولج ليش هيج سويتي بيه عفتيني ورحتي
