Stationery And Pen

Saan?

Gusto kong humingi ng payo mula sa kaibigan ko
Gusto kong umiyak sa sakit ng nararamdaman ko
Gusto kong sumigaw kung gaano ako kagalit sa mundo
Gusto kong lumayo sa mga mapanghusgang mga mata niyo

Pero bakit?
Bakit ako malungkot?
Bakit ako galit?
Bakit hindi ko maipaliwanag ang sakit?

Dahil ba pagod nakong maging ako?
Pagod na rin ba akong mahusgahan?
Magbulag bulagan?
O dahil, pati sarili ko, hindi ko na rin kilala?

Tulong.
Gusto ko ng tulong.
Kanino? Saan?
May lugar pa bang hindi tayo huhusgahan dahil sa mga sugat ng nakaraan?