عشق محرم دوليا (لهجة جزائرية )

الحلقة 37

الحلقة 37 :
جود؛ مغششة عليهم ؟؟ بستيني غير بش تمنعيهم ؟؟
ألينا؛ سيببب يددددي وجعتنننني
جود؛ انطقققي
ألينا؛ ايه خاطرك متوحش ..يخي وش يهمك عامل فيها دور الزوج ..  و أنا و نتا نعرفوا وش كاين .. وش مكانش .. بلا تمثيل لهنا و خلاص .. ملييييييت ..
نطرت يدو خرجت و خبطت الباب ..
غزرلها و هي داخلة .. تلفت الورد اللي محطوط لورا .. هزوا بغش .. باقي يخبط فيه فوق الفولون دقدقوا ... عيط بأعلى. صوتوا .. دور الطوموبيل .. و ديمارا بأقصى قوتوا .. حبس فبلاصة جبلية عالية .. باقي يعيط .. على طول صوتوا .. الشي اللي واجعوا كامل رجعوا صرخات .. ساعات نحتاجوا نعيطوا .. نحتاجوا بلاصة نصرخوا بأقصى قوتنا .. على خاطر الدموع ميكفوش .. و الكلمات مينجموش يعبروا على واش نحسوا .. ترما قدام طوموبيلتوا .. يغزر فالفراغ ...يحبها .. و يكذب كون يقول لالا .. صح غلط مي هي كل مرة تصدوا .. كل ما يقدم بخطوة .. تدزوا يرجع بعشرة ..  تكا راسوغ للتالي و غمض عينيه ...
............................................ بعد شهر و نص ....................................
ألينا تحكي :
وقفت فالطاقة .. نشرب فالتيزانة .. تاعبة مش نورمال .. ليوم بالضبط تعدا شهر و نص من اللي ما  مشفتوش .. آخر حاجة كي نزلت من للطوموبيل و خليتوا .. هزيت تيليفون نعاود نغزر للميساج اللي جاني نفس النهار ..
" من اليوم مش رايحة تملي .. على خاطر من ليوم كل شي خلص .. و هذا المرة خلص صح .. تقدري تروحي وين تحبي .. و تديري اللي تحبي .. " ..
تنهدت .. و أنا نتذكر كي خرجت من الفيلا .. فراغ مش نورمال حسيت بيه .. مي كان لازم نخرج .. او انا كنت حاجة هكا .. نقلت شركتي لايطاليا .. رجعنا انا و الفة للخدمة كيما كنا .. كنت نسي في روحي بيها .. شريت دار هنا فإيطاليا ...  مرجعتش لفرنسا .. محاولتش تكلم بابا ولا حتى وحدة .. مكنتش مستعدة .. و متأكدة مكانش راح يسمع .. تنهدت نغزر للبحر .. وليت نحب العزلة .. منحبش نخرج .. حتى السفر تاع الخدمة تروح ألفة .. ساعات ندي أخباروا من عندها من عند فادي ..ساعات نخمم إذا تمكنت ريتا تقربلوا .. صح كنت نتعذب معاه .. بصح بلا بيه عذاب أكثر .. و البي وجعني أكثر أنو فرط .. و بميساج .. خسر عليا ميساج برك .. محوسش مسقساش .. و مخممش عالأقل يسقسي عليا من خلال فادي ولا ألفة .. والو ..  غزرت للكاس .. دخلت حطيتوا عالتابل .. ليوم ويكاند .. ألفة راحت randonnée مع فادي .. يعني بش نبقا وحدي ويكاند خلاف .. تعدا نهار نورمال .. شفت الساعة لقيتها التسعة .. خرجت من الأنستغرام .. و رحت للكوزينة كشما ناكل .. حليت الفريجيدار مع حليتوا ضربتني ريحة الزيتون .. تباوعت منها .. حطيت يدي على فمي .. جاني القيا منها .. خليتوا محلول .. و رحت نجري للتوالات .. قلبي خرج .. طلعت راسي .. حبست على لافابو .. و غسلت وجهي .. للضو تاع الدوش بدا يطفا و يرجع .. طلعت راسي غزرتلوا .. مبعد طفا .. تنطرت في بلاصتي ..الظلمة .. تلفت كبست علافابو ..  بش نوازن روحي .. سمعت صوت خطوات .. عينيا تحلوا .. شعل الضو .. طلعت راسي غزرت للمراية ..شفت واحد لابس لكحل .. جيت نتلفت .. و تجيني خبطة على راسي .. حطيت يدي على راسي من التالي .. حسيت بالدم .. تلطخت فلرض .. و كل شي ولا ضباب ..
#عشق_محرم_دوليا
#يسرى_أمجوج