عشق محرم دوليا (لهجة جزائرية )

الحلقة 1 بارت 1

ألينا؛ داكوغ مسيو دوك نفرزها و كون متأكد خدمتك معايا ماش كيما أي شركة
لويس؛ متأكد من هاذ الشي ألينا هاكي مقلبة السوق
ألينا؛ ههه مرسي عالمجاملة لويس
ناض من بلاصتوا
لويس؛ الوغ انا نروح دوكا ... استمتعي بجو براغ
ألينا؛ هههه وي خلصت الخدمة وقت التحواس
لويس؛ دوماج لازم نسافر كون فوتنا وقت شباب
ألينا؛ معليش اتهلا
صافحها و خرج .... دخلت الفة تجري ،،،.
ألينا؛ بعقلك رايحة طيحي
ألفة؛ قوليلي واش درتي فيها !!!!
ألينا؛ باينة ديت الصفقة .. من وكتاش نفشل في امور هكا ..
ألفة؛ ههه انا اللي نعرف ... صحا قوليلي كاش اعجاب .... اهتمام احكككي ؟؟
ألينا؛ ألفة ماكش رايحة تحبسي الطبيعة هادي ... وقت الخدمة خدمة ..
الفة؛ افففف منك مملة تقتلي ألينا ... نخطيك تبقاي مع الخدمة ... يا بنتي تكملي هكا تبوري
ألينا؛ مكلاه تبداي تكسريلي فراسي هيا نخرجوا ندوروا غدوة نهبطوا لدزاير
الفة؛ أاااااا غير هادي منسكتش عليها ... يومين و احنا اجتماعات فللخر تعوضيني بيوم برك ...
ألينا؛ هيا برك هيا ...
خرجنا للمول تاعهم ... باقيين نندوروا شريت كادوات للفامي كامل ...أصلا كون منديلهمش ياكلوني ... عديت على حانوت تاع الپارفان ... شفت مع boss ... جات تصويرتوا بين عينيا ... قلبي غص ... حكمت روحي و دخلت
ألينا؛ اعطيني البارفان boss  من فضلك و غلفها باسكوو كادوا
- حاضر مدموازال
باقي يحضر فيها ..، هزيت ال Givenchy .. حطيت منها رشة... شحال نحبها البارفان هادي... نحسها تعبر على مزاجي المتقلب ... حطيتهالوا باش يغلفها ... تفكرت الفة اللي راحت تقيس القش ... تبانلي رايحة تشري الحانوت كامل ... كمل سلكتوا ... و خرجت .... عديت عليها لقيتها خارجة ...عيات تهز الساشيات ...ضحكت من منظرها ... تموت عاللبسة ...
الفة؛ أليييينا جععععت
ألينا؛ كولي القش هادا كامل اللي شريتي
الفة؛ هههه سامطة .. هيا نروحوا للطاج اللخر نتعشاو و نروحو ...
ألينا؛ أوك
هزيت يدي شاورت للي يهزوا الحوايج ... هز علينا الحوايج هو و واحد معاه ... نزلت معاه نحطوهم فالطاكسي ...و الفة طلعت تستناني الفوق ... واقفة فالبارك و هو يحط فيهم فلامال ..كي كمل سلكتوا...صونا تيليفوني
ألينا؛ وي ماما ... ايه صافا حمد الله ... أه ايه غدوة نرجع ..، منسيتش عمبالي ... داكوغ باي ..،بييزو ...
كوپيت عليها... ملي سافرت و هي تعيط ... هاذي هي أمي ... ديما تتقلق كيما اي ام جزايرية... مشيت نطلع ...عيطتلي
ألينا؛ وي ألفة .. 5 دقايق توحشتيني بعد
-----------: منيش ألفة
ألينا؛ واشنوا؟؟ شكون نتا !
----------: ميهمكش تعرفي شكون انا ...كاين طاكسي مقابلتك فالبارك ... اركبي فيها ... خير ما تنساي صاحبتك
ألينا؛ اسمع راك غلطت فلادراس ... بالاك متعرفش شكون انا
----------: نعرف مليح على هاذي قتلك اركبي ... ولا خلي كي نقتلوا صحبتك تفهمي الهدرة
الفة؛ أليييينا متروحيش
سمعت صوت الكف .. و عيطتها
ألينا؛ رد بالك ديرلها حاجة ... و الله
كوپا عليا ...بلعت ريقي ...دورت نحوس عالطاكسي اللي قال عليها ... شفت وحدة شاورلي بالضوا ... افففف من الحكاية هاذي دوكا ... مكانش كيفاش نحلها ...كون يسمع يحبسلي الخدمة خلاص .... لازم نغريهم بالدراهم و خلاص ... اصلا باينين اللي هذا هدفهم ...قدمت بالشوي البارك هادي خلاص ... و زيد الظلمة الضو بالسيف ما يبين ... عينيا تحلوا على صوت الفران اللي جاي من بعيد ... لحظتها برك ... عرفت واش معنى تشوف الموت قدام عينيك ... عينيا تغمضوا ... و كلشي ظلام ....
فادي؛ جواااااااااااد شعععععملللللللت انززززل
جواد؛ فااادي هبلت دوك تلصق فينا التهمة هيا نروحو
فادي؛ حببببس
جواد؛ اففففف منك فااادي اففففف
فالطاكسي الكحلة:
- وي بوووس مجاتش ... دهموها زوج ...كان يسوقوا بالفيتاس و الظاهر هربوا
- اخرجوا من تم ليه ليه ... كاين كاميرات فالبارك ...
-حاضر بووس
-اففففف اطلقوها عليا فسد كلشي ... و اخرجوا من المستودع بلا ما تديروا حركة تاع شك ... اسمع نتا ارشقلها برا باش تنسا واش صرالها هنا
.........
فادي؛ مدموازااال صافااا
جواد؛ تبان ماتت هيا فادي خطينا منها ...من وكتاه نديروا حساب لهاذ التفاهات
فادي؛ جواااد كاين كاميرات فالبارك افهم .. كون يتماركا الماتريكيل تاعنا تخلا ... مهيش ايطاليا و ماريكان باش كلش يفوت تتخلط ... هيا هزها معايا
جواد؛ اففف نهار كي ***** بعد
هزوها حطها فالطاكسي ...و ديمارا للكلينيك ... جيست ما خرجها حكموه الفراملة ... حطوها فالنقالة ..طول لغرفة العمليات ...
جواد؛ هيا دوكا وصلناها خلصت جلسة الطيبة ...
فادي؛ راح تهبل جواد
جواد؛ فك عليك ... مهيش اول وحدة ههههه ... هيا نكملوا السهرية
فادي؛ و الطفلة ؟
جواد؛******** بيا من وكتاه ...بففف اصبر
هز التيليفون عيط لواحد من رجالوا... قالوا يجيب طاكسي و يجي للكلينيك... دقايق و كان لتم ... فهموا اللي هوت باش يبقا على اساس هو اللي كان يسوق و خبطها فالبارك
فادي؛ واحد ما يقدرلك جواد
جواد؛ عمبالي جيب الجديد ههههه
خدم الطاكسي و طار بيها .... غزر للمراية رجع شعروا للورا ... جبد قاروا شعلوت و نفخ فالهوا ...
#يسرى_أمجوج
#عشق_محرم_دوليا